ثانوية الشبان

البارت'6'

بسم الله الرحمن الرحيم✨

قراءة ممتعةة🍭

بعد انتهاء الدوام مشو البنات ل غرفة سمر و روان
سمر: تعرفو يا بنات الجوو مكسد بلا سلام
روان : اي بكل اععع
آية : زعما معاش بنشوفوها لين نروحو ل ليبيا😢وووه هلبا وله
نور : اي هلباا هلبااتت
لمار : معاش ادكروني بنبكي را
آية : كيف بنرقد بروحي اني فالدار توا
روان : ارقدي معانا
آية : الخرا المدير اهوا تو يدير حالة
سمر : تي وين بيعلم بيك هوا
آية : لالا فكيني بنتحمل و خلاص
سمر : خلاص امالا سكري فمك و ارقدي
آية : به نبي سلام اني
سمر : بدينا هي تي منوين بنخلقهلك توا اني
آية: مدخلنيش انا نبيها
سمر: سكتووها 🙂

*عند الشباب في غرفة محمد و احمد*

يزيد : نتصل بيها متردش خيرها
معاد : شن بترد قدام امها و بوها
يزيد : واااكك و خلاص ل امتا باهي هي
محمد و هوا يضحك : للابد😂
يزيد : انوضلك را سكر فمك بلا بصارة صامطة توا
محمد : شن درت اني قتلك الواقع و الكلام الرسمي
يزيد : تي يا راجل زيد عليا غادي مشناك
عمر : كلا اني بنوض معادش فيها معندي علي من نتحسر
محمد بتهزيب : مع السلامهه😒
احمد : اجري حي عليك😂

و طلع عمر لانه بيكلم نور
و عند الشباب فالدار
محمد : تي خلاص يا راجل شن معاش في غيرها
يزيد : انت آخر واحد يتكلم شن انت مش كرشت في سمر خمسة سنين و اني قاعد مسكرتش اسبوع و عدت طول حضي الزفت اهوا و اي معادش في غيرها بالله نوض خير ما نفصل توا
محمد شبح في معاد و احمد : تي بالله منهوا اللي بينوض دار مني هيا
يزيد : امالا خلاص سكر فمك
معاد يهمس ل محمد : خلاص فكنا منه عارفه مش علي حالته الطبيعيه *مش مستاعي😂*
معاد : هي يزيد انوضو
يزيد : اي هي نوض خيرلي من شوفة وجهه
محمد بصوت واطي : نننن نوض مادابيا

*عند عمر و نور*

عمر : ها نور
نور : شن الجوو
عمر : باهي تمام شنجوك انتي و شنجوكم بلا سلام
نور : جو يزهق الكبد تعرف و يزيد شن جوه ؟
عمر : يفش في غله فينا و خلاص و احني نسايرو فيه و هوا قاعد علي اعصابه
نور : مكبد الولد شن بديرله هي
عمر : يا رب زيه
نور : تبيني نروح ل ليبيا امالا🌚
عمر : لا قصدي نفس حالته حالته عارفتيها اين حالة طبعا
نور : شكلك مكسد تكسيدة ملاخير
عمر : نضت من جنبهم يتعاركو و حالتهم حاله حتى لما منوض للدار ضروري باللز😂😂
نور : عادي عادي علي اعصابهم الجماعه بالدات يزيد وله
عمر : اني منتحملش
نور : لااه😂
عمر : هههههه اي
نور : هي تصبحح امالا و الله عيوني بيتسكرو بروحهم
عمر : به متبيش تقوليلي حاجه قبل لا ترقدي
نور : حاجه زي شني
عمر : انتي ادرا
نور : هههه تصبح علي خير
عمر : و انتي من اهله

نرجعو ل يزيد و معاد اللي اول ما جو بيطلعو رن تليفون يزيد
يزيد بنفس عميق و بتشوق و حماس و فرحة قال : حيي سلااامم
معاد : تي باهي رد بسرعععه
يزيد ناض من جنبهم : ايوا سلام شن الجو كيف حالك و شن مدايرة و خيرك مترديش من امبكري نتصل وينك و وين قاعدة انتي
سلام : حي يزيد يزيد يزيد خيررككك بالشوية😂😂
يزيد خدي نفس و ضحك : ههه به وين انتي توا
سلام : اني توا في فندق و الصبح بنطلعو
يزيد بحزن : ل ليبيا؟
سلام : اي ليبيا ... شنجوك انت
يزيد : شن بيكون جوي يعني
سلام : يزيد اسفه و الله لكن انت عارف انها حاجه مش بيدي
يزيد : عارف و الله عارف و اني يلي آسف مودعكتش لكن و الله ما قدرت نشوفك ماشية و اني واقف نتفرج
يزيد : اني فاهمة وضعك لكن يزيد مش كل مرة الحض يوقفلنا را
يزيد : اني ولا مرة الحض وقفلي حتى في امي و بوي معنديش حض
*ام و بو يزيد متوفيين في حادث سيارة لما كان يزيد صغير و يزيد عايش مع عمه *
سلام و هي تبكي : يزيد اني معاك متخافش انت مش تحبني ولا
يزيد : تي نحبك؟ اني نموت فيك موتان
سلام : خلاص الحب متفرقاش المسافات و اني تو نبعتلك رقمي الليبي و ايميلي و توا بنعدي نرقد لان غدوا منطلعو بكري
يزيد : توا انتي بتقري في ليبيا
سلام : اي
يزيد ببصارة : و كان كبدتي علي واحد تاني
سلام : مستحيل
يزيد : متأكدة ؟
سلام : انت عبيط و لا تستعبط مفهمتش الحق
يزيد : الاتنين😍😂
سلام : ههههع به هي سلام
يزيد : لا يزيد مش سلام😂
سلام : حي ع البرادة 😂😂 تي باي ي ودي
يزيد : اسمعي
سلام : ها
يزيد : عصا🌚
سلام : تي يا همي نعم
يزيد : ججلمم🌚
سلام : تي وووه باي امالا😂
يزيد : غير منقولك
سلام : قول
يزيد : ننحبك💜
سلام: بهي😂💕
يزيد : شني بهي
سلام : شن بنقولك هي
يزيد : منعرفش ديري اي لقطةة
سلام : ناهو اني نعرفش نرد ع الكلام المعسل هدا😂
يزيد : حيي قصدك كلامي مععسل
سلام : حي لا و الله ما هكي
يزيد : امالا شن
سلام : لا شي هي تصبح
يزيد : تصبحيي😒
سلام : يزيد حمقت؟
يزيد : هلبا مش شوية
سلام : به اني نحبك را
يزيد : ايوااه و قولي هكي من الاول😂💜
سلام : انشالله هي باي 😂
يزيد : باي