السلام عليكم ✨
قراءة ممتعهـ🔥
******************
لمار تنهدت: اوففففف هشام طلع يعرف رمضان خوي ولا صاحبه مش عارفة و قاله اختك تحب و تتمعشق اتصل بيا رمضان امس و قاللي مزال نشبح و لا يقوللي عليك هشام بتروحي لـ ليبيا و نخبر فيك امي و بوي و نطلعك من امها التانوية اهيا و سمعني هلبا كلام و طول الليل مرقدتش
احمد مصدوم مسح وجهه بايديه: خير فيته الفرخ اهوا مش مخلينا فـ حالنا
بعد لحظات صمت
احمد: به كيف توا شن الحل
لمار: الحل واضح معاش نبي نكتر مقابلات خلينا شوي شوي خير ما نطلع و نروح لـ ليبيا يعني مرة مرة احسن من مفيش بكل
احمد: تي كيف انتي عارفتيني بلاك مـ
قاطعاته لمار: عارفة بس هادا هوا
احمد: به راضي معاش نتلاقو بما ان الموضوع فيه مرواح لـ ليبيا و اني منقدرش نخليك تروحي
لمار: تي هوا حمار يعني اني نحبك اكيدة عندي رقمك و ايميلك
احمد: تي خليه يفضفض 🙂
لمار: هي توا
احمد: قصدك سلام باي لااااعع لاا
لمار ضحتك: احمد شن تفاهمنا حني
احمد: تي حتى اسمي تقولي فيه بالرسميات قولي اللي متعودين عليه را مطلقتكش قاعد و مش حنطلقك
لمار تضحك عليهه : حمووتشي 😍😂
احمد: عيونه
لمار: هي باي توا
احمد: غصبا عني لكن باي ☹💔
و مشت لمار لـ البنات و هوا قعد يشبحلها لين اختفت من قدامه
سلام: كيف كان حفل الوداع 😂
لمار: قريب يبكي ☹
سمر: نحس فيكم بكيتو 🌚
لمار: ننن مش لـ هالدرجة
سمر: امبكري اتصلت رنا
روان : اي حقا شني صار بتجي و لا لا
سمر: لا لا مصارش عمتي حلفتلها تقعد عندها
أنت تقرأ
ثانوية الشبان
Teen Fictionالرواية هادي تتكلم عن شلة بنات يعرفو بعض من ايام الاعدادي و صاحبات هلبا لين لما تشوفهم تحسهم خوات مش صاحبات💗 جوهم اطلعع طوول و مفيش حد فالمدرسة ميحبهمش ✌🏻 . الرواية من نسج خيال الكاتبة و فيها لمحة من قصة واقعية🔥 #بقلمي💜✌🏻
