#يا_بخت🖤🙆♀️
#الحلقه الثامنه وما قبل الأخيره✨
فجأه طح عليا ضرف من الدولاب خذيته جيت بنفتحه خش عليا علاء
علاء"بعصبيه": شنو ديري هنا... هاتي اللي فيدك خذه مني بالقوه وانا واقفه ساكته وخلاص
انا: شنو فيه احكي!!
علاء: مافيه شي هيا.. كان واتيه اطلعي!
انا: هيا... بس تذكر حاجه واحده ياعلاء راه نعشم فيك
علاء"بصوت عالي": راه مش نقصك اطلعي.... طلعت وانا مجروحه ومكسوره ماعنديش حظن امن نرتمي فيه كلهم يخدعو فيا واللي ماعذبني يستنى في دوره 💔،
طلعت حطيت الشناطي كلهن قدام باب الحوش وخذيت ولدي وركيت سياره بعد شوي لحقني علاء وحط كل شي فسياره... كانت مسافت الطريق طويله حاجة ساعه ونص وطلعنا ساعه9يعني بنوصلو متأخر شوي وغمضت عيوني رقدت معش صحيت ع شي ...
________________/في الماضي/_________________
انا: كيف تعرفي احكي؟
يمامه: توا نكلم ابتسام اخت علاءونقصقصها لك
انا"بستغراب": من وين جبتي رقمها؟
يمامه: ايام خطوبتي كانت اتجي مع خوات علي خذيت رقمها وفتحت امعها د لاله
انا: كلا انتِ واصله😂
يمامه: طيحت علي بطوبته بنحول في ابتسام😂💔
انا: هو معك حق في قصة علي بس طريقتك كانت غلط
يمامه: اللي صار صار مش مهم
انا: باه هي كلميها.... رنت يمامه ع ابتسام وقعدت انا نستنى فيها ترد
ابتسام: اهلين
يمامه: بيك ياعمري
ابتسام: غريبه متصله
يمامه: خزي عليك غير علمت انكم خطبتو بنت جيرانا واعرفي انتِ اماني صحبتي وغاليه ع كبدي
ابتسام: اي الحق تهبل البنت... عجبت حتى ماما بس
يمامه: بس شنو؟
ابتسام: البنت متربيه ع العز كيف بتتحمل ضروف علاء؟
يمامه: احيي نحن مش اتراك عاد اماني اكويسه بكل ومافيش حد جى مليان اكيد مرو بضؤوف حتى هما عشان وصلو للمرحله هذي
ابتسام: يصير خير...بس البنت اسلوبها راقي وباربي تجنن فرحانه عشان اعليوه يستاهل كل خير
يمامه: خلاص ياحنه رثيدي قالت نرن نعتبها😂✨
ابتسام: سلمكك ياقفاصه اوكي.....سكرت يمامه وانا تريحت بعد سمعت كلام ابتسام
يمامه: تريحتي هكي؟
انا يعني خير من قبل
يمامه: مش عارفه ليش طبعك هكي تفائلي شوي!
انا: باه خليك مني...كيف خلك سبع البرومبه تطلعي فليل😂🖤
يمامه: مش معبرته ضربته بصفر اهم شي ما ضحكش عليا وتوا يجري فجرتي حشاكــ😂
انا: صحه ليك...والله مايبو غير اللي تستكردهم مش امتعين احترام...الا عليتوتي طبعاً😂🤓
يمامه عزقت فيا المخده وتنهدت
يمامه: تي والله كلهم نفس بعضهم يشوف انثى يقعدو يجرو فجرتها
انا: هذوم مش رجاله الراجل يحافظ عليك ويصونك ويخاف عليك حتى من نفسه...اما الباقي اشبه رجال بس!!
يمامه: خلني نمشي قبل ماتبديلي فس محاضره تنتهي بكرا العصر😂
انا: حقيره 😂💔
طلعت وصلتها للباب وخشيت وفرحانه لان اطمنت امه مش رفضتني...بس علاء مزال زعلان مني كيف بنرضيه توا 😑
أنت تقرأ
#يا_بخت🖤🙆♀️
Fantasíaروايا عباره عن بين الحاضر والماضي.... طبيعة سرد مختلفه تماما عما سبق... انصح القراء الفضوليين بالبتعاد لانه على لأرجح سيقتلكم فضولكم هذه المره😂💔
