صحيت تاني يوم دخلته الحمام وجيت اصلي الضحى بعد صليت مشيت لماما وشربنا الشاي بعد شويه جات ملك انتظرناها تشرب الشاي ومشنا ننضف عشان نلبس ونمشي💕 بعد خلصنا نضافه مشيت عشان البس "لبستي وريتا ليكم البارت الفات" بعد لبسته مشيت عشان اتظبط🤤💗 بطبعي ما بحب اتمكيج يعني اعمل فل ميكب بحب اعمل روج بس وتاني ما بعمل شي🌚💗 مشيت عملته روج كبدي وبس اتريحته ونزلته تحت لماما
ماما:ماشاء الله ما يسحروك لي يا بتي💕
انا:ربنا يخليك 😉
مللك جات نازله وكانت لابسه نفس فستاني بس لون مختلف وعامله ميكب 💕
#كسره
ما وصفته ليكم نفسي🌚💗
انا حلبيه رموشي غزيره وعندي غمازه باليمين "انا وملك نفس الشي غمازه باليمين😉" ما طويله شديد ولا قصيره💕 عدساتي لونهم عسلي وشعري بصل لي نهايه ضهري ماشي على بني 🙈💕 #انا وملك بنشبه بعض شدييد ماف فرق بينا الا انها اطول مني شويه بس💗 انا وملك بنشبه ماما 🌚💗
نرجع لقصتنا😉✌🏻
بعد لبسنا مشينا طوالي كلمنا مجاهد يوصلنا 💕 اول ما وصلنا مجاهد دخل معانا طبعا بيتهم حلو شديد بره كان في زي نجيله واحده باليمين وواحده بالشمال يعني البوابه فيها زي ممر كدا تمشي بتلقى النجيله بالشمال وباليمين يعني بالجد البيت روعه 🤤🤤💕 بعد دخلنا سلمنا على خالتو موده وطبعا البيت من جوا حاجه خرافيه مزخرف بطريقه حلوه شديد💕 بعد سلمنا عليهم قعدنا وبقينا نتونس وطبعا بنتونس وما حاسين بالوقت لحدي ما اذان العصر اذن بعد اذن مشيت صليت وجيت وبقينا نتونس بعد شويه قالو لينا يلا الغدا مشينا اتغدينا وبعد خلصت قمته عشان اغسل يدي "ما كان في ضيوف كتار بس اخوات خالتوو موده وبناتهم 🌚💕" المهم مشيت غسلته يدي وجيت عشان ارجع لفت نظري زي بلكونه كدا فيها ورود ومزخرفه بطريقه حلوه 😭😭💗 عجبتني قمته دخلته وبقيت واقفه وطبعا طرحتي ما كنته مثبتاها بحكم اني مشيت الحمام وكدا وكلنا بنات يلا بقيت واقفه ومغمضه عيوني ومستمتعه بالجو الطرحه وقعت من راسي 🙈🙈💕 وشعري كمان وقع والهوا بيطير لي شعري بطريقه حلوه وانا لسه مغمضه عيوني لحدي ما في زول كان بيعاين لي بتحت بس ما ركزته انا لاني ماشفتو بوضوح اول ما فتحت عيوني هو اختفى...
يتبع.......
