لـ هنا اتمنى تعجبكم القصه مكدرت اسولف تفاصيل حتى لتصير طويله وممله لان هي روتين بين حبيبين طايرين بالحب الله يحفظهم انتظروا المفاجئة
البارت السادس كعدت كالعاده دوام اول شي اسوي اتصل ع عمر
انو صباح الخير حبيبي يلا كوم اكعد
عمر صباح الحب اصبح ع هيج صوت
انو عوفني بالتأخر وانت يلا اكعد
عمر صاار
كملت طلعت لدوام بيومه لبست قميص مشتريته جديد لون زيتوني وصبغت اظافيري شاف صوره عمر وأتخبل ليش ضيك زعل مني عاقبني اسبوع ميحجي وياي كل يوم الصبح ادزله وهو ميحجي بس يقراا بدون رد مر اصعب اسبوع عليه خلصته بجي واني مشتاقتله صار الخميس رجعت من دوام جنت متوقعه داز شي ملكيت رحت لبيت خالتي اسمعه تقنع امي ع شخص متقدملي وأهلي موافقين اني متت معرفت شسوي وقته اتصلت مجاوب دزيت رساله صوت حتى يجاوب فدوه جاوب يمكن تخسرني واني ابجي كتله ع الي صارر كال اني يمج مصيرين الغيري جنت خايفه كلش ادري اهلي قرروا مصيري بس هم حقي هذا ضليت اسبوع واني الطم وحالتي تعبت كلش وعمر متركني ويهدأ بيه بس مبيده شي اهله كسروا بيه ومقبلوا يجون يخطبون لان ميعرفوني وعرفني ع نت كلش اعترضوا والفتره الي قنعهم بيه اني رحت رحت بعد صرت مرت غيره 😭😭😭😭
اهلي جبروني وافقت دزيتله رساله كتله خلص كلشي انتهى بينه
عمر لا ماكو شي انتهى انتي الي عندي احساس انتي الي صدكي ماعوفج
انو جنت اعتبره كلام لايقدم ولاياخر مرت الأيام دزيتله صور عقدي وكل تفاصيل الخطوبه احجي وياه واكوله
طبعا معرفتكم بخطيبي
مصطفى اني شاب عمري 27 طولي 180حنطاوي عيوني خضر اكبار عندي لحيه شخصيتي قويه الكل يحبني مهندس معماري عندي علاقات هواي وي البنات بس يردن رضايه امي تلح عليه أزوج
ام مصطفى يوم يمته تزوج
مصطفى يوم شوفيلي وحده كون بنت عائله ماريده خفيفه وتصير مشاكل
ام مصطفى تدلل يوم اني عاجبتني بنت فلان خوش عائله واخلاق تعجبك
مصطفى الي شوفي يوم
رحت وياه للخطوبه كاعدين بلاستقبال دخلت هي ناعمه ومستحيه كلش لابسه تنوره تسعين نيلي وقميص اصفر رجلين طالعه ثلج ومباوعت ابد امي طلبت نبقى وحدنه هم طلعوا سالته شنو اسمج جاوبت لهدوء آن
مصطفى عاشت الأسامي
ان شكرا
مصطفى درسين
ان يي مرحله ثالثه
مصطفى حلوو بالتوفيق
اني سكتت لان مختنكه اتمنى الي كاعد عمر هو حس خجلانه كال حصيرين مرتي عوفي الخجل
كوتله من أتعود عليك يروح
مصطفى عفيه بالمعدله
أخذ حسابي بس مراسل ابد
صار يوم العقد رحت لصالون لبست فستان اسود وذهبي من كدام قصير كلش ونت وراه طويل جسمي كله طالع ههههه رجعت للبيت ركص احسه ع كلبي واني ميته قهر ع عمر دخلت للغرفه صورتله كتله شوف حلالك يتفرج عليه الغير طلعت عقدنه شيخ دخل لبسني ذهب واني ارجف همس بأذني شمطلعه ولج ماريد احد يشوفج غيري هذا حلالي وبس
معرفت اجاوب خوف حزن خجل كتله عجبتني اسفه متوقعت متقبل عليه (طبعا احاول اصرف طبيعي لان هو ماله ذنب اني مجبوره عليه)بعده رحنه للقاعه طول طريق وهن يباوع عليه واني مستحيه همزين امه وامي موجودات ميكدر يحجي شي وصلنه دخلت كعدت هو مدخل ضل برا بعدين يلا دخل بدا الهلاهل وركص خواته لزمن عليه يركص ركصنه اني وياه سيلو مخلي ايده ع خصري واني أنفاسي تعلى هو جريئ كال ع كيفج كلبج حيوكف اني استحيت وجهي صار احمر وهو يلمس بجسمي خلصت الحفله اكو غرفه بالقاعه رحت أغير البدله حتى يوصلني للبيت كال اريد احجي وياج لان ماما واهله وأهلي موحودين رحنه للغرفه اني واكفه أتقرب عليه باسني من شفتي بس حسيت نفسي نار تطلع مني ممنعته خفت يسوي شي حس اني مابدرته شعور كال خايفه همستله يي
كال بادين حبيبج وخايفه مرتي اريدج قويه ومتخافين بكلبي اكول م انت حبيبي ضل يلمس بيه بعدين كال يلا غيري ملابسج ستري روحج اليوم شطالعه لبست فستان تسعين حلو بسيط وشال لفيته نزلت تسريحه شويه لبست كب جوا شال حتى يترتب ورحت ع حمام خففت المكياج حمره والشادوو ورحت يمه حسيته تفاجئ
مصطفى احلى شي صار وياي اليوم والي عجبني اكثر مت شفته لبست ومسحت المكياج محتشمه ومحترمه كلش حبيته كتله نروح نتعشه كالت خاف اهلي ميقبلون كتله صرتي مرتي وبكيفي رحنه للمطعم طلب ع ذوقه أكلت شويه هن انتبه أخذ الباقي وياي ع البيت مال يلا تعبتيني اليوم كلش رغم حباب بس احسه سجن الي رجعت ع البيت واحجي لـ عمر شنو صار احسه يضوج بس ساكت هو فاتح حسابي يمه يشوفني ارتبك من يراسل مصطفى وماحب احجي وهو ميضغط عليه يكولي من تزوجين تحبيني واني أسئل عمر صدك احبه صدك أتقبله يكولي يي تحبيه تنقبلين كلشي زوجج هذاا
