السلام عليكم ورحمت الله وبركاته
كيفكم عساكم بخير ي رب
اعذروني ع الاخطاء الإملائيه
----------------------------------------------
----------في المطعم عند البنات-----------
عبير وهي تقوم م̷ـــِْن على الطاوله:الحمدلله شبعت
أثير وهي الثانيه تقوم :حتى انا عبير خلينا نروح نغسل
عبير وهي تشيل شنطتها معاها :اي يله
رغد: عبور فديتك وانتي جايه جيبي لي كاس عصير ليمون
عبير وهي تمشي :إنزين
وراحت عبير واثير للحمامات
الهنوف بأبتسامه: آسيل شفيك
آسيل وهي تنزل كاست المويه من فمها :ابد مافيني شي وش بيكون فيني مثلا
رغد برفعت حاجب :ترا هالكلام قوليه لغيرنا احنا فاهمينك بسرعه تكلمي شفيك
اسيل بتنهيده :والله مافيني شي
الهنوف: طيب صدقناك ليش كل شوي تناظري جوالك
اسيل بإرتباك: ها لا ولا شي
رغد بهبال :ليكون الي فبالي
الهنوف ببراءه :وش الي فبالك
صقعتها ع راسها وقالت بعصبيه :هي رغيد ترا بفضحك
الهنوف :؟؟؟؟!!!!!
رغد:لا لا ابوس خشمك
آسيل بضحكه :اي كذا خليك مؤدبه
-----------------------------------------
عند عبير و اثير
اثير وهي تخرج من الحمام :اقول عبور انتي بتروحي تجيبي لرغد عصير جيبي لي بعدك عصير فراوله
عبير برفعت حاجب :ليش وين رجولك ماتجين وراي
أثير وهي تتمسكن :عبور تخيلي طـ..................قاطعتها إنزعاج
عبير بإنزعاج: خلاص فهمت إنك طول اليل مانمتي روحي وانا بجيب العصير إرتحتي الحين
أثير ضحكت بخفيف :هههه اوك فديت المتفهمه
قالت كلامها ورجعت لعند البنات
اما عبير ف راحت وقالت للعامل يجيب لها عصير فراوله وعصير ليمون
عبير للعامل :بسرعه اخوي
العامل بفهاوه :طيب طيب تأمري امر
عقدت حواجبها بأنزعاج من فهاوته
بس سرعان ماابتسمت وهي تشوف شاشت جوالها تنير بأسم ابوها
ردت بإبتسامه: ياهلا والله بالغالي
ابو عبير وهو يله ينطق :ااااه يابوك اااه تعالي
وقعت الشنطه من يدها بصدمه وقالت وهي خايفه :يبه شفيك
ابوعبير: اااااااااه تعالي انا بالبيت "وقال بصرخه ارعبت عبير"لااااااااااااااااااااااااااااا
عبير وهي تبكي وبصراخ:الو يبه تكفى رد تسمعني الو يبه
كل الي بالمطعم إلتفتها لها
كل البنات والشباب الي بالمطعم قاموا وراحوا لعندها خوفا عليها
البنت لعبير :اهدي يااختي وقولي شفيه ابوك
عبير وهي تبكي وبصراخ :لاااااا لاااااا ابوي يبيني "راحت مسكت يد شاب وقالت بترجي"تكفي ياخوي نخيتك ابي توديني لابوي
ابوس رجولك إلا ابوي مابقي لي بالهدنيا غيره هو واخوي
الشاب تورط قال وهو خجلان لان الكل يناظره :اي اي إمشي بوديك
عبير وهي ماسكه يده وتمشي وهو خلفها قالت وهي خايفه :تكفي بسرعه لا يصير فيه شي
الولد بسرعه خرج وشغل سيارته وهي ركبت
بالمقعد الخلفي ومشى الولد بأقصى سرعه
»»»»»»»»»»»»»»»»
عند البنات
الهنوف بقلق :بنات ليش عبير تأخرت
اسيل بهدوء :شفيك هنوفه راحت تجيب العصير والحين بتجي
(البنات ماسمعوا عبير يوم صرخت لان طاولت البنات حجزوها بعيد عن الناس عشان يأخذون راحتهن )
رغد قامت من الطاوله وقالت :انا بروح اشوفها مو من عوايدها تتأخر
البنات اكتفوا بهز رؤسهم
اما رغد ف راحت لعند العامل وقالت :لو سمحت شفت وحده هنا كانت تطلب عصير فراوله وليمون
العامل :اي توها جاها إتصال يمكن ابوها صار له شي قامت وراحت هي وواحد من الشباب عشان يوديها لابوها اي شتصيرين لها
رغد بصدمه :قلت راحت هي وولد
العامل التفت لها وقال :اختي قلت لك تقربي لها
رغد صحت ع حالها وقالت: اي هي صديقتي وكنا هنا نفطر
العامل :لحظه
سكتت وهي تشوف العامل يروح
وبعد شوي جاء وبيده شنطت عبير
مدها لها :خذي سقطوا منها لما جاها الإتصال
مدت يدها وشالت الشنطه وقالت بجمود :شكرا
العامل :العفو
مشت متوجهه للبنات وعيونها تتأمل الفراغ
صحت من سرحانها ع يد اسيل الي تهزها :هي رغد شفيك ووينها عبير
رغد بجمود حكت لهم الي صار
اثير قامت وعطتها كف وقالت وهي تهزها :رغوده لا تخافي ابوعبير مو صاير له شي
صحت من صدمتها وقالت والدموع متحجره بعيونها :اي بس بس
قامت الهنوف وحضنتها وقالت بخوف وحنان :خلاص رغوده الحين بنروح نشوف شصار
اسيل وهي تحط الحساب ع الطاوله وتشيل اغراضها :يله بنات السواق برا
الكل شال اغراضه ومشى وخرجوا ركبوا السياره ومشوا
اسيل وهي تتصل ع عبير بعد دقايق جاها الرد
اسيل بأستغراب: هذه جوال عبير
الولد :نعم اختي عبير ماتقدر ترد الحين
اسيل بخوف :اخوي ابي اكلم عبير لو سمحت عطيها الجوال
الولد بإحراج :اسف بس عبير لسى مافاقت
اسيل بدت تبكي :طيب شصار لابوها وشنو فيها عبير
الولد يطمنها :لا تخافي ابو عبير بغرفت العمليات وعبير فاقده وعيها من نص ساعه
اسيل بدموع :اوك إعطيني اسم المستشفى الي انتوا فيه
الولد :مستشفى ال................ الطابق الثالث
اسيل :اي طيب
وسكرت الجوال ب جهه وعطت السواق اسم المستشفى والتفتت للبنات وقالت بخوف :لا تخافون عمي (ابوعبير تناديه عمي لكبر سنه)
بغرفت العمليات وعبير فاقده وعيها بس إنشاءالله مافيهم إلا العافيه
البنات كل وحده اكتفت بهز راسها وهم يبكون بصمت وكل واحده تدعي بداخلها إن ابوعبير وعبير مايصير لهم شي
ღღღღღღღღღღღღღღღღღღღღღღ
قامت من نومها وهي تحس جسمها كله مكسر عدلت جلستها ولمت شعرها الي كان متناثر ع وجهها
قامت وراحت الحمام غسلت وجهها وفرشت اسنانها وراحت لغرفت تبديل الملابس ولبست روب طويل وفظفاظ ولبست الشيله وشبشب البيت (عزكم الله)وخرجت من جناحها ونزلت المطبخ تسوي الفطور ناظرت البيت بنظره سريعه وتنهدت بحزن ع حالها
قبل كانت تصحى تلاقي ابوها عند راسها وصحن الفطور بيده ويبدا يأكلها والحين تقوم اول وحده في البيت وتسوي الفطور
بنفسها
شهقت بخوف من اليد الي مسكتها وجرتها لزاويه بعيده شوي عن الصاله
بققت عيونها بخوف وهي تناظر ب وجهه
لينا بخوف :عادل تكفى فكني
عادل وهو يقرب وجهه من وجهها قال بخبث :يازين من تصبح بهالوجه
بلعت ريقها بخوف منه ومن نظراته
عادل بأبتسامه: ترا بعد ثلاث ايام بتكون ملكتك طبعا مافي حفل زواج ولا غيره كذا ملكه وتروحين بعد زوجك وفكيني منك
ناظرت بعيونه بصدمه من خباثته ولأمته قالت بوجهه وهي تسحب يدها منه :ماني موافقه ع هالزواج
عادل ضحك وقال بمكر :هههههههه نشوف
(وقرب من اذنها وقال بهمس مقرف) بس ابيك تكونين لي ولو لليله ترا كلمت رائد ووافق مابقى الاموافقتك
دفته عنها بخوف وقوه :بعد والله ماتنال الي تبيه وبعدين ماتخاف ربك تراني اختك
رصها ع الجدار وبعصبيه :منتي اختي ولا شي انتي ابوك ثاني وانا ابوي ثاني واقدر اتزوجك لو ابي بس ماابيك لي دوم بس ابي اتسلى وياكي شوي تفهمين
لينا بوجع :اااااي فكني ياحقير والله منت برجال تستقوي على بنت والي يستقوي على بنت مهوب رجال
عادل بعد عنها بهدوء غريب :نشوف ياست لينا مين الي مهوب رجال
لينا وهي متوجهه للمطبخ :روح برا ماني رايقه لك انت وتهديداتك
عادل بضحكه :ههههه انا بذكرك بهالكلام
قال كلامه وراح متوجه لغرفت الطعام بيستنى لينا لما تخلص تجهيز الفطور
:::::::::::::::::::::::::::::::::::::::::::::::::::::::::::::::
قام بنشاط وراح الحمام اخذ شور سريع وخرج من الحمام وهو لاف المنشفه ع خصره وبيده اليسار منشفه صغيره ينشف راسه فيها
سمع الباب يندق توجه لعند الباب وفتح ولقى امه باس راسها وقال بأبتسامه :♥♡صَبَاحَ الخِيرَ يَا الزينَ گلـَہ»
آم فيصل: صباح النور
فيصل بأبتسامه: ها يمه سويتي لي فطور ترا والله مشتاق للاكل الي تسويه
باست خده وقالت بحنان :اي سويته هذاني رقيت اناديك تنزل تفطر
حب يدينها وقال بحب :الله لا يحرمنا منك يالغاليه
ام فيصل بمزح :يله عاد روح بدل تراني استحي
ضحك وراح يبدل قال وهو يدخل غرفت تبديل الملابس :فديت الي يستحون
ابتسمت له وقالت وهي خارجه مت جناحه :بسرعه ترا الفطور بيبرد
لبس ثوب والغتره والعقال والكبك الي ع شكل دائره وداخله الماس راح ولبس ساعته السوداء ورش من عطره المفضل وناظر بنفسه نظره اخيره وشال مفتاح سيارته وجواله وحطهم بجيبه ونزل وشاف الكل ع طاولت الاكل ابتسم وقال :صباح الخير
الكل :صباح النور
راح وحب راس ابوه وجلس بالجهه الثانيه لابوه
ابوفيصل: ياحيى الله بولدي
فيصل بأبتسامه:•اللّـہ̣̥ يحيك يالغالي
فارس بمزح :عاد من اليوم مابنسمع كلام حلو زي بعض الناس
فراس يكمل :خلصت ايام فارس وفراس وابتدت ايام فيصلوه
ام فيصل بحزم : فيصلوه بعينك تقول كذا لاخوك الكبير
فيصل بضحكه :هههههه موتو بحرتكم
ابوفيصل: تراني عينتك بدالي بالشركه لاني بتقاعد
فيصل :ليه يبه انا بشتغل بالشركه صح بس انت اكبر مني وفاهم اكثر مني خلك ع الاقل لين اتعود على الشغل وامسك الامو زين وبعدها تقاعد
ابوفيصل: اي ادري بس قلت ابيك تعتمد على نفسك وبعدين قلت مافي إلا هالسنه والسنه الجايه فارس بيكون تعين بالشركه وتكونون يد وحده
فيصل بإبتسامه: ابشر خلاص من اليوم بمسك مكانك
ابوفيصل: لا خلك هالاسبوع مرتاح ومن الاسبوع الجاي إبدا بشغلك
فيصل بحماس :مافي شي لواشتغلت من اليوم وبعدين تراني متحمس لشغلي الجديد
ابوفيصل: الي يريحك بس إذا احتجت اي شي علمني
فيصل وهو يشرب كاس الحليب :إبشر
ام فيصل بحنان :خلك ياولدي هالاسبوع مرتاح وبعدها إشتغل براحتك
التفت لامه وقال :لا تشيلي هم تراني متحمس حدي لشغلي الجديد
ام فيصل: الله يوفقكم
الكل: آمين
فارس :يله انا بروح رائد توه متصل فيني ويبيني ضروري
ابوفيصل: خلك لاحق ع خويك
فارس :الحمدلله شبعت
وراح حب راس امه وابوه وخرج ركب سيارته ومشى
فراس: الحمدلله
ام فيصل: فراس شفيك مااكلت شوف صحنك لسى زي ماهو
فراس بأبتسامه: ابد يالغاليه بس تعبان شوي
ابوفيصل بحنيه :سلامتك من التعب
التفت لابوه وقال بأبتسامة تعب :الله يسلمك يالغالي بس الامس بعد العزيمه حسيت بشويت حمى وزكام الحين اروح اشرب بندول واصحصح
فيصل :لا تشرب بندول روح خلي الشغاله تسوي لك كاس شاي وعصرليمونه لبسطه وشربه والزكام والحمى بيخفوا
فراس :اي طيب
ام فيصل قامت وراه :روح جناحك وانا بخلي الخدامه تجيبه لك
فراس: تسلمي يالغاليه
ورقى الدرج بيروح جناحه
وبس
اتمنى يعجبكم البارت ادري مافيه شي مهم بس البارت الجاي اوعدكم بيكون كله صدمات وضحك وحزن وكل شي
وش صار لأبوعبير ؟
عبير شنوا شافت حتى اغمي عليها ؟
رهف وعبد الله شنوا سبب إختفائهم بهالبارت؟
اسيل ليش ارتبكت لما الهنوف سألتها ليش كل شوي تناظر الجوال ؟
توقعاتكم ___
تعليقاتكم.................
تصويتكم 🌠
😘😘😘👋
أنت تقرأ
رواية أحبها بجنون رغم صدها لي
Espiritualروايتي تتحدث عن ثلاثه اخوه يحبون بنات عمهم بجنون بس بنات العم مايشوفونهم إلا مثل اخوتهم وش بيصير وكيف بتطور الاحداث هل كل من الثلاثه الاخوه بيتزوج الي يحبها ام ماذا؟ وتتحدث روايتي ايضاً على ابطال مهمين في هذي الروايه ومنهم لينا*عادل*رهف*عبدالله *رائ...
