روايه
#مخطط_جريمه
حلقة 17
خش مفتاح؛ شاف لقى دارين مصبية جنبها خواتها و امها فطن لبطن رجاء واضحه مع القفطان يلي لابسته بلع ريقه و قعد يمشي زي المسبوه
آنس : خيرك يا راجل
مفتاح: لما نطلع نحكيلك
لبسو الدبل البعض و شعورهم مخلط بين انهم يبو يرضو اهلهم و انهم هما مش راضين ع الخطوبة هذي💔
_طلعو الشباب
مفتاح: مش هذي يلي نبيها
آنس: شن تحكي هذي هيا اختها دارين
مفتاح: يلي لابسة قفطان ازرق هذي يلي شفتها و عجبتني ،
آنس: بس هذيك حامل 😕
مفتاح: يوم يلي شفتها ما ريت بطنها ، وسالتك عليها انا
آنس: توا نسال آيات عنها . و نحاولو نلقو حل
_آنس كلم آيات ، اما دارين استأذنت ع اساس تبي الحمام بس طلعت في جرتهم قابلها آنس قدام الباب
آنس: بتوتر ، خيرك
دارين: يلي خطبني وينه
آنس: شن يلي خطبك مش عارفة اسمه حتي😏
دارين؛مش وقتك كلمه ليا
آنس: كلم مفتاح
مفتاح: نعم
آنس: البنت تبيك
_طلعت دارين تجري و تمايل بالكعب يلي مش عارفه تمشي بيه ،
مفتاح: ها نعم 😅
دارين: طلع تلفونك
مفتاح: شنو
دارين: شافت لجيب سرواله خذت النقال
مفتاح: هي هي خيرك انتي !😕.
دارين: افتح الرمز يا راجل بنكتبلك رقمي عندي كلام واجد بنقوله لك
مفتاح: اها قولي هكي، حتي نا نبي نخبرك بشي
_
وكتبتله رقمها و خشت تجري بس تنعقر و يشدها مفتاح من كتوفها ، كانت ساتره روحها بالوشاح بس طاح منها و كانت تشوف لمفتاح و منحرجه ، و هو يلمس في كتوفها الناعمه و سرحان في ملامحها😍❤
دارين: ااااه شكرا
مفتاح؛ طلقها . و مشي للمربوعه ،، و هي خشت جوا
آيات تلاقت مع دارين ع الباب : بشوي بشوي خيرك
دارين ؛ مش وقتك و خشت
آيات: وينه آنس !،
_ آنس لما طلعت دارين بتحكي مع مفتاح خلاهم بروحهم و خش للمربوعه
_ بعد الغداء استأذنو اهل مفتاح و طلعو ، و حبو دارين هلبا❤ ، و هم و طالعين شافت آيات آنس
آيات: أنس انس
آنس : نعم
آيات: انبدري كلمتني ، بس طلعت و ما القيتك
آنس: اها بنقولك بعد غدوا مروح لمصراتة ، ماغيرتي رآيك ؟
آيات: حتي لو غيرت رأي البيت معاش بيتي
آنس: نسيتي ! آنس كتب أسم الحوش بأسمك و حولك امالك لك و لطفلك
آيات: تمام ما قصر
آنس: بنسالك ع البنت يلي لابسه قفطان ازرق من تكون
آيات: اه قصدك ع رجاء ، هذي اختي لكبيره
آنس: قصدك عندك اخت اكبر منك
آيات: ايه هذي هي ،
آنس: اها تمام ، هي نستاذنك ولو تبي شي اتصلي بيا
آيات: نشاءالله
_ وخشن البنات يضمن في باقي الحوسه و كملن ، و في الليل
خشت دارين بتشوف تلفونها لو ما اتصل بيها مفتاح حتتصل بيه لانها حفظت رقمه ، سريعه في حفظ الارقام ، اما آيات و رجاء دارن سفرة شاهي و مكسرات و مشن بينادن ع امهن و بوهن
سارة : اهو تريحنا حمدلله و حتي دارين حصلت ولد ناس
محمد؛ بس شاغلاتني آيات و رجاء
سارة؛ رجاء حق 💔 للاسف مافيه حل ، و حتي كلام الناس ما سلمنه منه عليها اما آيات خيرها
محمد: حاسها ضامه عنا شي
ساره؛ شن قصدك
محمد: ليش صهيب ما يتصل و يسأل ماضني اتصل في هل شهرين غير مرتين بس ، و سلفها هو يلي مهتم بيها ، مش غلط الشي هذا
سارة؛ استهدي بالله يا حاج و اكيده صهيب حيجي و يروح بيها
محمد: نشاءالله ، 💔
سارة: بس ماقتلي كيف دبرت لفلوس اليوم عشان الخطوبة
محمد: ادينتهم من صاحبي عزيز 💔
أنت تقرأ
مخطط جريمه (واقعيه)
Phiêu lưu3 بنات يعيشن قصة مغامرة في وسط ليبيا بين الاغتصاب و الحب و التضحيه ، شن نهاية الخوات هذين ؟؟ و شن موقف المغتصب لما يحب البنت يلي اغتصبها ؟ و شن دور النصيب في القصة ؟
