متاهة عيونك

البارت الخامس

أمير....خربببب هبل عابت ألج ولليجاملج
جنات....مو صوجك صوج اليضحك كدامك
......عفته وكمت رحت اشوف جنه اشون  صارت رحت صعدت للطابق الفوك وسالت عليها كالو بغرفتها رحتلها لكيت سيف يمها اول مطبيت اترخص كام وطلع
جنات....ها حبيبتي جنه أشون صرتي
جنه...زينه احسن
جنات...غير دربالج ع روحج
جنه...لج انجويت بصبعي وفلتت الكدر
جنات...لون صابره مجويه بأصبعج ولا هل جويه
جنه....أي وربي صحيح لج جنات فرفحت لو اشوفين اشصار بيه
جنات...ألله أيساعدج
جنه...فدوه جنات بس اطلعين سدي الاكلوب اريد انام
...........هلوو شيسمونها هاي طرده
جنات...اي يكلبي ارتاحي حطلع اني
جنه...يي والله راسي يوجعني ما بيه احجي
........عفتها وطلعت نزلت للطابق الارضي طبيت لغرفتي
بدلت ملابس ورحت سبحت وكفت يم المرايه أباوع لروحي ولشعري المبلل والله اريد اقصه شسوي بي شطوله اكصه لحد متني اصير احله مابيه انشفه عفته محلول
ورحت فتحت التدفئه وذبيت روحي ع الجربايه  كضيت تليفوني وضليت العب بي واكلب بلفيس وكفت عصورت امير  واكف هوه واصدقائه والله بطران  علقت عليه وكتبت◇منوووووور يلشريف◇ ونشرته ابتسمت وشمرت تليفوني واشوف باب الغرفه انفتح........

........جاي أمشي واكلب بتليفون اريد أصعد لغرفتي مريت من غرفت جنات واجاني تعليق منور يلشريف اقتربت من الباب وفتحته وكلت
أمير....لعد شنو مو شريف ليش ما اتعدلين حجيج لو اعرف اشلون اعدله
جنات....لك متفوتلك فايته انت شبساع شفته
امير....التليفون كامشه بيدي
جنات....اي هيج عجبني أعلق مو حتى ع التعليق أترزل سد الباب وراك
امير...شيسموها طرده هاي
جنات....اي والله اتعلمته من جنه
أمير...وتأخذيها من جنه يلمايعه
جنات...اي واخذها شنو بس هيه تطرد اتمنيت وحده من البنات تدخل غرفتي مهله اجربها بيها
امير...وجربيتها بيه
جنات...اي وطفي الكلوب أووووو اشوني
امير...عابت
.......طلعت وسديت الباب واني مبتسم صدك خبله هاي البنيه صعدت للطابق الفوك ورحت متوجه للغرفه دخلت الغرفه سديت الكلوب لا بيه اسبح ولا بيه العب بتليفون كبل انام شمرت روحي ع جربايه غمضت اعيوني وغفيت.....كعدت عصوت ايكول بهمس وندسات بايدي خفيفه
........أمييير ولك امييير
امير بنعاس وفتح تك عين....أي اي ادري ادكعدين ذبانه دوخري
ريم ....لك اشبيك كوم والله ذبحتني يوميه مكعدتك دخليلك منبه فوك راسك لو اله واحد ايكعد لو اشوف شون امي تخبصني كلساعه لج اخوج كعدي لج اخوج كعدي موتتني لا وفوكاهه اكل رزاله من........
....قاطعته كايل.....هوووووش شكو اكلتيني يمعوده اشكد تحجين فاتحتلي مسجل من الصبح دروحي مني صبحت بوجهج الله ميخليني اصبح بوجه بأم غمازه
ريم بفضول....ام غمازه منو
أمير....لج ريم أطلعييييي
ريم ...طلعت طلعت
......طلعت وسدت الباب يابويه متت راسي كام يوجعني اشكد تلغث اشون بيها نفسيه تحجي من الصبح ما ادري
كمت ورحت سبحت ولبس ملابس مال بيت لأن اليوم جمعه ما كو دوام......

.........فتحت اعيوني اباوع لساعه يربي همزين اليوم جمعه راسي يوحعني ما اكدر أكوم خ اضل نايمه احسلي..غمضت أعيوني اريد انام ماكو كلت خ اروح أسبح أحسن كمت من الفراش دايخه ما ادري أشيه اضن صار بيه فلاونزه طبيت للحمام غسلت وجهي بمي دافي ورفعت شعري بفوضويه حته قراصه مخليتله لفيته وشديته طلعت من الحمام رحت اخذت تليفوني وطلعت من الغرفه لكيت بس جدو جاي يشرب قهوى كعدت يمه ع القنفه وكلت
جنات....صباح الخير جدوو
الجد ناصر....صباح العافيه
جنات....جدوو ما تاخذني لقبر ماما والله مشتاقه ألها حيللل
الجد ناصر...لج ابنيتي اشذكرج بيها
جنات....هوه امي ناسيتها حتى أذكرها اريد اروحاها
الجد ناصر....وج والله يا جنات ورايه روحه للبصره خل  واحد من ولد عمج ايوديج
جنات...لا لو انته لو ما اروح محد ياخذني وربي
الجد ناصر....لا هسه اكل لواحد منهم ياخذج ازورين أمج
جنات...لا بطلت ما اريد أروح
الجد ناصر ...لزعلين أبنيتي والله عازمين بلبصره اريد اروحله 
جنات...لا جدوو عليمن أزعل غير مره
الجد ناصر....أي ما كمتي اتريكتي
جنات...ما اشتهي لعبانه نفسي
الجد ناصر....لا بويه ميصير لازم تتريكين
جنات...ما اشتهي وداعتك
الجد ناصر....اشبيج متشتهين
جنات....والله جدوو راسي يوجعني بين عليه تمرضت
الجد ناصر....شو اتقربي خن أشوف حرارتج
........كمت كعدت بصفه خله ايده ع كصتي
الجد ناصر....لج مرتفه حرارتج بس مو قويه كومي اتريكي عمود أشربين الدوه
جنات...ميخالف  جدوو
.........ما اريد اتعبه بلكلام كمت أبساع  طبيت للمطبخ وسويت مخلمه خليتها ع الميز وحميت الجاي وخليته ....سحبت كرسي وكعدت عليه بعدني ممخليه لكمه بحلكي طب سيف وأمير
أمير....مخلمه والله جوعان ممتريك بعدني
سيف...متريك بس احب المخلمه
.....كعدو يمي حتى أستكاني الاريد اشرب منه اخذا امير وشرب منه أوووو هسه شيصير اذا اتريكت براحه
سيف...لج شتخلين للاكل هيج ايصير طيب
جنات....هيه مخ....قبل لا أكمل لزمتني الكحه كمت اكح حيل اضن  اتمرضت من البارحه سبحت ونمت
امير...شنوو انتي مريضه
جنات...أحمممم اي من كعدت راسي يوجعني
امير....لج شربي دوه لا اتمرضينه وياج
.......رفعت اعيوني اباوعله وكلت
جنات...اذا خايف تنعدي مني لا تحجي وياي ولا اسمعني صوتك خاف يجيك الفايروس طاير
سيف...اي والله جنات كعدي بغرفتج منا لمن اطيبين ما بينه حيل نتمرض
جنات....أهوووو عيني متتمرضون لا اتخبصوني
امير....وجعوووو اشبيج مدكليلي غير دربالج ع روحج
جنات...واني اشمدرين هيج ابساع اتمرض ما عندي مناعه قويه....
......خليت ايدي أريد اكل وطبت جوري وامها اجتي تركض عليه يمه فدوه لهيج وجه
جوري....جنوووو حبيتي
جنات....هههههه لا تتقربين ابد
......باوعت عليه زعلت اتريد تبجي
جنات.....لج عمري وربي مريضه اخاف عليج تنعدين مني
أم جوري.....يااا سوده عليه اشبيج
جنات....والله يا ام جوري البارحه سبحت ونمت جوه التدفئه وكعدت مريضه
........طبعن ام جوري اصير زوجت عمو حسن  عمرها بثلاثين سنه أمووت عليه ابنيه كولش حبابه وكلبها ابيض هيه وبتها
ام جوري...حبيتي تعالي صعدي وياي اسويلج شوربه بلكي ألله تفتح بلاعيمج
جنات....لا مشكوره حبيتي اشرب دوه وانشالله أصير زينه
جوري....تعالي ويانه فدوه
جنات....لج أني أروحلج فدوه أموووت عليج يا أم أعيون الحلوه بس تعاليلي غير يوم من أطيب وأصير زينه أله أكرط هاي الاخدود
.........يمه مو بس كرط تنكرط هاي الابنيه شنوو أدب وجمال ولا أيكول طفله حجته لو هيه خجلت حيلللل
أم جوري....أووو جنات خجلتيها
.....أبتسمت ورديت أباوع ع جوري
...........جنت أني وسيف ناكل أمخلمه جنات ونحجي وياهه طبت علينه جوري وأمها كملت أكل بدون حجي وكمت رحت صعدت للطابق الفوك فتحت باب بيتنه ودخلت ردت اروحن لغرفتي وأشوف أمي كاعده بصاله وتخابر
رحتلها كهدت يمها خلصت مكالمتها وحجت
أم هاشم.....يبعد أمك روح جيب بنات خالتك سعاد وتعال
هدى مشتاقتلنه اتريد تشوفنه