روايه
#المظهر_الخارجي
الحلقة 3
محمد : وراني طريقه استخدامه و مشى عني
و اول شي بحثت عنه : كيف تكوني جميلة ؟
طلعولي هلبا فيديوهات و ماجذبني غير فيدوهات المكياج شفت كيف يغطن في عيوبهن بيه و كيف يكونن جميلات بحاجات بسيطه و قلت لازم يكون عندي مكياج و الشي الثاني الملابس لازم نشري ملابس جديده و اكسسوارات صكرت اللابتوب و نضت لامي
لينا:امي بنمشي لحوش جدي
زينب: غرريبة ماتحبي تمشيلهم شن صار
لينا: استاحشت حني بس
زينب: به امشي و ماطولي
لينا : حاظر
لبست عباية فوق توتي و طلعت
"تحيات الكاتبة رواسي بحر الدين🌚✨💗": وقت يرسخ في عقل بنت صغيره انها مش حلووه حتقعد ادور ع طريقة تقعد بيها في نظر الناس حلوه لانها انثي و بالفطره مافيش انثي مااتبيش تكون حلوه فنصيحه اوثقي بشكلك و جمالك و ديما امدحي بنتك ولا اختك و خليها تحس انها حلووه ، و كذالك ماتخليش رأي الناس يأثر عليكي ❤
لينا: خشيت لحوش جدي سلمت ورقيت طوول لزوجة خالي ، كانت برستيج و اتيكيت و هك
ديما مهتمه بشكلها ، فقتلها تعطيني مكياجها القديم لانها ديما اتجدد استغربت شن نبي فيه ؟؟ بس بعدها عطتني حاجات بسيطه طلعت و نا فرحانه و كنت نراجي امتي انوض مش نجرب المكياج في المدرسة
امي: لينا خيرك انتي
لينا: خيرني نشاءالله
امي:معاشةتلعلعي معانا زي قبل و طول الوقت في دارك
محمد: حييي كان ماتطلع مكبده😹❤❤
لينا: طلقت فيه لوساده و خشيت رقدت
صباح جديد✨
نضت غسلت وجهي و ولعت اليوتيوب و قعدت انتبع في شن ادير
خذيت كريم الاساس و عبيت وجهي بيه و درت روج و كحلت عيوني و لبست و طلعت
زينب: يااااعاري وين ماشية انتي
لينا: للمدرسة وين يعني
زينب: يلي يشوفك يقول ماشيه لعرس الله يقهرك عدي غسلي وجهك
لينا: اااامي 😒
زينب: مافيش طلعه لين تغسلي وجهك
لينا: رجعت للحمام (حشاكم) وغسلت وجهي و نا نبكي 💔كنت حاسه روحي ضايعه نبي نصيحه من شخص عنده خبره بس مالقيتش💔 و كملت في ااطريق الغلط ، خذيت المكياج و حطيته في شنطي
عديت للمدرسة و اول ما وصلت
اسماء؛ وينك لينا متأخره
لينا: تعالي معايا بسرعة و مشينا للحمام (اكرمكم الله)
اسماء: شن هذا يا لينا
لينا: اسكتي ، و خذيت نحط من هذا و هذا 💄
اسماء؛ حي عليكي اطلعي المديره
لينا: مادخلهاش 😏
و عدينا للطابور
الاخصائية: الله اكبر الله اكير
لينا: قعدت نشوف ايمين يسار ، نحساب غير داعش خشو
الاخصائية: خيرك منصدمه هكي ، يلا قدامي للاداره
لينا: طبست راسي من الحشمه، و عديت و الفم ساكت
_لقتني جميلة في الطريق ،
جميلة: لينا خيرك
لينا؛ طول دموعي نزلن
الاخصائية ؛تعالي اهو ماك بروحك (طلعت بنات ثاني يلي ع السروال ويلي لبسها ضيق و يلي مكثره اكسسوارات و هكي )
لينا: دموعي نزلن و كنت خايفة ، بس شفت لجميلة بعيوني المكسوره فهمت كل شي😔💔
جميلة: وشوشت للاخصائية
الاخصائية: لينا عدي اغسلي وجهك ، و امشي مع الممرضة و بعدها تعاليلي
لينا: حاظر ، عديت غسلت وجهي ورقيت مع الممرضة لحجرتها
جميلة؛ اعتبريني اختك و احكيلي
لينا: شن نحكي 😔💔
جميلة: شن صايرلك السنه هذي مش لينا يلي نعرفوها ، و ليش لبسك رايح هكي و اليوم امكيجه معاها
لينا: نبي نكون حلوه ، زيك او زي موده و نوره 💔 ليش انا شينه 💔
جميلة : انتي مش شينه لينا انتي تبي اهتمام بس
لينا؛ اهتمام كييف!؟
جميلة: عدي توا لحصتك و بعديت في الاستراحه تعالي
لينا: و الاخصائية
جميلة؛ مايهمك بيها خليها عليا
لينا: طلعت و في عقلي الف تفكير شن حتقولي شن الاهتمام يلي بيخليني نقعد حلووه ؟؟
و طبعا اول ماخشيت للفصل تمو يعلقو عليا💔 و يلي يقولي كنتي تشبهي الزومبي و يلي يقولي مزيته و هكي 💔 مادورتهم قعمزت وقعدت نراجي امتي تجي الاستراحه بيش نطلع بس 💔
و مر الوقت ⏳
و جت الاستراحه وطول طلعت لجميلة 💗
لينا: دق دق ، جميلة
جميلة : ... يتبع
بنات عارفه الحلقات قصيرات ، بس الروايه مش طويله يعني حلقاتها اشويه حيكونن 💙❤
تفاعلكن و رآيكن !
أنت تقرأ
المظهر الخارجي (حقيقيه)
Historia Cortaلينا بنت اهملت شكلها و هذا سببلها عقده في حياتها ، بس لما تتعلم كيف تعتني بنفسها و تغير في شكلها هل هذا حيغير من شخصيتها و حياتها ، و شن موقف الناس يلي يحبوها من التغير هذا ؟؟
