زواج وإنتقام🔥

الحلقة التانية

وعندما نتألم نتمنى لو لم نولد 💔
_____________________

ركبت لداري ومعاي ميرال

اتصلت ع وسام سكر وعاودلي

وسام : يا عيوني انت واخيراً بتولي ليا خلاص غدوا خميس بنخطبك وبتسسمي خطيبتي ❤

انا : تعرفش قداش فرحانةة انا بنطيرر اخخخ 😍

وسام : ربي ما يحرمني منك 😙

انا : ولا منك ي يارب  ❤🔥

وسام : المهم شنجوك ...

وقعدنا نهدرزو مشوواااار 😊

تسريع الأحداث /!!

جي يوم الخميس وأخيرا تصدقو وقتها فرحتي مش ساايعة حدد 😂❤

لبست فستان زهري كلوش قصير من فوق دانتيل ودرت شعري كيرلي وهو طويل درت ميك أب خفيف ولبست كندرة سودة ونزلت

جت أمه صفية وأخته مروة ❤ سلمت عليهم ومديت العصير وهدرزت شوي

أمه : محلااها كنتي

مروه : واخيرا معنديش خوات تجيني انت 😚

انا : 😊😊❤

طبعا مداروش نظرة شرعية بحكم شايفني وشروطه قالتهم أمه ع أساس منعرفهمش 😂😂

ووافقت وكذلك وافق ع شروطي وأخته الحق هضمتها هلباا وروحو
وبعدين جي يوم التلبيسة  ❤

لبسني ولبسته كان أحلى يوم في حياتي 😍 وقرينا الفاتحة ❤ وبدي حلالي ❤

بس !! من بعد هاليوم تغيرت حياتي للأسوه أو بالاحرى للجحيم 💔
_____________________

انا : الو وسام خيره صوتك هكي ؟؟

وسام : انا معاش نقدر نكمل معاك سامحيني 😢😢

قعدت تتردد الجملة في اذني انا معاش نقدر نكمل معاك سامحيني ؟؟ كان صوته واضح انه يبكي ☹ اي اي وسام يبكي ولاول مرة حسيت الوقت توقف وكل شيء توقف وقعدنا اني وهو بس
كنت مصدومة ومتفاجأة وخايفة شعور غريب بكل 💔 كنت نبي نحكي بس الحروف يبوش يطلعو من الصدمة .... لعند فجأة قلتله ... كيف بتسيبني ؟

وسام ( بصوت يبكي ) : اي 😢

انا نعرف وقت وسام في عنده حاجة ويبيش يحكيها فعرفت انه مخبي شيء

انا : كذاب قولي السبب نعرفك اني وسام احكي
( وقعدت نبكي بعبرتي ) 😭😭

وسام : اسف يا قزومتي نبي نقعد معاك نبي نكمل حياتي معاك لكن القدر مش كاتبلنا هكي 💔

انا : لااا ليش نكملوش مع بعض

وسام : خايف الموت ياخدني منك 💔

انا : وسام وراسك معاش تحكي هكي 😭 تبي تقتلني انت 😭

وسام : خلاص معاش نحكي هكي