زياد: اوا دوي ليا مع هاد صاحبتك المسوفجا...(غمزها)
فنون: ساميا يلاه...(كلبات عينيها ومشات هو بقا واقف )
زياد:(مع نفسو) دابا تجيبك لياااام...غير بلاتي...(كلاكسونات وهو يدير ليها طريق داير يديه فجيابو كيشوف فيها هي مشات كتنفخ معصبة)
ساميا: ويلي اصاحبتي حرام عليك بحال داك زين كاعما كيدويو معاه ناس عكاك...
فنون: سااامياااا..سكتي ليبي فيا كافيينييي...عصبنييي.تفووو بغيت غير نعرف كي دار حتا عرف فين كنقرا...
ساميا: من نيتك(بغيرة) شكون لي مايعرفكش ..ونتي بنت سي أسد😒
فنون: غير خليها على الله وصاافي ...(صاطت ورجعات شعرها لور)
ساميا: مالكي..😒
فنون: الاوضاع فشركة ماشي حتال لهيه ....بابا مسكين مقصح...وشاد فقلبو مكيبغيش يبين ليا..مي خويا كال ليا شنو ماتين😣😣ياربي دير لي فيها خير...
ساميا:(كتشفا) امين...😏😏
فنون: وصلتي يله تلاااحي..هههه
ساميا: ياااااي...(هبطات وفنون اتاجهات لعند الفيلا)
....................فمكان ااااخر...فڤيلا كبيرا...وهاي كلاس..لابيسين يعوووم فيه سرية دلخيييل...جرييدة..اشمن جرييدة.واغابة.هههه.كلها خضرا لشجر والورد من الانواع والاشكال..كانت مرا ....فالاربعينات من عمرها...باقة فنفس لاطاي..نفس لون دشعر....
.........:خدييييييجة.....خدييييييجة....اااااف اجييييييي
خديجة:(كتجري) نعام الالا...
.......:(صرفقاتها) مال هاد الورد هاكاااااا...اااا شنووو كنكول ليك كل نهار كولي لجاردينييي.يجييي...واش بغييتووووو تحمقوووني غدا الناااس جايييين ومازال حتا حاجة ماواجداااا
خديجة:س..س..سمحي لياا.لا..لا..صص..صفاااء😣😣
صفاء:خدمتتتتتك...ياله....سيريييي..(مشات)
صفاء:(كتنهج بالاعصاب) ااااف....كيعصبوووو....( هزات عينيها شافت جاي عندها ابتاسمات ابتسامة عريضة..فرحات بزاف مشات كتجري عندو)
صفاااء: توووحشتتتتك...بزااااف
...:حتا انا..وبزاااف❤️❤️
صفاء: (كتشم ريحتو) ولدييي..حبيبيييي...ينيس تووحشتك اولدي...ماتبقاش تغبر عليا
ينيس: راك عارفا الواليدة...الخدمة .من هولاندا للمغرب ..فينوو
خارج واحد الرجل يله قفل الخمسينات ...طويل..وعامر...عينيه زورق وشعرو واخا بيض ...عاطي الشعوبية(عرفتوه يااك هدا ياسيين😏)
ياسين:ينييس ولدييي...توحششششتك اولدي...غبرتي عليناااا
ينيس:نفس الهدرة نعاودوها هههههه راك عارف الخدمة الواليد...
صفاء: يله ندخلوو..يله...برد الحااال
دار ينيس يديه على كتف ياسين وصفاء ودخلووو كلسو فطالووون الكبير من الطراز البلدي...فاللون الدهبي..والبني...
ياسين: ولدي ماعرفتش مالك جيتيني فشكلل...واش مريض..
ينيس: لا الواليد مكائن والو هههه
صفاء: ومال وجهك صفر ..
ينيس:(مابغاش يرجع للمغرب حيت عارف غيحياو مشاعر الانتقام من حيهت اسد) والو..غير فاش كنت جاي وقع ليا واحد البلان مع واحد البرهوشة😒
