روايه #حب_عمري ❤✨
الحلقة الثالثة
(حقيقه )💯
_عرفتها قصيره بس وعد حنعوكم😽💔💕
رنت تامي ع أيهم بس لقاته انتظار💔
و اول ما عطاها انتظار عرفت انه يحكي مع وحده من معجباته ماكانت ديما تلقى في وحدات منزلات مناشير او تعليقات كلهن رومانسية في صفحته 👏💔
بكت بعبرتها 💔
كانت تبي تخلي يومه يوم مميز تتصل بيه و تغنيلة اغنيه الميلاد و جابت تورته عشان اطفيها وهو ع الخط كأنه معاها 💔
بس أيهم كان مش فاضيلها و يهدرز مع غيرها
في اليوم المميز هذا نسى البنت يلي ساعدته في شغله نسى يلي تعبت عشان تزيد مشاهدته و إعجباته
و رقدت تامي و دموعها ماليات لوساده 💔💔
أيهم : مع الساعة 5 فجر ⏰
رتاج: قصدك بترقد و بتخليني بيبي
ايهم؛ والله نوم ياحوبي😴😴😴
رتاج: بس انا مزاال ماشبعت منك😢
ايهم: اوووف😐 راه معاك من الساعة 12 ولا ناسية ، و كلمه وحده هي قلت بنرقد
رتاج: 😕 باهي اوكي بيبي تصبح ع خير
ايهم: تلقى الخير و صكر
و لقا رسائل واجد ع المسانجر و الفايبر و الواتس
بس لما خش شاف رسالة تامي قعد يقرا و يضحك كيف تحبه الحب هذا كله
وانتبه انها رانه عليه و هو ع الخط مع رتاج و خاف اديرله قصة و يخسرها
و اول مارد عليها
تامي: كانت راقده 😴 بس سمعت إشعارات تلفونها ناضت و اول ما لقت انهن منه رنت عليه طول
أيهم: ايوه حبي
تامي "بصوت نعسان": كل عام وانت بخير
ايهم: وانتي بالف خير نشاءالله ،
تامي: شن درت امس في عيد ميلادك ؟
ايهم: والله الحق مزال مارقدت و توا نعسان بعدين نتصل بيك و نخبرك
تامي: تمام
و مزاال طيبت و غباء تامي مأثره عليها و مادرتله اي شي ع الموضوع هذا و قدر ايهم بكلمتين يضحك عليها و ينسيها كل شي صار
_و مرن ايام و قصة تامي و أيهم زي ماهي ، كل يوم تامي تزيد تهتم بيه و أيهم يستغل في طيبة قلبها و يضحك عليها للاسف💔
_ لعند صار و تامي مسافرة لبنغازي 🚗
(مش قاصده اي إيساءة لاهل بنغازي ربي يحفظكم بس صاحب الروايه حب انزلها زي ماهي 💕)
تامي:يادوسي مش مصدقه حنتلاقى نا وياه 😍😍
دوسي: ربي يستر انتي غبية عادي يضحك عليه 😅😓
تامي :بلاش قطاف 😑
دوسي: المهم ديري بالك انتي و صار شي اتصلي بيا
تامي : اكيده ماتخافيش حتعلمي الاخبار أول بأول😄
دوسي:هذا يلي نبيه
للكاتبة رواسي بحر الدين 🔥✨
_أيهم: تي قتلي حتجي هنا
عبدو(صاحب ايهم): يعني حتحصل ليالي مزبرات
أيهم: اخخخ الباين هكي لانها كويسة و ساها ينضحك عليها
عبدو: نحبش النوع هذا توا تعشم فيا بعدها
أيهم: والله انا مش حنزر عليها ع راحتها يعني
عبدو : عندك صورتها
أيهم: صح انا حقيرة بس مش لدرجه هذي
عبدو: تي انا صاحبك
ايهم: لو كانت $$&#$ كنت وريتها لك لاكن مايجي هي بنت عيلة و ناس
عبدو؛ اهممم والله ماعرفتك يا ولد الناس انت 😑
ايهم: تي غير فكني من وجك يارا نعدي نهدرز معاها احسنلي منك 😏
عبدو :عدي من شادك
_عند تامي💕
كانت مقعمزة و تهدرز مع دوسه و اختها سميره
و جا اتصال من أيهم
دوسه؛ خليك ثقيلة عليه وماتردي
سميره: من ورايا يا تامي
تامي: تي غير اخطن و نضت ركبت للسطح و تهدرز معاه ..
ايهم: غدوا يعني طالعين لبنغازي
تامي: ايه
ايهم: نبي نطلب منك طلب
تامي: شنو ؟؟
ايهم...
يتبع
_الحلقة الجاية احتمال فيها اشوي مقتطفات من 18+' لذالك حتنزل في صفحتي مش في لقروبات احتراما للقوانين ❤
ماتنسوش الايك و توقعاتكم شن حيصير في لقاء ايهم و تامي 🙊❤
أنت تقرأ
حب عمري "حقيقيه "
أدب المراهقينتامي بنت حبت مغني راب و ماتت في حبه و عطاته كل شي تقدر عليه في سبيل يبادلها الحب هذا ، زعما ايهم حيبدلها الحب ام انه حيضحك عليها؟و شن حيصير في البطلة تامي ؟
