" بقلمي نجم اليل "
حنين...اي همزين باجر اروح ههف
شفته باوعلي بصدمه اني درت وجهي وهو كال
محمد...لا ويم اكو احد مضوجج
حنين...ليش منو مضوجني ههههههه غلطان بابا بس مليت واريد بيتي (بستهزاء)
شفته عض شفته وكام وعافني طب جوه
شويه وجت ندى وصاحته كلتله زلمه يريدك هو كام يحجي عليها
ويكوللها مكتوله مكبور مكتوله ممجود
ندى...هو انت منكي موعد ةني شعليه
طلع مباوع علي نهضمت ونقهرت وراح مشفته بعد
والعصر هم ماكو
وبليل طلعت ع المرجوحه وجنت مشغله اغنيه واسمع
وادندن وياها واتمشى وكل شويه التلفت
كل شويه اكول هسا يجي
وهسا يجي وماكو هوى مليت من الانتظار
رحت كعدت واليحاجيني اجرم بي
رحت كعدت جوة بوكتها حتى المسلسل فاتتني
حلقته من وره هو بقيت بره ومشفتها
اخخخخ عاد شلون حلقه اليوم الا بشدة
صارت ب9 وهو ماكو لهنا وخلص
كطعت الامل بجيتة كفكفنه وصعدنة فوك فرشنه
بس ضلن جوه يحجن وي عمتي يتعللن اني لا
عفتهم ورحت ع الفراش بقيت كاعدة وصافنه ع النجوم
ماعرف ليش بوكتها كلش ضجت وحسه
اريد ابجي واني ومتمددا
سمعت طبكه باب قويه عرفته هو كمت ع حيلي
باوعت ع بيتهم اي هو
يمشي وابد ميتلفت ضليت اكول بكلبي
يارب يلتفت يارب...
لتفت بس مشافني لان اني فوك وضلمه بس اني اشوفه
فرحت وهو كمل مشي بقيت ارغبه بعيوني
لحد ماطب البيت عصبت ونقهرت ماعرف ليش
