#يا نصفي الثاني

الجزء السادس عشر الأخيييير

يا نصفي الثاني

بقلمي شروق السامرائي

بنين:مرت الايام وليث طاير بية طير ممقصر
علي بأي شي حياتي الحمدلله والشكر مستقرة
وحلوة،،
حملي الحمدلله مو متعب مثل مجنت بفهد
يمكن لان نفسيتي مرتاحة ومستقرة بس انام
هواية وما اصحى من النوم الا ليث يكعدني
ويظل ينصب علية حتى اني اظل اضحك
ع روحي مثل المحششة ،،،
شكلي اتغير صرت حلوة وسمنت ردت عافيتي
بالحمل ناس تكول بيج ولد وناس تكول لاااا
بيج بنية لان حلوتي
وسمنتي البنية تحلي امهة والولد ياخذ عافية
امه واني لا وية ذولة ولا وية ذولة ولد بنية
الف الحمدلله اهم شي صحة البدن والعقل
وتمام الخلقة،،،،

جنت نايمة ع القنفة وفهودي يمي يباوع كارتون
دخل ليث للبيت اني جنت بين النايمة والصاحية
اسمع فهد كمز وصاح بابا وليث مدري شحجى
ويضحكون احس بلمساته ع وجهي ويبوس
بية كوة فتحت عيوني،،،
الله يساعدك حبيبي

ليث:ويساعدج يا روح حبيبج بسته من راسهة
فرحان بيهة وبحياتي وياها مجنت متصور
بيوم من الايام راح تجمعنة هيج حياة
ويجمعونة اطفال رغم حملهة ادري وثگل
الحمل وادري كلش زين شنو الحمل وشكد يتعب
المرة وشنو الشغلات الي تمر بيهة بس
رغم كل هذا ابد متتنحس مني ولا تمل
قايمة بواجبي و واجب بيتي وابنهة ممقصرة
قدر شعرة مرتبة وانيقة بكل حالاتهة تعرف
شلون تتصرف مرات اكون معصب وضايج
من الشغل وتعبان وتصير بكل بيت هيج اشكالات
افقد اعصابي او اصيح هي تسكت ابد مترد
تنتظرني ابرد واهدأ واني الممنون اروح عليهة
واطيب خاطرهة والي يخبلني ترد علية
ان هي اصلا مزعلانة وان حقي بكلشي يصير
انة الي اتعب واحير بعيشتهم واهلي اووو
كومة حجي تخليني اخجل من نفسي بسبب
تصرفي وياها،،،
دومي بصلاتي اشكر ربي ع هالنعمة عائلة
الحمدلله والشكر،،،
حياتي الحمدلله ماشية بس تبقى والدتي
غصة اتمنى بكل جمعة ننجمع بيهة تكون حاضرة
بس للاسف خسرت ابوي للاخير رغم شكد
حاولنة انة والولد ان نخليهة تصالحه وتتعذر
منه وترجع الحياة طبيعية بس هي لااا
ركبت راسهة والف سيف متتعذر ولا تخلي
يخطي خطوة الا يطلك حرمته،،،
مع ان ابوي لخاطرنة لنو اترجيناه يسامحهة
لخاطرنة رضى يدش بيتهة بس اهي صدته
وطردته من الباب وهذا الموقف مثل منكول
واگف ع شعرة وبتصرف امي انگطع اخر
امل برجعتنة كعائلة بدورنة مكدرنة نضغط
ع ابوي اكثر مهما تكون هاي حياته واهو حر
بيهة،،،،
انسام مثل منكول طلع معدنهة الحقيقي
لمن عرفت بسوالف امي وخلود وراحت
لدار ابوي وتعذرت منه وطلبت السماح وباركتله
وباركت لحرمته وصارت تروح وترد عليهم
حتى وية بنين تحسنت علاقتهة وحبيبة
گلبي ام كلب الطيب استقبلتهة وصارت ترحب
وتهلي بيهة وبعيالهة،،،
اما خلود اخخخخ يا كسرت ظهري خلود
رجلهة اتزوج عليهة واهي تخبلت ومارضت
عليه نفس سالفة امي لو انة لو هالزواجة
واهو ما صدك گبل شمرهة ابيت ابوي جنب
امي وصارت سالفة شكبرهة بوكتهة وكعدنة
وحجى الزلمة بكل صراحة ان اهي مگصرة
وياه من الالف للياء وممرتاح وياها وحجي
هواي بوكتهة سكتنة مكجرنة نحجي لون
اختي وانة اعرفهة عدل شنو من راعية
مشاكل بس ما كدرت انطي بيهة بس حاجيتهة
ان غلط شمرتهة اهيج بس هو عداه العيب
كعد وية ابوي وكله عمي انة مستعد اشتري
نص بيتك الي ساكنته عمتي وخلي خلود
وعيالي يسكنون جنبهة ع الاقل اكون مطمن
عليهم ابوي معارض بس كله اخذ رأي بنتي
ولمن حجى وياها ابوي كلبت الدنيا ع خل
يطلكني بس كلنة ما رضينة لخاطر الجهال
سكتت وكعدت واهو بلش بالبيت ابوي باعله
النص وبلش بيه قسمه وعمره وسوالهة بيت
ما شاءالله عليه وابوي اتكلف بترتيب المكان
لامي وهيج مشى الحال خلود ابد مرضت
تستسمح ابوي ولا حتى مني ولا بنين بالعكس
الي صار ان حقدت ع الكل ورة شهرين رجلهة
تزوج بنية غريبة احت صاحبة وعزمنة
كلنة بس تعذرنة بمشاغل صعبة نكسر بأختنة
حتى لو جانت غلطانة،،،
اهي نار وشبت بليلتهة حرگت الدنيا وتعاركت
وياي و وية الولد حتى انسام مسلمت منهة
بس شنسوي بعد اهي بيدهة خربت حياتهة
ذيج الفترة جانت متعبة حيل من كثر
المشاكل الي صارت بس الحمدلله فترة وعدت
واليوم ان شاءالله نحضر لمشية حسين
ع اخت ابو يوسف وصلنة بغداد والفرحة
مالية كلوبنة واستقبلونة اهل البنية خير
استقبال كعدنة وبدينة السلام والسؤال عن
الاحوال وبعدهة بدى ابوي يحجي وبدى
بالسالفة وراها اهل البنية نطوا موافقة بعد
كم شرط وطبعا حقهم تعبوا وربوا و وصلوا
بنتهم لهل المستوى حقهم بالي يطلبوه
الغالي نشري بالكنوز الدنيا وراها بدى الشيخ
يردد ايات عن الزواج وصلات الرحم وتم
العقد الحمدلله بخير وفرحة جبيرة طافتنة،،،،