Jo sham ne aapke aane ki dastak sunai
Toh raat ne humse pucha- woh aj yahi rukenge na?
Hume utna gyat na tha, humne sirf yeh bataya ki aap samay ko sath lete aa rahe hai
Aur agar samay hatho se pisla toh aap bhi adhik kshan nahi rahenge.
Raat thode der ke liye gumsum sa ho gaya
Par fir usne kaha- koi baat nahi, hum keh denge unse sapna bankar aapke nind me sama jane ke liye.
Sapna? Mai muskura uthi
Magar hakikat ka kya? Hamesha ka kya?
Hamesha toh ek bharam hai- raat ne hume samjhaya.
Jaise ki kshitij aur mrigtrishna,
Jaise ki jiban aur mohabbat
Bharam har bar ek naye rup me aata hai
Dekhna toh bass yeh hai ki woh kitne der tik pata hai-
Sham ke dhal jane tak ya
Raat ke beet jane tak.
~
