شهدكانت ترمس جنها وحده عاااديه .. حليلها والله ...... ماكانت تبا تبين لاخواتهاانها مفتشله او مضايجه ..
الود : شبلاج مهاري ؟
هنوف : ذياب اتصلبها محرج ..
شهد : ليش انتي ما قلتي له ؟
مهاري تطالعهم بحيره : لاء ! ليش لازم اقوله ؟
الود تتنهد : هيه حبيبتي خلاص ريلج لازم تشاورينه اللهيهديج ..
مهاري : زين ماقلتي لي ماعرف والله " شوي وبتصيح "
الود : زين خلاص ماصار شي يوم بي بتفاهم وياه انا........ يلا قومن ........
قامن سارن باريس غاليري .. مهاري اشترت لذياب عطر ..واشترت له ساعه ... واشترت لروحها باق و نظاره شمسيه .....
اما شهد كانت ويا الهنوف يشمون العطور ..... ويجربونها.... واختارولهم كم عطر ......
الود خذت لها جحال وبودره ......
نص ساعه مرت عليهم وهم في باريس غاليري .....
وهن ظاهرين اتصل ذياب ..........
ذياب : وينج ؟
مهاري بخوف : توني ظاهره من باريس غاليري ......
ذياب : خلج واقفه انا ياي ....
مهاري : بجوف ويا خواتي فلم ....
ذياب : انطبي اقولج ... قري محلج وانا ياي الحين ....
مهاري : زين....
بندت عنه..
الود : شووه ؟؟
مهاري : روحن .. قالي اترياه اهني ...
شهد : معصب ؟؟
مهاري : هيه وايد ...
شهد تتنهد......
الود : بنتم وياج برمسه لاتحاتين ..
مهاري : لالا سيرن والله بيحرج لو جافكن ..
شهد : خله يحرررج ما بنخليج ..
هنوف : خلاص البنت تعرف طبع ريلها .. خلونا نسير .. عسبتمانكبر السالفه ...
الود تطالع مهاري: خليج ع اتصال وياي انزين ؟
مهاري : زين...
روحن عنها .... ثوااني وياها ذياب من يميينها .......
ذياب : مش متغشيه بعد !!
مهاري تطالعه : مماا تغشى انا ....
ذياب عاقد حياته : قبل هذا ما تتغشين .. الحين تتغشينتسمعين ولا ؟
مهاري تنزل راسها : انزين ...
ويايه بتتغشا ..... نزل غشوتها ...
ذياب : عقب شوه حظرتج ؟ يوم وياج لا تتغشين ....
احتارت وياه... تحس روحها شوي وبتصيح ........
