(Unicode)
အပိုင်း (၂)
(Geဆိုပြတဲ့သီချင်း)"Ge Ge ကတိပေးနိုင်မလား DiDi ကလွဲရင် ဘယ်သူ့ကိုမှ သီချင်းမဆိုပြဘူးလို့"
သူ့စကားကြောင့် စန္ဒယားခလုတ်တွေပေါ်က Geရဲ့လက်တွေ ရပ်တန့်သွားတယ်
Geဘေးမှာထိုင်နေတဲ့ ၁၂နှစ်အရွယ် ရီပေါ်ဟာ Geမျက်နှာကိုကြည့်ရင်း နှလုံးတွေပေါက်ထွက်မတတ်ခုန်လာတယ်
Geက သူ့ဘက်လှည့်ကြည့်လာပြီး ပြုံးပြတယ်"ဒါပေါ့ ကလေးရဲ့"
အခုမှရီပေါ်သက်ပြင်းချနိုင်တော့တယ် Geရဲ့အဖြေကိုစောင့်ရင်း ပူလောင်လိုက်ရတာ ရူးမတတ်ပဲ
Geရဲ့အဖြေက သူ့ကိုစိတ်ကျေနပ်စေလို့ တော်ပါသေးရဲ့
ရီပေါ်နှုတ်ခမ်းစွန်လေးတွန့်ကွေးကာ ပြုံးလိုက်မိတယ် Geပေးတဲ့ကတိအတိုင်းဆိုရင် ဒီသီချင်းကို သူကလွဲဘယ်သူမှနားထောင်ခွင့်ရမှာမဟုတ်ဘူးလေ ဘယ်လောက်တောင်ကျေနပ်စရာကောင်းလိုက်သလဲ Geသာအနားရှိမနေရင်ပျော်လွန်းလို့ထခုန်မိမယ်ထင်တယ်********
သန့်စင်ခန်းအလျင်အမြန်ပြေးဝင်ကာ ဘေစင်ကရေကိုဖွင့်ချလိုက်သည်။ ရေကျလာသည်နှင့် လက်ခံကာ သူ့မျက်နှာကိုခံယူထားသောရေဖြင့် ပက်လိုက်သည်။ ထို့နောက်မှန်ထဲက သူ့ပုံရိပ်ကိုသူကြည့်လိုက်သည်။ ရေစက်ရေမွှားတွေက ရီပေါ်ရဲ့ ပါးရိုးတစ်လျှောက် စီးကျလာသည်။ နှုတ်ခမ်းရဲရဲသည် ရေကြောင့် ရွှဲစိုလဲ့နေကာ ဆွဲဆောင်မှုရှိသည့် လူငယ်တစ်ယောက်၏ပုံစံထင်ဟပ်နေသည်။ သို့ပေမယ့် ရီပေါ်သူ့ကိုယ်သူကြည့်ပြီး တွေးနေတာ သူမည်မျှချောမောကြောင်းမဟုတ်။ သူတွေးတာက...
"Ge ငါ့ကိုမမှတ်မိဘူး"
ရီပေါ်နှုတ်ဖျားက ခပ်တိုးတိုးရေရွတ်လိုက်သည်။ သေချာကြည့်လျှင် မှန်ပေါ်က ရီပေါ်ရဲ့ မျက်လုံးတွေသည် အရည်လဲ့ကာ သွေးကြောရဲရဲလေးများ ရှိနေသည်။ ရီပေါ်ပူစပ်စပ်ဖြစ်နေသော မျက်လုံးတစ်ဝိုက်ကို ရေဖြင့်ထပ်ပက်ကာ ရေပိုက်ကိုပိတ်လိုက်သည်။ ခဏအကြာတွင် ဘာမှမထူးခြားသလို အေးစက်စက်မျက်နှာ ပြန်ဖြစ်သွားကာ ဘေးတစ်စောင်းလွယ်ထားသောလွယ်အိတ်ကို သေချာပြင်လွယ်၍ သန့်စင်ခန်းထဲကထွက်ခဲ့သည်။
YOU ARE READING
Ge ရဲ့ကောင်လေး (Zawgyi+Unicode)
Fanfictionအသက်၁၂နှစ်ကစတင်ခဲ့တဲ့ ရိုးရှင်းတဲ့ဇာတ်လမ်းလေးတစ်ပုဒ်