الصدمات قوتي

الصدمات قوتي البارت 3

الكاتب احمد الحراري

ملاك: اني شن درت شن درت
محمد: خلاص اهدي خلاص
ملاك: بيقتلوني بيقتلوني قتل اني قتلت
محمد: مش ح يلقاك حد
ملاك: تبكي انت كيف مش زيهم
محمد:ساكت ويجري
ملاك :من كتر لبكي اتكت ع الروشن وخذاها النوم
محمد: ارقدتي
ملاك:هدوء
محمد:اخخخ خلي انحي تعبت مغطي وجهي ونحا التلتيمه وكمل سواقه
_____________________________

ام ملاك:  زياد وين زياد.
زياد: خلاص معاش تبكي ح نلقوها
ام ملاك"كيف معاش نبكي كيف قولي قولي ليكم يومين او انتم مالقيتوهاش
زياد: خلاص باهي اهو نديرو ف جهدنا وضبط اخته وطلع ايشوف شنصار ف الشرطه
_______________________________________

ف الصبح الساعه 7 قريب يوصلو للفندق يلي ايجي ف مكان بعيد ومايعرفوشي هلبا ناس وجاي ف الجبل
ناضت ملاك وشعرها طايح ع وجهها
محمد:قبل لا تتلفتله اتلفت الجيهه التانيه ولبست التلتيمه
ملاك: صباح النور
محمد:ساكت
ملاك؛ خيرك البست ع وجهك.خلاص تقدر اتنحيها نبي نعرفك مني
محمد:لا مش ضروري
ملاك"براحتك وحطت ايدها ع وجهه بتنحيها
محمد؛ شدلها ايدها وحس بحاجه سخونه
محمد:معاش تعاوديها  خير مانفصل اعليك
ملاك: نبي نعرفك مني
محمد:ح تعرفي مني
ملاك؛باهي امتى بتروح بيا تعبت تعبت اني
محمد: منقدرش نرفعك توا تبيهم يقتلوني
ملاك: حست بيه معقوله اني انانيه لدرجه هادي
ملاك:تمام
ملاك:بنظره غريبه حساته طيب وغريب شويه
ملاك:تقدر توقف ع المحلات جعتت اني وبناخذ حاجات
محمد:  لا
ملاك:شن لا بنموت جعت
محمد:قلت لا وتم هداكا بوك اينزلك مش اني
ملاك: باهي ونتا بوك بوك بابا ميت افهم شن هادا كرهت الدنياا وحطت راسها بين ايديها
وصلو للفندق
ناضت ملاك قامت شعرها فوق
وعيون محمد ماتنحوش من اعليها
ملاك: هي
محمد: تعالي هي
ومشي محمد ووراه ملاك
ملاك: به وهكي بتخش انت
محمد:خيرني
ملاك:بتقعد ملتم اتقول داعشي .
محمد: سكري فمك وتحركي مش ناقصك  ومعاش تتحكمي فيات
ملاك: ع اساس اني ميته اعليك
محمد خش للفندق للأستعلامات
الراجل خاف شويه منه لأنه كان ملتم
ووراه ملاك  يلي كان راسها فوق وتشوف لي الراجل
الراجل:  بصوت مرتجف تفضل اي خدمه
محمد: قداش الحجز عندكم
الراجل : كلهم معبيين للأسف
محمد؛طلع من جيبه فلوس وحطهم ع الطاوله بقوه
الراجل: شن تقصد تشريني يعني
محمد: من قال لاكن شوف دار خيرلك
الراجل:  قتلك معبي ولا بسيف
محمد: حط ايده ف كبوطه وجبده ع الأيمين
الراجل: شاف الفرد يلي ف خصر محمد
محمد: ابتسم ع جنب وهكي
ملاك: تشوف لي الراجل كيف ملامحه تغيرت هلبا وبدي يرعش
وتشوف لي محمد يلي مش عارف شن.دارله ايخليه يتغير لدرجه هادي
الراجل: تمام ح نفضيلك مكان تقدر ترتاح ف الصالون او اي شي تبيه تفضل
محمد تحرك بخطوات سريعه لعند ما وصل لصالون وقعمز ومزالت ملاك واقفه ف نفس مكانها
محمد: هز براسه بمعني خيرك
ملاك؛ اتجهتله وهي تجري
ملاك: شن درتله انت
محمد: شن.بنديرله وشاد فونه
ملاك: تشوفله كيف مادرتله شي او هوا خايف. واضح اعليه
محمد:حط الفون ع الطاوله وشافلها وساكت
ملاك: تعقدت خيرك تشوفلي
محمد: معاش تدخلي خيرلك وسكري فمك.نقصي من الدوه
ملاك؛ عليك دوه وخلاص وقعمزت ع الصالون يلي مقابله
وصلت رساله لي محمد قام فونه وشلع ضي وقرى الأشعار يلي كان من معاد
معاد: محمد انت وين وشنصاير معاك؟؟
محمد: ب نيه ( والله قاعد انت مقصر يا صحيبي)
معاد: والله مستاحشك شنصاير معاك وشن ناقصك وشن صار ف البنت
محمد: من البنت؟؟ بستعباط
معاد؛  ملاك ( كبرت ف عيني هلبا والله انك.راجل)وجيتك قبل لا تخطفها بدقايق دورتك وكنت ح نمنعك وصار يلي صار
محمد: خلاص نتلاقو يا معاد والله ياريت منعتني حاير والله
الراجل: لو سمحت جاهزة الغرفه رقم.112 الدور التالت هادا يلي قدرت نجيبه مقدرتش دار تانيه
محمد: مشمشكله .حنتلاقو
معاد" ابعت العنوان
محمد: حنبعتلك العنوان او اول ماتوصل كلمني
معاد: تم وسكر الخط
محمد: قام راسه لقى ملاك حاطه راسها ع الصالون وبترقد
محمد: فيقي خلي نمشو
ملاك:هي
وركبو
ملاك: تعبت خلاص دهشت
محمد:  معاش مزال وشاف للوررقه وكانت مكتوبه 112 وهما ف 105
محمد" خلاص معاش مزال نهاية الممر
ووصلو فتح محمد الباب
محمد: تفضليي
ملاك:  بأرتباك خشت وحاطه ايديها ف بعضهم
وكانت دار ومطبخ وحمام حاشاكم وبالكونه وكانت كلها اضاءه كلها مرش حلوه هلبا
ملاك: حلوه
محمد:طاح ع السرير طول
محمد: واخيرا
ملاك: قربت ع المرش وتشوف الدنيا كلها الناس يلي تحت ف الجردينه والأطفال والبنات والعائلات ابتسمت وخنقتها العبره خشت للحمام حاشاكم
غسلت وجهه وطلعت القت محمد راقد
ملاك: قربت منه ودور مفتاح السياره وكان ف جيبه ملاك قربت منه وحطت ايدها ع السرير
والتانيه كيف بتحطاها ف جيبه القت المفتاح باين وطلعاته من جيبه بهدوء وتجهت للباب بخطوات بطيئه ومتلفته لي محمد
ملاك وصلت للباب وفتحت الباب بشويه وكيف بتطلع ايد.شدتها من ايدها
محمد: خير امك انتي خيرك(( بعصبيه وعاقد حواجبه))
ملاك: وعيونها معبيات دموع  نبي عيلتي تعبت  تعبت
محمد: شافلها ف عيونها وشدها من خصرها ودخلها وسكر الباب وهيا ع الباب وهوا واقف وحاط ايده ع جنب والأيد التانيه سكر بيها الباب بلمفتاح وبتسم ابتسامه وخدي المفتاح
اما ملاك: يلي كانت حايفه ف وقتها وتسحابه بيديرلها شي تلفت محمد وتجه لسريره وقعمز وفتح فونه
ملاك خشت ومواطيه راسها وعيونها معبيات دموع وخانقتها العبره فتحت البالكونه وقعمزت وحطت راسها بين ايديها وشعرها طايح وتبكي
شرين فون محمد (لجين)
لجين: اي خيرك معاش تعدل بكل
محمد: حك لحيته استاحشتيني ملا
لجين: اي ملا شني
لجين:اي امتى بنتلاقو
محمد: لفتت انتباهه ملاك وهيا مقعمزه ف البالكونه وهيا تبكي
لجين:اي تسمع فيا
محمد: اها وعطى لي ملاك بظهره
ملاك: تلفتت جيهتة ومركزه ف حركاته وهوا يتكلم ف الفون وبتسامته يلي مافارقتش وجهه
ملاك:( محلاك اقسم بلله)  ملاك حست روحهه بدت تتعلق بيه وقررت تبي تبعد عنه باش ماتنكسرش
وقعدت تفكر في امها شن صاير فيها
لجين : ابعت العنوان ح نجيك 
محمد: تمام
لجين:  توا نكلمك ف اليل انأكدلك
محمد: تمام وبعتلها العنوان وبعت لي معاد ف نفس الوقت
معاد: مش عارف شن يبي ايدير وشن بيدير
محمد: طلع للبالكونه ملاك
ملاك؛ من غير ماتتلفتله نعم
محمد:  خشي غطي راسك بحاجه ومعاش تطلعي. هكي وني نازل بنجيب حاجات
ملاك : ساكته
طلع محمد وهوا يفكر ف لجين وملاك وشن بيدير يبي يعرف شن القصه اكيد ح تكون اختها اكيد
وقطع تفكيره
وهوا طالع ضرب في بنت
البنت: اخخخخخ
محمد: اسف والله كنت لاهي شويه
البنت: مش مشكله لاكن شوف مره تانيه يا حلو
محمد: شافلها بغغللللل وكان يلقا يقتلها
ونزل
بيجيب حاجات