دخلت كلت لسلام عليكم ردو صاحتلي لحجية
تعاي يمة خل ابوسج
رحت بستها كالت الي اني ام محمود فرحت خوش مرة عبالي بس اني وامل الولد طلع بقيت يم الحجية تحجي شوي وسمعت اجة لشيخ راحت امل الة تركض بقيت كاعدة اني
لحجية كومي يمة لرجلج
هاا ي يمةة طلعت من لصالة شفتها واكفة يمة هوة منطيني ضهرة بس شافتني شبكتة عبالها اغار سمعت واحد كح كبل وخرت هية طلع هذا الولد لجان بالصالة سلم عالشيخ وكعدو يسولفون
امل شبيج جنج صنم امشي حضري الغدة
يرحت صبيت وديتة الهم ورجعت للمطبخ مالي نفس اكل سويت جاي وبقيت كاعدة خلصو شفت لشيخ صعد وامل غسلت ايدها وصعدت كبل شلت الصينية وغسلت لامواعين وصبيت للحجية جاي صاحتلي تعاي كعدي يمةة
كعدت يمها وبقت اسولف معليج بامال وكسبي رجلج وخلي يحبج بكلبي خل اني احبة بالبداية بقت اسولف لحد ما نعست وكالت راح انام اني هم صعدت لغرفتي ونمت تعبانة من لصبح كاعدة ٣ ايام على هذا لروتين ولشيخ ما اشوفة بس وكت الغدة واني منا ما اكل ابد لحد ما فديوم كاعد انضف بالمطبخ العصر وحسيت راسي افتر مشيت كلت خل اصعد لغرفتي لحجية واخو امل رافت كاعدين بالصالة وبابها كبال الدرج وصلت لدرج واحس نفسي طحت بالكاع بعد ما حسيت لحد ما كعدت واني بالمستشفى وكبالي رافت
رافت ها شلون صرتي
لحمدللة احسن منو جابني
اني
تعبتك
لا يمعودة تعبج راحة جاي نسولف وطب محمود
هاا سارة كالو وكعتي شلون صرتي
زينة
شكال الدكتور رافت
مابيها شي علكو مغذي بس كالو خل تاكل لا يصير بيها فقر دم
باوعلي محمود بعصبية وانتي ليش ما تاكلين
أنت تقرأ
زواج غصب 💔
Romanceسارة انتة شبيك تخبللللت ما اريدك يعني ماااريدك اني ما صدكت خلصت من ابن عمك نوب انتة لاااا تكولين ما اريدك واخذج غصبن مااا عليج فهمتي
