لؤي وصل لي بيت بسمه ولاقاهو عم محمد سلم عليهو ... ودخلو الصالون يتكلمو شووويه ..
محمد: ياولدي انا اسف والله على العملتو بتي عااارغها طول عمرها بتتصرف بس بطيش.. امسح لينا كلمتها في وشي ...
لؤي: العفو ياعمي .. ماعندكم ذنب انتو اناعارف
محمد':بس قصه. الرساله شنو القالتها بسمه.. انت صحي داير تعرس تاني وعندك وحده؟؟
لؤي: والله ياعمي ماعندي نيه نهااااائي اجيب فوق بتك وحده .. وهسي جايي افهمها انها بالنسبه لي. اربععععه نسوااان... والرساله دي شكلها جاتني غلط وهي زاتها من رقم غريب ..
محمد: بس كتبت لؤي؟
لؤي: ماعارفها منو ياعمي .. طيب ممكن اشوف بسمه... جيت ارجعها البيت.. مابترد على تلفونها هي
محمد :طبعا ياولدي طوااالي تتفضل قاعده في الطابق الفوق في غرفتها...
لؤي: تسلم ياعمي.. وطلع ليها فوق وفتح الغرفه لقاها ناااايمه
جاب كرسيهو وختاهو جنبها ومسك يدها 😘 .. اشتقت ليييك حبيبتي والاه البيت من دونك ماليهو ااااي طعم .. وقرب منها وشم ريحة شعرها وعطرها... والشووق ماليهو ليها😍
بسمه اتقلبت وهي ماجايبه خبر ..
لؤي فضل منتظرها لحدي ماصحت .. فتحت عيونها لقتو 😳😳😳
الجابك شنووو انت😳😳..
لؤي .. جيت اشوفك وارجعك
بسمه.. ومنو القال ليك اني راااجعه معاااك .. 😡😡
لؤي: حترجعي .. انا متأكد
بسمه اتنفضت من السرير.. وقالت ليهو اطلع بره سريييع ..
لؤي:😡 ماحاطلع ..
وجات امها جاريه
في شنو يابت بتكوركي.. لؤي😳 ولدي جيت بتين
لؤي: امي كييفك😄 معليش ما لاقيتك
منيره: مايهمك .. انت صحتك كييف ؟
لؤي: الحمد لله والله
منيره:😡😡😡😡 بتكوركي مالك انتي .. احترمي راجلك ده يابت
بسمه:😡 ماراجلي .. وما دايره اي كلام معاهو..
منيره جات تمسكها .. لؤي مسكها .. ياا امي كدي هلينا نطلع ضويه .. صاحيه من النوم زهجاانه هي .. معليش خليها ترتاح .. 😉..
وطلع معاها بره... وبسمه رزعت الباااب بي وراهم..
لؤي: امي .. خليك تاخد زعلتها انا مازعلان من طريقه كلامها ولا اسلوبها... عاارفها طيبه قدر شنو وقلبها ابيض .. بس عشان زعلاانه بتعمل كده .. حنصبر عليها .. لحدي ماتهدا اتفقنا؟
منيره:😔 بس باولدي غلطتنا نحنا الدلعناها شديييد كده .. كمان ماتحترم راجلها وتعلي صوتها عليهو.. كده عيب شديد ... ونحنا ماعندنا حركات زي دي في اهلنا
لؤي بي ابتساامه .. انا مستحمل اي شي منها .. ان شاء الله لو ضربتني .. على قلبي زي العسل😄
منيره: ربنا يحفظك ياولدي😄..
قال ليها.. طيب انا استأذنكم حاقعد كم يوم معاكم؟
منيره: ده كلام شنو البتقولو ده .. تشرفنا طوااااالي .. نحنا لاقييينك ويييين ياولدي ..😄
لؤي: طيب حادخل اشوفها
منيره: اخد راحتك .. ودخل ليها وقفل الباب ..
منيره في سرها) بتي دي غبيه خلاااص. زول بضيع راجل زي ده من يدو.. هبله ياااخ .. االه يهديها بس)
بسمه جات طالعه من الحماام ولابسه فستان قصير اسود من قدام وبي ورا ابيض حلوو ومنفووش شويه من تحت..
وبتسرح قي شعرها جاها لؤي ..
بسمه': انحنا مش اتكلمنا في بيتك هناك .. في شنوو تاني 😡😡😡 لحقتني ليييه في بيتي ..
لؤي: اول حاجه داااك بيتنا ما بيتي براي .. تاني حتجه ده بيتك انتي.. وانتي مرتي ولااازم ترجعي معاي لي بيتنا ..
بسمه... من اللحظه العرفتك فيها انك عندك وحده غيري.. انا مااامرتك سمعت..
لؤي: طيب لو مامرتي ... لابسه قصير قدامي ماالك وبتتكلمي😉
بسمه: لؤي اطلع بره😡😡😡
لؤي: ههههههه😂😂😂😂 ابييت
منيره : يا اولااد .. اطلعو الغداء جاااهز 😃
بسمه: طيب يا امي جاييين حااضر😤
وطلعت قدامو زهجااانه ..
قعدو في الصفره كلهم سوا .. ولؤي قعد مقابل بسمه
محمد : والله ياولدي نورتنا شديييد الليله
منيره: اي والله مبسوووطين بيك شديد كمان عشلن حتدينا كم يوم
بسمه كانت بتاكل اتشرقت 😳😳😳😳
كم يوووم؟!.. حيقعد وين. كمان ده!؟
محمد: يابت ده رااااجلك وحيقعد معاك.. وين يعني 😡
بسمه حمرت لي لؤي .. وهو غمز ليها😉..
(منيره عملت فيها راااايحه وكمان محمد عمل رااايح )
بعد خلصو الغداء .. محمد: قومي رتبي مع راجلك هدومو ديل
بسمه: حاضر يا ابوي 😒 وبتحمر لي لؤي😒
ولؤي يتبسم بس😄. دخلو الغرفه سوا .. بسمه قفلت الباب بالمفتاح وقبلت على لؤي ...
اسمعني انت اليله دي تقول ليهم راااجع .. انا ما دايراك تقعد معاي ..
لؤي: هسي انا قلت مرتي الحلوة قفلت الباب عشان مشتاااقه لي 😉
بسمه:😡😡😡 مادايره هظار وكلام فااارغ معاااك 😡😡😡
لؤي: قرب منها وهي بقت بترجع لي ورا لحدي ماوصلها الحيطه ..وهي قلبها بدا يدق سريع .. لؤي مالك .. وهو ساااكت .. لؤي مالك😡..
مسك يدها على الحيطه وثثبتها وقال ليها .. انتي اشتقتي لي وكتيييير كمان .. وعاين ليها في عيونها .. هي اول كانت قويه بس لما عاين ليها .. حتى نظراتها ضعفت لانها بالجد كانت مشتاااقه ليهو ..
لؤي بقى بعاين في عيونها وبتكلم .. انتي روووحي ومافي زول بخلي روحو ويمشي بدون روح ..
بسمه هنا بدت تضعف قدام عيونو .. حتى يدينها رخت .. ولؤي حسى بيها .... بدت شووويه شويه ترخي ايدينها .. وبصوت براحه شديد لؤي سيبني ...
لؤي : ولو ماسبتك ..
بسمه: خليني عليك الله
لؤي: حتتكلمي كتير صح .. انا بعرف اسكتك كيف
قرب منها اكتر وسكتها😍😍😉...
....
رؤى هناك بتضرب لي بسمه ومابترد عليها
ضربت لي امها وسلمت عليها
خالتو بسمه كيف؟ قلقتني مااابترد على تلفوني خير؟
منيره: كويسه يابتي بس معاها سيد الريد😉
رؤى: لؤي جاها؟
منيره: اي عشان معاها في الغرفه .. بتكون مااااقاادره ترد عليك
رؤى:😡😡😡😡طيب خالتو😄
وهنا الغيره خلاص انتهت منها وقالت ...
انا لاااازم اوقف الموضوع ده عند حدو .. بعرف كيف اخلي لؤي يجيني .. وبعرف كيف اصدم السنيورة التانيه دي ...
