#جبَروت 🖤
الحلقه الثانيه
عماد زي الثور الهايج خش وراي وقالي / معش تعاااودي امها اللقطه اهيا 😡 عيل تشبحي فياااا
انا خفت منه / حشاك يا عماد 😶
عماد لقاني خايفه تنهد / تعالي
انا نشوفله /
عماد / تعالي قتلك .. متخافيش تعالي
انا جيته / نعم ..
عماد شد يدي ورفعني للصاله وقعمزني ع الصالون وقعمز جنبي / كولي
انا زعلانه / بروحي منبيش
عماد خدي خبزة ودار فيها طن وحطها ف فمي / عارفك جعانه
انا / جعانه لكن مخاطريش
عماد شد وجهي بين يديه / وانا نبي ونبيك تاكلي معاي
انا / عماد انا اسفه 😔 مش..
عماد / شن صار؟ ما صار شي فوتيه الموضوع
انا ابتسمت / قداش ما نحبها فيك اللقطه اهيا
عماد / شن هي
انا / كل ما نتعاركو وبنجي نفتحلك الموضوع تسكره وتنسى اللي كان
عماد / لو اللي كان انفتح معش يتسكر .. امل انا نحبك ومنبيش اي شي يبعدك عليا ومنرضاش فيك دقة الشوكه ديما نحاول متكونش في مشاكل ف حياتنا لكن الله غالب المشاكل تلحق فينا لحوق شن بندير هي واناا عن نفسي اي موضوع يصير بينا نحاول نتغاضى عليه منبيش اي شي يرقدك زعلانه مني او نرقد وانا منكلمش فيك .. لا امل لااا
انا عيوني تعبو دموع / نحبببك عماد نحبك 😢
عماد حضني وتنهد / واناا نمووت فيك يا روحي ❤ هيا حبيبي جعان انا
انا نمسح ف دموعي / كول يا روحي الدحي برد ههههه
عماد / ههههههه عادي .. وبدا ياكل
تعشينا ونضت غسلت الماعين وفتحت النت ولقيت اخته خوله تلقح
وحاطه بوست وكاتبه
الناس تغيرت سبحان لا تلقى كنه محترمه عزوزتها لا مرت الخو لا .. مش عارفه شن الناس هادي
انا رديت عليها ف تعليق
فعلاً الناس تغيرت هلبا لكن وراسك في ناس طينتها من الاول هكي وهادي للاسف نفوس مريضه المفروض الواحد ميدورهمش 😂 وسكرت النت وخشيت رقدت وانا نفسياً مستريحه 😎
وحياتي نفسها روتينيه .. وزياده مش ناقصه من لمشاكل معاهم 😑
وف يوم الساعه ٦ العشيه مقعمزة نشرب ف قهوة ونفسفس طق الباب نضت فتحت الباب ملقيتش حد استغرب
انا / مني كان يطق ؟
سكرت الباب وخشيت وشوية وطق تاني فتحت الباب ملقيتش حد
ومشيت فتحت الباب ملقيتش حد تاني
انا / تي مني يطق 😡
رجعت قعمزت وشوية وطق مبيتش نفتح وقفت جنب الباب مبيتش نفتح والباب قعد يطق وق نص الطقه التالته فتحت الباب بسرعه لقيته مالك ولد سلفي يقرا صف الثالث
