البارت الحادي عشر (حنين)
عفيه مصطفى ماريد اسافر روح وحدك خليني مستقره هنا
مصطفى هههه بنيتي لتخافين أولا سفر مو خارج البلد لا محافظه وقريبه يعني كل جمعه وسبت احنه هنا وتكدرين ترحين لاهلج حياتنه تضل مثل مهي
آن وين نروح
مصطفى محافظه فلانيه
آن فزز جروحي النايمه رايح لديار العشك 💔💔 ...هااا
مصطفى شبيج
آن ههه لاتفاجئت ولامره رايحه اله
مصطفى يلا ترحين وتتعودين
آن يمته نروح وين نسكن
مصطفى بعد شهر ونص تقريبا
آن حبيبي
مصطفى كولي
آن اريد اروح دكتوره ليش مصار عندي حمل
مصطفى هذا شي بيد رب العالمين
آن ونعم بالله بس لازم أراجع ع اقل طفل اتونس وياه
مصطفى واني وين رحت
آن مو هيج قصدي بس تعرف احساس الأم شنو
مصطفى حياتي لضوجين روحي ويصير عندج
آن واذا مصار
مصطفى انتي بنتي واني ابنج
آن حضنته لمصطفى اني اريد طفل لان هو ترك شرب والبنات ورجع يحبني وبدون ضرب فأريد اكمل عائلتي
مرت الأيام رتب وضعه بدينه نختار الأثاث للشقه وأخذنه كل غراض الي بالغرفه حتى غرفتي مال نوم سافرنه بقينه اول يوم بالفندق ع منظفات للشقه ورتبته الأثاث وجهزت يلا اجينه سكنه بيه تقريبا وراه يومين ساعه 11 اندك الباب جيرانه بنيه شابه اجتي وبيده صينيه اكل كالت اني جيرانكم ساره
آن تفضلي ياهلا
ساره بالمهلي عذريني جنت يم اهلي ومن اجيت زوجي كال
آن كلج ذوق حياتي معذوره اني هم ماختلط بجيران من أيام اهلي
ساره انتي عروس شكد صار من مزوجه
آن هههه لج عيني ياعروس صار 3سنوات
ساره ممبين عليج عندج اطفال
آن لا والله
ساره الله كريم وين اهلج انتي
آن احنه غير محافظه بس زوجي صار شغله هنا واجينه
ساره احنه اهلج هنا الي طلبيه تدللين واني الباب بالباب موجوده دائما هذا رقمي خلي يمج واني اروح هسه يجي وميلكاني يضل يصيح
آن هههه مشكوره كلفتي ع نفسج
ساره لاخيه وين الكلافه
رجع مصطفى
آن حياتي اليوم اجتي جيرانه تعرفت عليه حبابه
مصطفى هاااي خوش ناس هم تونسي وياه
آن لا ماحب طلعات وهيج دخلات تسوي مشاكل خاف
مصطفى ههههه تحبين وحدج
آن يي أهدئ
مصطفى براحتج حياتي
مرت الأيام نطلع اني وساره لسوك للمطعم لان مصطفى شغله لليل واني وحدي بس ابد مايوم صادفت عمر حنت ادوره بين الوجوه بس ماكو ابد مر شهر تقريبا رجع مصطفى يشرب
آن صدك انت مو رجال تخاف من ابوك متشرب وهنا باليني الله يأخذك
مصطفى من سمعت كلامه هيج نزعت الحزام وضربته ضلت تنزف دم وأغمى عليه من ضرب ماكدر اسوق حتى اخذه للمستشفى ضليت ارشش عليه مي لحد مصحت
آن فتحت عيوني واني هلكانه لملمت نفسي دخلت للحمام وقفلت ع نفسي ضليت ابجي ليش يربي كل ماكو راح ارتاح ارجع للصفر سبحت طلعت رحت نمت ماحسيت الا ثاني يوم ب3 الظهر هاي شنو شكد نايمه اني كمت سويت شي سريع أكلته عزلت البيت سويت دجاج محشى وي مقبلات وشوربه وعصير فريش صارت تقريبا بسته دزيت مسج لمصطفى يمته ترجع
مصطفى تقريبا نص ساعه
آن طبعا اني متعوده يضربني واكوم ثاني يوم ولاكانوا صاير شي لان هذاي حياتي ولازم اسايس اذا ازعل وأكبر المشكلة يجوز ماكدر أحله بعد اتصلت ع ماما ضلينه نسولف لحد ماجه مصطفى
مصطفى هلوو
آن اهلا يلا غير ملابسك حتى اجهزلك الاكل
بدينه ناكل والسكوت جليس الحظه
مصطفى هدوء تام حبيت احجي اليوم العمارة هدوء محمد زوج ساره ماخذه لاهله هي وأطفاله
آن هاا يي تضل أسبوعين هناك
مصطفى ايي احنه الخميس باليل نروح
آن اروح ع اهلي
مصطفى ماشي
مر اسبوع واني اروح لاهلي واتصل بيهم ودائما النهار بالبيت انظف وتطبخ ومرات باليل من يجي نطلع
وضعنه رجع سيئ شرب وضرب ساره بعده مرجعت مخلصه حياتي بجي وهنا مو مثل الأردن اطلع براحتي ميقبل اروح بسوبر ماركت لو مرات اكعد بالكوفي وحدي وارجع
مره طلعت رجعت متأخره ضربني كال ممنوع طلعه وحدج بعد
آن عادي متعوده ابقه وي الحيطان شسوي نت خلص تلفزيون وطبخ اخخخ حياتي الممله
مصطفى آن انتي شعجب مزعلين وترحين لاهلج
آن هاي فوكاه متحمله تكولي شعجب
مصطفى اذا زعلت عند اهلي يكولن طلكي وان ماريد اخرب بيتي اصبر والله كريم الآه يهديك اليه
اسبوع زين واسبووع لا ضل يضوج من ساره ومتقبل ادخله للبيت اني همين تكفيت شر وكعدت الى فد ليله هن مكثر شرب
مصطفى شربت هواي وضايج ومادري كدامي سياره ضربته والي بيه بنيه وطفل اعتقد اتاذت أخذوني شرطه اتصلت بآن تروح شوفه
آن اتصل بيه مصطفى مسوي حادث وكال روحي شوفي البنيه رحت للمستشفى اشوف واحد كاعد يم باب العمليات ومخليه رأسه بين رجليه ويبجي ويمه نسوان وبنات ورجال اني رحت ع رجال سلمت كتله عمو جاهزين بكلشي احنه
رجال انتي منو
آن اني زوجته واحنه هنا غربه وهو مايدري
الولد الي كاعد صاح زوجج سكران يامدام
آن صوت حز بكلبي مو غريب عليه اباع عليه هذا عمر يمه اتمنى احضنه
اني رحت امشي صاح ورايه
عمر آن ادفعج الثمن غالي مرتين كسرتيني
آن طلعت الحديقة وضليت الطم ع روحي ولك ليش هيج مصطفى انت مسلط غليه أخذتني وهسه زوجته تعبت رجعت للبيت اتصلت بإخوانه وصلوا الفجر مر يومين وهو بالسجن
صبح داصلي واسمع اخو يحجي ويكول ماتت صدك بعدين عرفت ان زوجه عمر ماتت اني انهد حيلي شلون مصطفى شيسوي عمر بيه رحت ل عمر اتوسل بيه يطلعه من سجن ماكو مقبل
رفعوا للقاضي ونحكم 15 سنه
اخخخ زوجي محكوم شلون أعيش رجعت لاهلي واني حالي حال تعبانه وماكدر أتحرك رغم سواه بيه بس يضل زوجي
مر شهرين دز عليه مصطفى كال اني اذيتح هواي واني غلطان اذا تردين طلكي منو يكول اطلع عايش منا شوفي حياتج
وراه خمس اشهر طلكت كلش تعبت نفسيتي دمرت لأطلع والأشوف احد
لحد مصار وقت تقديم الكليات حجيت وي اهلي اقدم كليه بغداد
هم رفضوا كتلهم اهذا ليوم شفت ضيم ميمر ع احد وكلمه ماحجيت خلوني أعيش حياتي قنعوا قدمت هندسه معماري اهلي لان هذا حلم حياتي كعدت بالقسم الداخلي بديت حياتي جا معيه بس ماحجي اي شي من الماضي ومحد عرف قصتي ومهتمه بدراستي وبس مر الكورس الاول ونجحت امتياز نزلته ستوري ع الانستا رد عليه شخص مبرروك
كتله الله يبارك بيك
صارت نصف سنه رحعت يم اهلي مخلصته طلعات وزيارت ونسه الحمدلله
اختي صار عنده بنوته وأخويه زوج بيوم زواجه لبست فستان زيتوني قصير كلش ورفعت شعري وكعب عالي كلش مادري ليش ذكرت مصطفى شلون يغار عليه قبل من البس هيج المهم كملت الحفله ورجعنه للبيت وهوسه بنات خالو وخالاتي والإعداد كثرت لان كله زوجت وأطفال اني خلصت إجازاتي رجعت لبغداد ادرس وصار امتحانات فاينل بيوم نتائج نجحت همات تقدير امتياز نفس شخص كالي مبروك
كتله شكراا
المجهول عطلتي بعد
آن يي
المجهول ممكن نكون أصدقاء
آن لا
المجهول ليش!!
آن افضل ماحب الأصدقاء
المجهول لان متعرفين صداقه هههه
آن 😒😒 لا اعرفه وعندي أصدقاء بالواقع بس ماا احب ع نت
المجهول عادي نصير ع واقع
آن 😳😳 منو حضرتك
المجهول صديق اريد أتعرف عليج وعد مني من يرجع دوام شوفيني
آن هههه اكيد طالب انت وياي بس يارب متطلع شخص اكره
المجهول اكو أشخاص تكرهيهم
آن اكيد ايي
المجهول امم
آن اممم سؤال
انت تعرفني
المجهول يي
آن من وين
المجهول معليج مع الأيام تعرفين
آن هههه خفت منك
المجهول شنو شبح اني وأخوف
آن ههههه
المجهول صدك انتي تحبين مرتبطه يعني حاليا
آن ههههه مو تكول اعرف كلشي ليش متدري
المجهول يي اعرف بس احب اسمع منج
آن امم ماعرف شنو اكول بس اني حبيت شخص بحياتي والقدر محالفنه حتى نتزوج ومن بعده محبيت
المجهول ممفكره تحبين غيره
آن احس الحب بس عنده
المجهول صار شكد من تاركين
آن تقريبا اربع سنوات او اقل شويه
المجهول وبعدج تحبيه
آن المواقف ذكرني بيه
المجهول اممم
آن يلا نعست اريد انام
المجهول اوك
صار صديقي وبدينه نحجي اسمه احمد بس غامض كلش ماعرف شلون سولفلته عن حياتي وي مصطفى وشلون يضربني ويعاملني حجيتله كلشي قبل دوام كال اني اريد اتقدملج
المجهول آن اني اكثر واحد فاهمج ليش رافضه
آن تعرف تجربتي الفاشله واهم شي دراستي تركته قبل علمود زواج مااريد هسه اتركه
المجهول دراسه تكملين وتجربه تنسيه ماشي
آن مادري خلي يبدي دوام حتى اشوفك وأتعرف عليك
المجهول ماشي
مرت الأيام بدا دوام صار يوم الموعد مع المجهول
