#مخطط_جريمه الحلقة 10
لايك قبل ماتقرو❤ و متابعة للايميل 😘
ميزونة: شوف شن القينه في جيبه الراجل
صهيب ؛ هذا شنو ؟؟
ميزونة؛ كانت قطعة بيضة و ملطخه بالدم و مكتوب بالاسود
" نجحت و قدرت تتزوج يا صهيب بس دير بالك كويس ع مرتك و عيلتك لانه الانتقام مزال ما كمل"
صهيب: هذا خالي عبدالناصر و حنين ع الاكيد
ميزونة: واصلا ما لينا اعداء غيرهم
آنس: مش خبرتك يا صهيب ماتتزوج بنته ، شوف لوين اوصلنا بسبب اعنادك
صهيب؛ خليك في شغلك و بس و خبرني شن صار في الجثه
قبل ساعات :_
صهيب؛ مسحلها دموعها ، هي نوضي نمشو للحوش
آيات : يكون احسن 😊❤
صهيب؛ امي متاكد الجثة هذي حتلقو فيها شي مستحيل يكون التهديد هكي تخويف بجثة محروقه بس
ميزونة: باه شن المطلوب توا
صهيب: فتشو الجثة و كلمي آنس يتوكل بالموضوع لانه الشرطه ممكن تعلم بشي و يكون فيها محضر و قصة
ميزونة؛ تم ، خليني نمشي نستر الموضوع مع لضيوف 💔
و آنس دبر كيف يحذف الجثة في البحر وماحدش علم شي 👌
ميزونة: توا الوقت الازم توفي بوعدك الاول ليا يا صهيب
آنس: عن اي وعد
ميزونة: حينحرق قلب عبدالناصر زي ماحرق قلبي
آنس : كيييف
ميزونة: مرته خيرية لازم تموت ، وينحرق قلبه زي ماحرق قلبي
آنس: امي حتخشي في الحرام و القتل
صهيب؛ آنس مش شورك الموضوع اطلع منه . الشخص هذا قتل بويا
آنس؛ حتي لو هو دخل الحرام ربك وكيل بيه ليش نخشوله و
ياريت صهيب لحنين يرجع بس و طلع معصب و مش عارف ما يدير
صهيب؛ جيبي فرد بويا يا امي
ميزونة: جابته له
صهيب: باس راس امه طلع برا
ميزونة: تمت تبكي لا ارادي💔
صهيب: سالم جبت يلي طلبته منك
سالم(سواق) ؛ اي جبته و تفضل المفتاح(كان موتور "مونطو")
_ركب صهيب و طلع و وصل لحوش خالة عبد الناصر
صهيب ؛ ايوه حماده
حماده ؛ انعم يابورفيق
صهيب؛ شن الوضع
حماده العيلة كلها تخذرت في العشاء (عن طريق بنت يعرفوها صاحبة حنين )
صهيب؛ تمام
خش صهيب من الباب كان حوش خاله صغير و متواضع ع قد حاله
رقى لدار النوم رفع مرة خالة و طلع ، خلي ورقه
مكتوب فيها
" العين بالعينو السن بالسن و البادي اظلم "
و اليوم نبي نكشفلكم جزء من #مخطط_الجريمه
" صهيب وقت طلق حنين و خاله قتل بوه ، و حنين اتهماته بالعقم،صهيب تغير
كان حنون و كويس بس جاته فوبيا انه لازم ايجيب عيل و يتزوج ، و صار عصبي لسبب حتعرفوه عن قريب و الانتقام عمى ع قلبه
، و توا يبي يوفى بوعده لامه انه لو ساعداته و تزوج
حينتقم لمووت بوه ، "
خيرية(زوجة عبدالناصر): وين انا 😩
صهيب: كان مقعمز قدامها ، اليوم حتكون نهايتك و زي مايتمتونا و حرقتو قلب امي
حتتيتم بنتك و ينقهر زوجك
خيرية بتعب؛ ماليا دخل فك اسري الله يفتحها عليك
صهيب: صبي و رفع فرده
آنس : صهيب وقف
صهيب:كيف عرفت مكاني انت ؟
آنس: حماده خبرني بس اسمع يا خويا ماتغرق روحك في الحرام
صهيب: تلفت و ويشوف في خيرية ، يبي يطلق فيها
آنس: طبس ع وذنه ، صهيب حاول تستغلها و خوذ منها معلومات و بعدها صورها فيديو حتحرق قبل خالي بس القتل ذنب في رقبتك و حيرد عليك
صهيب: قرب الكرسي و قعمز
خيرية: مش فاهمه شي
صهيب : توا احكي شن مخطط راجلك و بنتك من البداية للنهاية احكي كل شي تعرفيه ،و إلا حتموتي
آنس: كان يسجل فيديو في تلفون
خيرية : حست انهم طيبين و ضعفاء قررت تحكي ع امل ايجي زوجها او بنتها ينقضوها
خيرية ؛ بعد بوك و امك خذو الورثة خالك قرر ينتقم و هو يلي زوجك حنين ، حنين مافي يوم حباتك ، كله تمثيل
صهيب؛😨😨😥😦💔
خيرية؛ ههه انصدمت يا سمح ، مزال فيه 😉
حنين كانت اليد ليمين لبوها قدرت تلعب بعقلك و تتزوجك و يا من آلفات طارن منك
آنس: شاد روحه بالسيف . وجعه خوه كيف انضحك عليه . و برودت خيريه عصباته
خيرية: بس يوم حنين حبت واحد ثاني قررت تطلق منك ، و تتزوج غيرك و هي اسبلت بقصة العقم ، و خالك لقاها فرصة بيش يحقق مراده اكثر و تسبل بقصة طلاق حنين و قتل بوك و بدم بارد
صهيب:قرب منها بس لو مش في عمر امي كنت ضربتك😠
آنس: صهيب توا حيكون الانتقام اكبر
صهيب: لشن تخطط!؟
آنس: طلع علبة صغيرة من جيبية ، تعرفي هذا شنو
خيرية؛ شنو !؟؟
آنس :ماكنتش نبي صهيب يقتلك و انتي عارفة انه صهيب مش حيأذي حد لانه طيب بس افعالكم غيرنه لذالك تحكي بكل راحه بس انا بس سمعت كلامك جاي ع بالي نقتلك و نرتاح
خيرية ؛😨😨
آنس: توا حتقولي شن حنقولك و إلا السم يلي في يدي حندخله لجسمك ، و حتموتي طول
خيرية ؛ انتم ماتقدروش تأذوني بشي لانه ماعندكم القوه انتم جبناء زي بوكم
آنس: فتح العلبة و خذا نقاط و نقطهن ع اصابع رجليها و طول احترقن بس حرق خفيف🔥
خيرية؛ تمت تتأفأف
صهيب؛ انصدم من القوه يلي عند خوه. يعني آنس طول عمره بريئ بس الكلام يلي اليوم سمعه خلاه ينسي الطيبةو يتكون شخص قوي
خيرية: سجلت فيديو . وقالت فيه
(عبدالناصر لو كنت مهمه عندك نبيك ترجع كل لفلوس يلي سرقتهن من صهيب و بوه . و اتسلم روحك للشرطه . و حنين لازم تطلق و ألا حنموت و نتعفن هنا )
و روحو آنس و صهيب ... يتبع
حلقة غدوا حتعرفو من المجهوله ؟؟ و حنين حتطلع في الرواية بدور كبير ، و شن ردت فعلها هيا و بوها ع فيديو امها ؟؟ و هل صهيب حيحقق انتقامه او ولا ؟؟ و شن حيصر مع روان ؟؟
توقعاتكم . و رأيكم في التعليقات🌺
ملاحظة: لو طولت في الحلقات ماحيكون فيه تشويق و الرواية ع وشك الانتهاء 🥀 و تفاعلو 😢💔
أنت تقرأ
مخطط جريمه (واقعيه)
Aventure3 بنات يعيشن قصة مغامرة في وسط ليبيا بين الاغتصاب و الحب و التضحيه ، شن نهاية الخوات هذين ؟؟ و شن موقف المغتصب لما يحب البنت يلي اغتصبها ؟ و شن دور النصيب في القصة ؟
