ابو بسوم اتصل على لؤي وطبعا ماعارف انو التلفون في البيت .. مافي زول رد عليهو .. واتصل على عمار.. عمار رد
اهلييين ياااا عم ... كيف الصحه؟
عم محمد: الحمد لله ياولدي لؤي جنبك؟
عمار: ااااي ياعمي اتفضل ..
لؤي: عمي كيفك؟
عم محمد: الحمد لله تمااام .. دقيت ليك تلفونك وين انت؟
لؤي: والله هسسسي حتى انتبهت اني نسيتو .. خير ياعمي في حااجه؟
عم محمد: والله ياولدي انت ماعارف مشكله بسمه مع الدم ... )وحكى ليهو الحصل في البيت بغيااابو)
لؤي:😳😳 بسمه حصلت ليها حاااجه؟
( وخاااف شديييد عليها)
عم محمد: لالا الحمد لله اتصلت علي .. وجبتها ادوها الحقنه وضمدو ليها الجرح بتااعها وهسي قاعده جوا ..
طيب جاي سرييييع للمستشفى انا..
ودور عربيتو وجرا بسرررررعه عشان يحصلها ..
... لما وصل المستشفى .. دخل ليها جوا لقاها راقدة .. لقى ابوها
سلم عليهو وقال ليهو..
يلا ياولدنا سلمناااك اماانتك .. مرتك المدلللعه دي انا مافاضي ليها وعندي شغل😄
لؤي: طييب ياعمي .. تسلم لينا انت 😄
لؤي: بسوووم حبييبي .. وقرب منها عشان يمسك يدها
بسمه لزتو وقالت ليهو بصره .. ابعد مني😡
لؤي: بسمه مالك؟؟؟
بسمه: انا مادايره اتكلم معاك .. وديني البيت بس
لؤي؛: معليييش والله ماقصدي انسى التلفون طلعت ملخووووم مع عمار براكي شفتيني
بسمه: وديني البيت قلت ليك) بزهج شديد)
لؤي: طيب ... ووصلو البيت 😄
بسمه دخلت قدامو.. ولؤي مستغرب ومافاهم حاااجه من تصرفاتها دي😳..
بسمه دخلت وقفلت الغرفه عليها .. ورقدت .. ولؤي قعد برا يفكر ويفكر هي مالها زعلانه؟؟؟
استناها اربعه ساعات .. وجات طالعه بعد المغرب كده .. ولامه شنطتها ..
لؤي كان راقد في الكنبه منتظرها.. وشاف الشنطه😳😳.. بسمه مالك؟؟
.. بسمه : انا ماشه بيت اهلي ..
لؤي: يابت انتي بتعملي في شنو.. بتلعبي انتي!؟
بسمه: ااااي بلعب... اصلا عرسنا ده لعبه من الأول😡
لؤي:😡😡😡 بسمه انتي واعيه لي نفسك بتقولي في شنوو ..
( وهنا النقااش اشتد )
بسمه: اي واعيه .. انت اخترت طريقك القديم .. وخليني انا زاتي ارجع لي حياتي القديمه وطلقني بس
لؤي:😳😳😳)(قااام على حيلو ومشى ليها وفك من يدها الشنطه )
وقال ليها: انتي ماااعندك طلعه من البيت ده😡😡
بسمه: حاطلع ومنو القال ليييك اني انا شغاله بيك
( مسكت الشنطه وجات تمشي .) لؤي هنا خلاص غضب شديييد لانو ماافاهم حاجه وشال الشنطه بقوووة ورماها منها .. ومسك يدها بي قوه وقال ليها..
اسمعيني .. العرس ده مااالعبه يابت الناس .. اهدي وخلينا نتفاهم انتي مالك؟
بسمه قلعت يدها منو ولزتو .. وصرخت .. ماتقول لي انتي ماااالك😡😡😡.. انا عااارفه انك بتخوني مع البت الزمااان وعارفه انك بتحبها .. وما انا البت البترضى ليك تعرس فيها ولا تخونا .. طلقني ساااامعني ولا لا ..
لؤي: اي بت زمان؟
بسمه: شفت رسالتها القبيل رسلتها ليك وانت بتقابلها بي وراي وبتجي تستغل فيني عشان تلبي رغبااااتك بس ...
زي ما عاااامل لي فيها انك رااااجل .. وبتكلم البنات .. متاح لي كل الناس .. انا زاااتي من الليله متاحه لي كل الرجاااال😡😡😡
( بسمه بتعصيب وكواريك قالت الكلام ده وبدون ماتوزن كلامها او تعرف خطورتو.. وهنا لؤي طااااااخ👋 ادااااها كف حاااار شديييد 😔)
بسمه:😳😳😳 لؤي؟
لؤي ماحسى بنفسو الا وهو ضربها خلاص ..
بسمه تاني ما اتكلمت وشالت شنطتها وهي بتبكي وطلعت ساقت عربيتها لي بيت اهلها طواااالي..
لؤي هنا زعل شدييييد من نفسو .. بس كلمه عاامل لي فيها راجل .. وكلمه متاااحه لي الجميع . كلمه جاااارحه شديييييد ..
........
عدى يومييين وبسمممه في بيت اهلها جاتها امها
منيره: يابتي .. اهدي وقولي بسم الله وارجعي لي راجلك ... الكلام العملتي ده غلط .. بسمه انتي ماشافعه والعرس ده مالعبه
بسمه: مش قلتي لي اتاكدي انو دايرك .. واتاااكدت .. مادايره اعيش مع زول مادايرني.. خلي يطلقني بس ..
جاها داخل ابوها ...
بسمه عليك الله يابتي قولي يارب ..
بسمه: يارب
محمد : يابتي الكلام ده غلط .. مافي زول بقول لي راجلو الكلام ده .. دي مشكله تااافهه وصغيره .. والزواج ده مااالعبه من اول مشكله تقولي لي راااجلك طلقني...
.. بسمه: يا ابووووي قلت ليك بحب وحده تانيه وبلعب بي..
محمد: يابت لو بلعب بيك .. بضرب كل يوم يقول داير يتكلم معاك وانتي تصديهو؟،، والعرفك شنو انو البت دي تكوم لاعبه عليهو..
بعدين هو حلف لي انو ما دااااير غيرك .. انا راجل وعارف انو كلمه الراجل عندو زي شرف بتو او مرتو .. ما بفرط فيها ..
بسمه هنا قعدت تبكي وتقول بيهم .. خلوووووني ياخ برااااي😭😭😭..
امها حضنتها وقالت لي ابوها خلاص .. خليها تهدا ..
.......
عمار قابل لؤي في المصنع وهو مهمووووم وسرحااان
عمار: لؤي عملت شنو؟
لؤي: بسه رافضه تشوفني
عمار : لؤي .. لو بسمه عملت كده من رساله .. معناها لو عرفت انو رؤى صحبتها حتموووت ..
لؤي: انا كلمتك رؤى ناويه على شر بس ما حارحمها
عمار: هسي خليك في مرتك .. اهم شي ترضى .. بعدين نحل مشكلة رؤى دي ..
لؤي: احلها كيييييف خلاص راسي ضرب) بزهج وكواااريك )
عمار: امشي ليها في بيتها هناك ...
لؤي: كيف امشي بيت نسابتي وهي ماراضيه تشوف وشي
عمار: ده الحل الوحييييد .. بس ما تقول ليها رؤى دي صحبتك .. بسمه دي اذا اتصدمت احتمال تحصل ليها حاجه لانو زعلها كعب
لؤي' طييب حامشي ليها....
....
رؤى هناك ضربت لي بسمه .. وبسمه ردت وحكت ليها الحصل
رؤى: حبييبتي زعلتيني ياخ.. طيب ماعرفتي البت منو؟
بسمه: لا .. بس نفسها حبييبتو الزمان
رؤى: انا مش كلمتك .. بما انو بحبها شديييد كان اكيد ما حينساها سرييع كده ..
( بتتكلم وهي مبسوووطه وطااااايره من الفرحه )
بسمه: رؤى انا حبيتو .. رؤى كل يوم ببكي لاني مشتاقه ليهو ..
رؤى: استحمل حبييبتي فتره وبتعدي .. احسن تطلقي من تقعدي مع راجل ما دايرك .. هو لوكان بحبك ماكان قدر يمد يدو عليييك
بسمه قعدت تبكي .. ورؤى بهناك مبسوووطه .. وقفلت الخط...
رؤى)( ههههههههه ..😆 اخيييييرا حتبقى معاي يالؤي .. الهبله دي كمااان .. اشتقت ليهو قال.. انا اللي الحق اشتاق ليهو ويكون معاااي . اناا بس😆.. وقرييييب حيجيني هنا ويبقى لي😆)
..... لؤي في البيت قاعد مشغل التلفزيون جات اغنية .. بريييدك والريدة ظاااهره في عينيا اتذكر بسوووم حبيبتو . دخل غرفتها وطلع القميص بتاعو الكانت لابساهو هي وشم عطرها .. وطوالي قام .. قفل البيت وركب عربيتو عشان يمشي ليها ..
