طبعا زي ما عرفتو بقيت مرتو خلاص ومرت الايام وما اتكلم معاي خالص وحتى ماقال لي مبروك علينا وانا زاتي مافارقه معاي 😪 في يوم اتصل علي وقال لي لازم نتقابل ضروري قلته ليهو ما بطلع مالم استاذن من ماما
هو:طيب انا هاضرب ليها وهاكلمها وانا متاكد ما عندها مشلكه لانك بقيتي مرتي💕
انا:طيب 💗
ما عارفه كلمه مرتي دي لمن قالها انا اتجهجهته عديل كدا😂😂💕 المهم جا ساقني مشينا مطعم كدا طلب بيتزا لينا الاتنين وكولا 🤤🤤💕 بقينا ساكيتن قريب خمسه دقايق بعدو قال لي: ملاك💕
انا:نعم
هو:عايز اقول ليك انو ممكن نبقا اصحاب يعني عشان نقدر نتفاهم بعد الزواج وكدا🌚💗
انا:امم طيب وانا ما عندي مشكله يا... "سكته"
هو ابتسم وقال لي: مصعب اسمي مصعب عبدالرحمن☺
انا:اتشرفنا يا مصعب🌚💗
هو:وانا اكتر💗
سكتنا شويه وبعدو قال لي: طبعا انا ما عارف عنك اي شي غير انك ملاك وبس ممكن تحكي لي عنك😅
انا:طيب ما مشكله انا ملاك عمري 19سنه مولوده 28/3/2000
هو:وحلاتي ياناس 😂😂😂😂 لا انتي جاده ؟
انا: ااي ليه ؟
هو :صغيره شديد😂😂
انا: ليه وانت كم يعني😂😂😂
هو: 25 سنه🌚💗
انا:ماشاء الله
هو:تسلمي يلا بتقري شنو وبتقري وين؟😂
انا:صيدله في جامعه السودان💕
هو:ماشاءالله وانا مهندس كهربا جامعه السودان برضو😂😂😂
انا:حلو💕
بعد شويه جابو لينا البيتزا اكلنا وبقينا نتونس ورجعني البيت بس في الطريق اشترى لي شكولاتات ومشينا 💕
كان احلى يوم من عرفتو يعني على الاقل كسبتو كصديق مع مرور الزمن يمكن اكسبو كزوج💕
مرت الايام وانا وهو متواصلين في الواتس وكلمني انو عمل لي طلب صداقه في الفيس انا مشيت اشوفو واتفاجاته طبعا😂😂 لقيتو نفس الولد داك بس كان منزل صورو بدون لحيه 😂😂واسي عامل لحيه عشان كدا ما ركزته🤤🤤💕 المهم قبلته الطلب وانا مبسوطه من نفسي لاني ابيت اقبل الطلب وقت هو كان عايز يخطبني🌚💗 المهم مرت الايام وحددو العرس خلاص وكان فضل اسبوعين وبديت الحبسه وبقيت احلى شد لمن نفسي عجبتني😂😂 "ما تركزو🌚💗" المهم عدى الاسبوع لحدي ما جا يوم الحنه ودا كان يوم كلو هبل وعبط 😂😂😂 والله رقصنا رقيص ماخلينا شي ما عملناه😂😂😂 ومرت الايام تاني ولا جديد كالعاده لحدي ما جا يوم العرس بالصباح مشيت الكوافير وظبطوني بس المره دي عملو لي ميكب 😂😂بقيت قمر 14 عديل🙈🙈💕بعد لبسوني الفستان جا مصعب وهو زاتوو كان حلو🤤🤤💕 عاين لي وانا كمان عاينته ليهو جا قرب مني ومسك راسي وحصني وباس راسي وبعد مني قال لي :ربنا يحفظك😍💕
انا:🙈🙈🙈جمعا يارب
هو:يلا نمشي؟
انا :يلا
بعد مشينا وركبنا العربيه صحبو ياسين كان هو السايق وكانت معانا ملك🤤🤤🤤💕 سالتو قلته ليهو :مصعب🙈
هو:عيونو😉
انا:اممم انت ليه وافقته بي مع انك ما بتحبني؟😅
هو:ومنو القال ليك ما بحبك🌚💕
انا: امممم🙈🙈💕
ملك كانت سامعانا من فرحته بقت تزغرت😂😂😂😂 مجنونه من يومها وصلنا والاضاءه انخفضت ورقصنا اسلو وقعدنا في والحفله انتهت وبعد شويه جرتكونا وودعته اهلي وبكيت طبعا وبكيت شديد مع ملك😪 بعد ودعتهم اتحركنا على المطار طوالي☹💕
يتبع.....
