متاهة عيونك

البارت الحادي عشر

ريم....اللهم طولك يا روح
...............يربي هسه أشون بأمير الما يستحي أبد
درت وجهي وأني اخدوي حمر من المستحه اباوع ع أمير يضحك سكتت ضليت بس أكل خلصنه غده شلت الماعين وي نجلاء وتبنا المكان وصفين الكراسي ورحت وكفت وي نجلاء
نجلاء...اشو مكتيلي مخطوبه
جنات....ما ادري هيج صارت ابساع
نجلاء...هنيالي واكول بايره طلعت بس أني
جنات....لا يمعوده لتأيسين عباس موجود
نجلاء...عباس شيفكر بيه رجال طول وهيبه وضابط وجمال معقوله يباوع عله مثل اشكولي
جنات...وانتي اشبيج جسم ايموت وجمال وشعر اشطوله اتخبلين معايزج شي
نجلاء...صدووووك
جنات...وربي
......جاي نحجي اني ونجلاء لو هاي هدى دخلت للمطبخ بس تحج وتكاطف بلحجي وتعير ام بوسه اسميني ابتسم والله لو اموت ما ارد عليج بأخلاقج حتى بنات عمي يحجن عليه ادكلي حابسه الرجال بلغرفه اربع ساعات من كالت هيج لو اني متت قهر اعيوني كامت تجري وحدهي نجلاء شافتني ابجي لو انهدت عليهن كامت تغلط
نجلاء....شرايدات من اليتيمه انت عوفنها بحالها غوارات
.............من كالت يتيمه زدت بلبجي كمت اشهك بصوت عالي ما احس اله ومسحوبه من  شعري ومضروبه راشدي وقعني للكاع اشوفهن ارعتهن واكفات فوك راسي وهدى الضربتني راشدي محجيت مسحت ادموعي وكمت الله ياخذ حقي منها
هدى...بت ابو النسوان ذاك ابوج مخلاله وحده مراحلها وامج لو بيها خير جان ربتج اشو من ماتت انتي جبيره
.............من حجت على ماما ما احس بعد بروحي درت وجهي عليها واني مبتسمه بدموعي
جنات....أي صح ماما ماتت واني جبيره بس عرفت تربيني عدل و اني شمسوتلج عمود تحجين عليه واضربيني بس ما اكول حسبي الله ونعمه الوكيل
مادري ليش حطه كورج وياي متكليلي اني شمسويتلج.
هذاك ابن خالتج وحجي وياه اني شعليه
.........صفنت بوجهي ما حجت عفتها وطلعت رحت للغرفه مسحت ادموعي وكعدت عل للجرابايه ما ادري ادموعي امسحها وترد ازيد ليش متوكف ما ادري
نجلاء ببكاء...أهئ اوكفي الله عليج لتبجين محد يستاهل دكافي من الدمع عاد
.....................مسحت ادموعي وكمت اشوف وجهي ضربتي مو ايد شايله ايكول طابوكه اشوف خدي صار بي حمار عله زراك خليتله بياض بلكي ألله يروح الزراك منعده عدلت روحي وطلعت من الغرفه .....كعدنه اني ونجلاء بلحديقه تحجي ويايه ادكلي ليش ما ضربتيها كتلها سديها لسالفه
...............رحت اني والولد للمزرعه طلعوني اشمموني اشويه هوى سولفنه وشربنه اركيله ورجعنه بليل ......جنت كاعد يم الولد بلحديقه نسولف
عباس....امير اسف
امير....على شنوو
عباس...ما جنت ادري جنات مخطوبه وحجيت عليها وكلت اريد اخطبها بس مجرد تفكير والله امي اتنج اتريد تزوجني واني شفت جنات كلت خوش ابنيه وهيه من زمان حاسبه مجرد صديقه
أمير....يمعود عادي ما جنت تدري
عباس....اي يخوي اشوكت موعد الزواج
امير...اسبوعين وازوج
هاشم....كول يا الله اذا قبل جدي ايردك اتكمل الجامعه كول السنه الجايه والوراها اله توزوج بعد سنه
أمير...شنوووو لا يمعود
محسن....اي صدك ما اضن جدي ايوافق ع الزواج السريع بعد سنه سنتين هيج اله تزوج
سيف....هههههههههههاي مو الولد راح ايموت
امير....لا وحدهم يحجون
هاشم...لا ولله صدك سنه هيج اله تزوج
أمير......مو بكيفكم
يوسف....ايباه وبنفس البيت
محسن.....هههههههه شيصبره للمايكعد راحه
هاشم.....عادي
مصطفى....وانته شهامك
امير....اني الواكع بيها
.........جاي نحجي واشوف جنات اجتني وكفت يمي ادكول
جنات....اموري كوم اريدك بشغله
محسن....هههههههاي استلم
......باوعت عليها وكمت كمشت بايدي واخذتني بصفحه
وحجت
جنات...رجلك اشلونها
امير...زينه ما بيها اكدر امشي عليها
جنات....لعد روح جيبلي العاب ناريه
أمير...شنووو
جنات...حباب شوف الدنيه ليلي وضلمه فوك السطح اصير اتموت والله مشتهيته هايه
امير...واني مشتهي أعض شفتج
جنات....أميررررر اني وين احجي
أمير .....يله اني راح اجيبلج واجي
جنات....فدوه اروحلك