يقف على سطوح منزلهم يسند على سوره العتيق ممسكا سيجارة شاردا فى النجوم يبحث عن نجمته المفضله يحاور نفسه أن كانت تقف نفس وقفته الان كما اعتادا سويا أما قد نسته فالإيام كفيله أن تنسياها إياه ها قد ظهرت نجمته المفضله ليبدء حديثه معها :
شايفك حزينه يا تري هي حزينه زيي ولا انتي حزينه على حالى انتي عارفه اني عملت كل حاجة عشان تكون نصيبي بس مش نافع محدش من اهلنا راضي ..
يقطع سكونه صوت والداته :
انت لسه بتشرب الهباب ال بتشربه دة
- دي سيجارة عادية مش هباب ولا حاجة
صحتك ي حبيبي حرام عليك نفسك ومالك
"تلك العبارة تذكره بها تعيدها عليه كثيرا لعله يقلع عنها لكنه يشاكسها دائما "
- خايفه عليا لدرجادي
لو مخفتش عليك هخاف علي مين
- انتي متأكدة انك بتحبيني
انت ابني حته من روحي ودمي ازاي محبكش
- امال بعدتيني عنها ليه ؟! عملتي كل حاجة تفرق بيني وبينها ليه ؟!
هي متنفعكش وانا مش عايزاها
- بس نافعاني انا عايزاها بحبها ايامي من غيرها ملهاش طعم
بكرة تنساها انا خلاص كلمت اهل البنت ال عجبتني وهتعجبك
- روحي اتجوزيها انتي انا مش رايح بيوت حد ولا عايز بنات خلاص مفيش حد غيرها هيقدر ياخد مكانها
بس هي هتتجوز عادي وانت هتفضل خايب كدا وعايشلى ع ذكراها
- انا وجعتها عيشتها حلم وفاقت على كابوس مكنتش قد كلمتي معاها مقدرتش احافظ عليها
ال انتم فيه دة كله كلام عيال بكرة لما تتجوز ال انا اخترتها هتعرف اني عملت كل حاجة عشان تعيش مرتاح
- من فضلك سيبيني لوحدي مش عايز كلام فى موضوع دة تاني .
تتركه بمفردة وتذهب ليخرج هاتفه يبحث عن صورتها بين ملفاته ثم يحدثها ينتظر ثواني مرت عليه كالدهر يسمع صوت انفاسها لكنها لا تتحدث .
كانت أول كلماته وحشتيني الايام ال فاتت مرت عليا كاني مش عايش انا كنت ميت من غيرك ..
لا يسمع منها أي رد سوي صوت انفاسها ..
صدقيني انا بحبك كلمه بحبك دي قليله على ال حاسس بيه اتجاهك حاولت كتير معاهم بس مش نافع بياخدوني كبش لغلطه غيري انا مستعد اجي لاهلك بس لوحدي من غير حد هتقدري تعيشي مع واحد معهوش اي حاجة حتي شقته هيسبهالهم هبدء معاكي من الصفر من اول وجديد بس قولى موافقه وانا ابيع الدنيا كلها واشتريكي .. عارف اني اذيتك وعذبتك معايا كتير بس والله بحبك محبتش غيرك انا ابنك زي ما كنتي بتقوليلى دائما والله ما عارف اعيش من غيرك ارجعيلى ..
يأتي صوتها بعد صمت دام طويلا :
انا كمان ابيع الدنيا واشتريك بس الدنيا هي ال هتبيعنا سوا محدش فينا هيقدر عليها مستعدة احارب معاك الكل بس هيجي يوم وتقولى اهلى وخسرتهم بسببك انا مقدرش اتحمل منك الكلمه دي .. انساني وكون مع ال اختاروها ليك مع العشرة هتحبها يمكن مش زي حبنا يمكن احسن مننا بس هتكون وسطهم ..
انا بحبك والله بس هي دي الدنيا دائما معاها خط دموع 💔
