••حب بطعم الجنون••🖤مكتملة🖤

الجزء:5

ترددات في الاول تطلب المساعدة لكن لضرورة أحكام
خيال: لي ليها ليها
مشات عندو كتجري حتى وصلت حداه
خيال: خويا و خويا عفاك نسولك واش كين شي حانوت و لا سيبرمارشي هنا
دار عندها و عاود ثاني نفس سيناريو لعينين كيدويو و لفم ماكيقدرش يعبر
كان أحمد واقف برجولة و شموخ عينيه لي شوفاتهم حادين
أحمد:خيال هادي أنت ،وي راه كاين واحد سيبر مارشي هنا أنا غادي ليه نمشو بجوج في طريق
خيال: واخا
تقدم بخطوات تقال كل واحد فيهم كيتمنى لوقت يحبس ويعيش هاد لحظة بجوج و مايتصوقش للعواقب كل واحد فيهم عايش لي بغى في خيالو
حتى نطق أحمد
أحمد: اوا شنو مخرجك فهاد ليل
خيال: جيت لبارح لهنا معطلة و نعست فقت ليوما خرجت و دخلت معطلة و نسيت ما شريت والو
أحمد: نفس لمشكيل حتى أنا نسيت ما شريت هههه و فيا لموت ديال جوع
خيال: هههه حتى أنا
أحمد: يا الله نمشيو ناكلو عاد نمشيو نشريو
خيال: وي يا لله و لكن كل واحد يخلص ماكلتو
أحمد:ههههه واخا
تاجهو لسناك و كل واحد مشغول بشي حاجة حتى وصلو دخلات خيال متحمسة لهاد تقدم لدارتو باش تقبل بنت معقدة كيف كيقلو هما تخرج مع ولد مجهول يا لله تعرفت عليه معرفاتش واش تعتبر هاد لقاء موعد و لا لقدر لعب دور ديالو كلس و كل واحد طلب شنو بغى طاحو في لماكلة عمين سالاو بجوج فدقة دون تصنع مامسوقينش لناس ناضو و كل واحد فيهم خلاص عشاه و توجه لسبيرمارشي
أحمد: كيعجبوك روايات
خيال:كنحماق عليهم
أحمد: لحمد لله لقيت شي واحد كيبغي روايات بحالي
خيال: حتى انا شنو فايت ليك قريتي
أحمد: بزاف و لكن في قلبي أنثى عبرية و أرض زيكولا و لنا في لحلال لقاء و قواعد جارتين اثرو فيا
خيال: حتى انا قريتهم خلاو لي عبرة و نصيحة و لكن و لنا في لحلال لقاء مازعمتش عليها
أحمد: هي في الأول كتجيك مملة و لكن الى تعمقت كتستوعبي بلي الحلال هو لي فيه لخير حسن من هاد لفئة لي طالعة ديال تصاحب و العلاقات الغير شرعية واحد بغى شي بنت يتوكل على الله و الى ما تفاهمش يطلقو راه مكروه ماشي حرام و غادي يخرجو بأقل الأضرار حيت كل واحد و نيتو، تقدري تكوني نتي قلبك صافي و طرف الآخر ناوي على شي حاجة اخرة و لعكس صحيح مانكولش بلي دراري ما كيسواوش راه حتى لبنات فيهم و فيهم .
خيال: هضرتك كلها صواب في صواب هاد لعلاقات راهم غير عابرة ما كدومش و ما فيها حدود تقدر لحظة وحدة تولي زينة و تكبر و يخرج ليك واحد طفل لقيط شكون لي غادي يضمن ليه حقوقو ...
كملو طريق و هما موضوع يديهم لموضوع آخر كلمة وحدة كيفهمو بيها رسالة بوضوح وصلو و كل واحد خدى شنو بغى و خرجو يتمشاو ماحسوش بالفرق بينتهم ماحسش براسو أعلى مرتبة منها و ما حساتش برسها أدنى مرتبة منو و لعكس صحيح روحهم و قلوبهم لكتكلم أفكارهم تحرارات و لقصة بدات كتكب كلماتها لأولى و شهدات على بداية قصة تقدر تسالي وسط كلمة أو جملة حيت كاينة شي حاجة سميتها لموت تقدر تخطف أي واحد و في أي وقت و مكان تقدر لقصة تسالي و في نفس لوقت تبدا.
وصلها لدار و استغرب من قرب لمسافة لي بين ديورهم تواعدو بإكمال الحوار .
دخلات خيال طايرة بالفرحة محساتش بالغربة أحاسيس مخلطة متوقعاتش هادشي جبدات ورقة و بدات كتنسج و كتخيل باقي القصة .
تكى أحمد فوق فراشو تفكر ضحكتها لي أدمنها نهار ما كاملش جوج ديال اللقائات دارو فيه هاد لحالة عفويتها عدم تصنعها حوراتها مشيتها شعرها و عاد كتبتها متخفاش عليه قصصها كتعكس شخصيتها ماكانش متوقعها خيال مرسمهاش مقادة كانت في الواقع أجمل مخلوقة من طبيعة شعرها الاحمر كيعكس غروب شمس صوتها و كلماتها عذوبة الماء ضحكتها كتكمل القمر عينيها صفاء سماء كانت طبيعية بإمتياز ماقدرش يبعدها من أفكارو و يجي داك الكبرياء اللعين يحبس كلشي يدير حاجز بينو و بين محبوبتو غمض عينينه و خلا الأحلام الوردية دير خدمتها و تنظف هاد الأفكار السلبية .
غمض كل واحد عينيه على صورة الآخر لقاء ديال نص نهار يدير هاد الحالة زعما الحب كيدخل بلا ميطلب الإذن ؟؟؟ اسئلة كتسول و ما كتلقاش ليها جواب؟؟؟
••••في الحلم••••
واقفةطا هي وياه يد في يد معنقها بحال كيحاول يحميها من المجهول و شعرها الأحمر كيطير كيشوف فيها بحال أول مرة عينيها كتلمع بالفرحة و ضحكتها كتخلي المكان سعيد كانت واحد لأطموسفير مختلفة على الواقع مخلط فيها كل الفصول كتخليك تحس بالرعشة و القشعريرة الدفئ ديالهم كيحميهم من الجو الماء ديال البحر كيوصل حتى لحداهم و كيبعد كتحييهم الشمش و القمر بجوج في السماء عايشين قصتهم لكانت في الأساطير و لكان دابا حية في الخيال المنطق غائب عن الوعي
عناقهم دام مدة حتى كتبان ليه الصورة كتبهات و كتختفى
••••نهاية الحلم ••••
فاقو في نفس اللحظة إبتسامة مسيطر على داك صباح و خلات الأجواء مبتهجة و فرحانة قوس قزح إخترق السماء فطرو و تاجهو للغابة كل واحد فيهم خدى طريق و كيف ما كيقولو كل الطرق تؤدي إلى روما هنا كل الطرق تؤدي إليهما .