••حب بطعم الجنون••🖤مكتملة🖤

الجزء:4

...دار صغيرة هي وجوج ديور آخرين كيتاجهو لديك البلاصة غير لي مولوعين بالصمت و الراحة و التأمل ركب في سيارتو و خدا طريق البحر.
فاقت خيال ناشطة فطرات و هزات فلزتها نزلات في الدروج معنكشة مع حوايجها كيف ديما و زادت عليها لفليزة ركبات في طاكسي نيشان لمحطة ديال القطار خدات ورقة و شدات مكانها و هزات كتابها و مشات سافرات لعالمها فيقتها غير كرشها لي كتغرغر بالجوع جبدات ما تاكل من حقيبتها حتى تبلوكات قدام منظر خيالي عمرها ظنات غادي تلقى بحالو في المغرب وقف القطار في محطة قريبة من ديك البلاصة خدات فلزتها و اتجهات ليها دخلات بين دوك ديور لي كيبانو بحال ديال الاقزام و دايرة بيها الخضورية و قدامهم البحر مشات كتكتاشف و كتصدم كل مرة كتلقا صدمة قوى من الاخرة حسات بلي المغرب تقدم سنة ضوئية على قدها حتى وقفات حد واحد المحل ديال العقارات دقات بشوية حتى خرج ليها رجل قصير بموصطاجو الغريب و سروالو طالع حتى لمنتصف كرشو كون مكانتش عارفة راسها فيقة تصحاب غير قزم من أقزام بياض الثلج.
خيال: سلام و عليكم عمي عفاك كنقلب على شي دار صغيرة للكرى تكون مجهزة مزيان و تكون بعيدة شوية على الانظار ..
...: واخا أ بنتي تبعيني
بقى غادي بيها حتى دورها من دار لدار حتى لقات موبتغاها خلصات و دخلات ستنشقات ريحة البحر لي كتلفت الانظار و عاد ريحة ندا و رطوبة اعتابرات هاد البلاصة جنة فوق الارض كلسات و سرحات رجليها و داوها عينيها .
وقف أحمد قدام دارو لفت انتباهو ضواو الدار لي حداه شاعلين دخل و حط فليزتو و تلاح فوق لفتوي و نعس.
بين الإعتراف و الكتم كاين حاجز قوي لي هو الكبرياء و الكرامة و الخوف و العجز.
فاقت خيال راشقة ليها ريحة البحر ريحاتها دخلات دوشات و تكبطات و خرجات للبحر بقات كتضور و تقيس في الماء كتأمل و تلاحظ كدقق و كتحفظ شوية بان ليها ولد كالس بوحدو حوايجو جبدوها كلستو خلاتها تتقدم خطوة بخطوة وقفات قدامو هز راسو و فديك اللحظة كلشي وقف العينين لي كيدويو و كيعبرو على احاسيسهم.... الكبرياء معرف ما يدير حيت معندو حتى علاقة مع العينين و استسلم رجع كلشي لطبيعتو و قررات خيال تبد الحديث
خيال:سلام
كلسات خيال حد المجهول و الخلعة شاداها و لكن خاصها تعيش الحظة..
..: سلام
خيال: انا خيال و انت
..: مشرفين انا أحمد
أحمد استغرب من جرأة خيال و من عدم خوفها منو و لكن شي حاجة غريبة خلاتو يكمل معاها الهضرة و حس بلي كيعرفها من شحال هادي
خيال: مشرفين اول مرة نجي لهاد البلاصة شفتها بالصدفة ماعرفتش علاش منظرك جبدني ليك المنظر هنا زوين بزاف كتحس بالراحة كل حاجة فهاد البلاصة كتعطيك واحد الشعور بالراحة و بالأمان كنستغرب من  لي كنقول مكنتسناش منك تجاوبني غير تسمعني جيت لهنا و بغيت نخرج متغيرة و كنتمنى نعاود نشوفك مرة أخرى.
ناضت بلا ما تسنى منو الجواب حتى حسات بيد جراتها كان أحمد كانت متأكدة ماغاديش يخليها تمشي.
أحمد: حتى أنا جيت لهنا باش نرتاح من المجتمع مابقاش كافيني الخيال باش نخرج من الواقع فهاد الفترة بضبط لا خيال لا روايات لا نعاس ماكيخليوني نسى جيت هنا باش نخوي راسي من هاد الأفكار لي ولات كتنهش عقلي و كتخترق جداري حتى انا رتحيت ليك و لهضرتك و إن شاء الله نرجعو انا وياك متغيرن كليا .
خرجات واحد ضحكة لا إرادية على محياه و بدورها ضحكات ليه كلسات و هنا غادي يبدا كلشي غادي تبدا القصة لغادي تعاش و تكتب غير في لخيال .
خيال: مهم غدا نتلاقو هنا
أحمد:اوك
ناضت خيال و هي متشوقة لقصتها الجديدة لغادي تكون بشخصيتها و بشخصية الغريب أحمد ..
وصلات لوسط البحر و حسات بقطرات ديال الماء كتنزل عليها هزات راسها للسماء و كلسات فالرملة احساس مكيتوصفش شتاء كتنزل و الدموع كينزلو معاها كتحس براسها تحررات و التقل لي كانت هازا خرج مع هاد الدموع مسحاتهم و خرجات ضحكة خفيفة كدل على التفاءل و الصبر بقات كالسة و الوقت كيدوز افكار كتنهش عقلها مقدراتش تقاومها و تخليها فسباتها كتخرج شوية منها للواقع عن طريق كتباتها و لباقي كتحبسهم
#سيطر قلمي على الوضع.....لينقل أفكاري و يجعلها حية.......لتنجح هي بالخروج إلى الواقع......تتألم بدورها من قسوته و تتبخر كسابقاتها#
ضلام الحال و خيال باقة فوضعيتها كضحك بوحدها حتى كتجمعها و تبدا تخنزر كتخيل أشخاص مواقف مختلفة و أحداث تداركات الوضع و جمعات الوقفة بقات غادة و شعرها كيطير مع البرد احساس زوين أنك تكون انت بوحدك وسط البحر و في الليل و سماء مضوية بنجومها  ريح و ندا شوية ديال البرق كيخترق صمت و كيخلي سماء كتبان لوحة فنية متقونة.
وصلات لدار فرحانة و ميت بجوع دخلات كتجري لكوزينة كتقلب على ما تاكل و لسوء لحظ لقات ثلاجة خاوية كتحاول تستوعب لبلان.
خيال:ويلي ويلي نسيت ما مشيتش نشري ما ناكل داب انا شنو غادي ندير .
هزات لفلوس و لبسات تجاكطة تحسب لشتاء خارج و كدور بين ديور كتقلب على حانوت حتى بان ليها واحد دري غادي قدامها ماتوقعاتش تلقا ناس خارج فهاد لوقت و بضبط في شتاء.