#مخطط_جريمه الحلقة 1
للكاتبة رواسي بحر الدين ❤
❤ كلكم حتقولو عن شن تحكي الرواية هذي وشن احداثها
خلينا نعرفو❤
آيات : نقول بسم الله و نعرفكم عن نفسي😊 اسمي آيات مولوده بين 3 بنات فرق السماء عن الوطا بينا
نبداها مني انا نحب نهتم بنفسي و شكلي ومهما كانت حاالتي نحب يكون مظهري انيق و ديما واثقة من نفسي و انا الوسطية فيهن ، شكلي حلوه مش سمحه هلبا بس اهتمامي و اناقتي و حركاتي تخلي الكل ينجن فيا
رجاء اختي الكبيرة فينا حياتها كلها مطبخ تعشق المطبخ و كل مايتعلق بيه انسانة بسيطة جدا متزوجة و ع حالها
دارين ، هذي الجن بحد ذاته 😂❤ الصغير فينا مششششاكسة بكل و استايلها كله راااب و هرجه ع الابيض 😍😜😍
وخلينا نبدو في قصتنا يلي غيرت حياة البنات👇💚
"تحيات الكاتبة رواسي بحر الدين"💗
دارين: وووه يا بابا دير بالك ننخبطو
محمد (بويا): ههه هذي مصراتة يا بنتي ديما زحمة و جوها مليح ماتخافي
انا : يا بويا شوف السيارات حيخبطو بعض 😱😱😱
(طبعا الموقف كان سيارة توخر و مش منتبهه انه في سيارة بجنبها و يلي كان في السيارة الثانية نفسه مش فاطن )
و بويا تم ايبيب ليه مش ينتبه
انا: اااه حمدلله كان هذا صار حادث كاااارثة
سارة (امي): ربي ستر يا بنتي 😪🙏
و طلعنا كملنا طريقنا بس نسمعو في تبييب ورانا و نزل بابا درس !!!
الولد: ياحاج بارك الله فيك لولاك انت كنت خبطت السيارة و رحت فيها
بويا : لا مايهمك شي ياولدي غير دير بالك و انتبه وانت و تسوق مرة ثاني هذي مش لعبة حياة او موت راه
الولد: معاك حق يا عمي غير كنت نكلم في امي ومش مركز
بويا : اهاا باهي ركز مرة ثاني و خلي التلفون ع جنب
الولد : نشاءالله ، شكلكم يا عمي مش من هنا
بويا : ايه من الجنوب
الولد: خلاص اليوم تتفضلو عندنا
بويا: لا ما ايصير يا ولدي مانقدر
الولد: والله يا عمي إلا ما تتغدو عندنا اليوم
بويا : والله مافي وقت بس انت حلفت و مش حنغرقك، نخبر العيلة و نلحقك
دارين : خيره بويا طول هكي
امي : الرجالة وذنهم طويلة ماصدق يلقو يهدرزو
انا: اهو جا نشاءالله خير
بويا : الولد طلع ولد ناس واصل شكرني و عزمني ع الغداء
امي: وقولي انت قبلت العزومه
بويا: ويش تبيني اندير يا مرا هو حلف و مش حنغرقة
دارين: مش بحر يا بويا مش يغرق توا حنمشو لناس مانعرفو فصلهم لا اصلهم
انا: خلاصة مش قصة هي حدها غداء و نروحو
(طبعا انا كنت قريبة من بويا هلبا اقرب حتي من امي و هو كان انسان طيييب و بسيط جدا و ع نياته لدرجه كبيره ❤)
و طلعنا ورا الولد تكى بويا ع محل خذا عصير وشكلاطة و حلويات
ماكنا عارفين شن حيصيرلنا ورا التغداية هذي 👇
انا: تبعنا الولد و نزلنا لحوش كان كبير مش هذاك الكبر بس اكبر حوش في المنطقة و كانن لحياش يلي جنبة كلهن اقل مستوي منه !
الولد: تفضلو تفضلو
انا صهيب: اليوم بوكم ساعدني و حبيت نعزمكم ع الغداء
امي : تعبت روحك يا ولدي
صهيب: مافيها تعب يا عمتي هي تفضلي
دارين: آيات الولد هذا صح طرف بس مش متريحه له بكل😕😕
أنا: اي والله يهبل 😍 خلينا نخشو و نشوفو
نحن : السلام عليكم
خدامة: عليكم السلام
يامدام إيجو اضيوفك 😊
انا: شوفي يا دارين شكلهم عيلة اكابر ربك يسترنا معاهم
بنت: عليكم السلام تفضلو انستونا 😍
امي: الله يسلمك يا بنتي 😊
صهيب : يا رجاء هذيم اضيوفي خبرت امي عنهم استقبولهم احسن استقبال وغمزلها 😉❤
دارين: شوفي كيغ يغمز يا وية بس والله في شي وراه😠
انا: غير انطمري بس
سلمنا و خشينا و صهيب و بابا طلعو للمربوعة
ميزونة (ام صهيب ): اهلين بيكم زارتنا البركه 😍
امي:يزورك كل خير نشاءالله❤
و قعمزتا و تمينا نهدرزو و موضوع ايجب موضوع
ميزونة ؛ الله يبارك يا سارة ع بناتك متجوزات ولا
امي: لا هذين قاعدات اختهم الكبيرة بس متجوزة
ميزونه: عقبالهن نشاءالله
دارين: آيات نبي روح
انا: حالفة تفضحينا يا بنت اسكتي اشوي بس
دارين: روان وين الحمام
روان(اخت صهيب ): خشي من المامر هذاك ع يدك ليمين
دارين : تمام
دارين: ووووه عليك عيلة كلط ياريت بويا خلاهم ينضربو ولا جينا هنا قالك غداء قال عمري ماسمعت واحد يساعدوه في الطريق يعزم ع غداء ولا بابا حتي هو ماعندي مانقول عليه 😒
(طبعا دارين ماطلعت للحمام طلعت برا تبي تتريح من النفخ يلي صاير جوا )
انس (خو صهيب): شاف بنت لابسة توب قصير و سروال لاصق و سبيدرو تمشي معصبة و اتمتم بروحها !
انس : هييي من انتي 😮
دارين:عيونها قلوب قلوب 😍 هااااي انا دارين 😊
انس : اهلين بيك انتي صاحبة روان ولا شنو!
دارين: لا نحن ضيوفكم اليوم
انس: اها تمام نورتونا😍
خلينا نعرفكم ع انس
ولد شخصية جسمه كله عضلات 😍 صاروخ لابعد حد احلى واحد في العيلة نقشة حاد و عيونه حارات و لحيته سودا خفيفة 😍
آنا: دارين تعالي
دارين: هي نستاذنك
انس: اذنك معاك😊💕
انا : عرفت طلعتك مش ع خير وين ماشية يا بنت
دارين : قلت نطلع نشوف لطروف احسنلي من التقعميزة النوده جوا😒
روان : آيات و الثانية الغداء واتي تفضلن جوا
دارين: ااااايه اااايه اسمي دارين مش الثانية لو سمحتي
روان : عفوا تفضلي دارين
انا:وخشينا جوا تغدينا و كان غداء راقي هلبا رز بلاو سلايط 4 انواع و موالح اشكال اشكال
لدرجه التبذير
امي: تعبتو روحكم يا ميزونة ليش الاصراف هذا
ميزونة (بفخر): مافيها تحب اصلا هذي غدانا المعتاد
دارين: شوفي التصنع شوفي 😩😒
أمي : انطمري يابنت
ميزونة: عن اذنكم اشوي
في المربوعة
صهيب:قتلك يا عمي وين حتسكنو
بويا: توا حصلت كم شقة نبي انشوفن
صهيب: لا ماتنكتب عليا عندنا شقة في لجنان شوفها محد قاعد فيها
بويا: لا ياولدي مانبي نكثر عليك
صهيب : لالا مافيها تكثير
بويا: سلمك يا ولدي
صهيب:انا بنطلع نجيب مفتاح الشقة و توا نكلم انس يقعمز معاك و الحوش حوشك خوذ راحتك
وطلع صهيب للجنان
ميزونة : ها شن صار معاك
صهيب : الشايب نيات طول وافق و انتي حاولي تسيطري عليهن
ميزونة: باهي ساهلة غير عجبتني لكبيره انا الفانص لصغيره بعد عنها
صهيب: اصلا بروحي نبي لكبيرة هي يلي حنقدر نستغلها و نحقق مرادي و هي احلى اصلا و حنقهر
حنين بيها 😏
"تحيات الكاتبة رواسي بحر الدين"🔥✨
زعما شن يلي حيصير في آيات و دارين ؟؟و شن الخطة يلي حتصير من وراهن؟؟
و شن قصة حنين؟؟؟
حتعرفو كل شي في الحلقات الجاية❤
أنت تقرأ
مخطط جريمه (واقعيه)
Adventure3 بنات يعيشن قصة مغامرة في وسط ليبيا بين الاغتصاب و الحب و التضحيه ، شن نهاية الخوات هذين ؟؟ و شن موقف المغتصب لما يحب البنت يلي اغتصبها ؟ و شن دور النصيب في القصة ؟
