قصة زواجي

البارت الخامس

حنين... بعد مكالتلي عمتي هيج كلعادة مكدرت احجي
رحت وكملت شغلي وتعشينة ورحت لغرفتي عماد طلع جهزت روحي لبست تراك ماروني وبي من جدام مرسوم دبدوب ورفعت شعري كعكعة ليفوك وحطيت مكياج خفيف وكعدت انتضر عماد شوية واجة شايل بأيدة علاكة

عماد...دخلت لكيت حنين لابسة تراك وطالعة كلش حلوة وتقربت منهه وبستهه وحضنتهه وكتلهه اليوم شطالعة كلش حلوة تخبلين

حنين...اني خجلت كلش😳وشفت العلاكة كتلة شنو بيهه

عماد ...هاي حلويات لاحلى قمر

حنين ...كمزت ونسيت روحي صرت مثل الطفلة واخذتهن لان صارلي شهرين مماكلة حلويات طبعا عماد ميجبلي شي من يوم زواجنة لليوم هذي اول مرة يجيبلي شي واني كلش فرحانة حتى مصرف مينطيني

معدنة ناكل ونسولف اني ويا لحد ما اختنة السوالف ونمنة
كعدت الصبح اشتغل برة كعدو كلهم واجتلي عمتي تصيح

ضلينة ...طبي جوة متستحين هذولي جوارينة منا وشبابيكهم مفتوحة وانتي طالعة برة

حنين...مع انهو الناس هذولي فقيرين ومعدهم شي وهيه يومية دكلي طلعي غسلي الطارمة شوية واجالي عماد عصبي سحلني من شعري ودخلني للغرفة كلي ليش طلعين حتى يشوفونج الشباب يا سا.....يا ما مترباية وكام يشتم اشكال وانواع واني مصدومة

حنين ...والله ممسوية شي وعمتي هيه تكلي طلعي غسلي الطارمة وانتة تعرف معندي شي

عماد...كتلج نجبي ولا حرف امي متجذب

حنين...بس...ومكدرت اكمل وهوة مثل المعمي علي كام ميشوف دربة رح وجاب صوندة تأسيس الكهرباء وبدة يضربني بكل مكان بجسمي يخلي اثر واني بس اعيط وابجي

عماد...اني كاعد بلغرفة واجتلي اختي الزغيرة وكلتلي حنين تغسل بلطارمة وشايلة ملابسة من جوة وتباوع من الباب ومدري ويامن تحجي وهيه زغيرة كلت معقولة طفلة بعمر ٦ سنوات تجذب وشوية وسمعت امي صيح على حنين وسمعت كل الحجتة امي واني مضل براسي عقل جبتهه للغرفة سحل وضليت اكتل بيهه منا لمن تعبت خليتهه تنازع وطلعت من الغرفة رحت نمت بلديوانية باجر وراي روحة للدوام مهتميتلهه

حنين ...من بعد كل الصار بقيت اليل كلة ابجي ونمت وكعدت الصبح على شغلي وعمتي بس تتمضحك وفرحانة تروالك مشاركتهه برجلهه مو ابنهه اجيت اطبخ الغدة اجتلي وكالت

ضليمة...لتمدين ايدج هلى شي انتي وحدة نكسة ومو نضيفة
حنين ...سكتت رحت صليت واجيت اتغدة

ضليمة...اي ما فالحة لا بشغل ولا بعمل بس اكل ونوم وفوكاهه عاقر

حنين...انة سمعت هيج وسكتت مر الاسبوع واني متحملة تخليني اصوم بلنهار ومتنطيني اكل وبس بليل تخليني اكل كلت يجي عماد واحجيلة واشوف

اليوم يوم رجعت عماد

عماد...من بعد ما كتلتهه تندمت لان ادري معدهه هيج شي بس ساعة عصبية وحيل تندمت واليوم نزلتي وصل للبيت دخلت وسلمت

عماد...شلونج ست الكل

ضليمة...هلا يمااا شلوني بعد تعرف بحالي وي مرتك

عماد...اووف يماا شنو السالفة النوب كليلي

ضليمة ...اسئل خوانك وشوف مرتك شسوت هل اسبوع بس اكل ونوم

عماد...رحت معصب على حنين واني بعدني ممسلم عليهه لكيتهه تعدل بلملابس صحتلهه حنيننن ضربتهه راشدي خليت الشرار يطلع من اذاناتهه

حنين ...خترعت كتلة شنو سويت ليش هيجي

عماد...نجبي ولج فوك هذا كلة مكضيتهه نوم واكل ومتشتغلين عن امي ودكولين شمسوية

حنين...بعد مكدرت اسكت وصل حدهه اولا ..امك حارمتني من الاكل واذا تريد اسئل خوانك ومن اريد اطبخ دكلي مو نضيفة وكلشي اسوي تحجي وميعجبهه وتهمتني بشرفي وانتة صدكت ولا حسبالك مادري من تطلع بليل تراقبني من اروح للحمام وكلشي واكول ميخالف بس بعد ماتحمل

عماد...نجبي ولج هم طلعلج صوت وتراددين

حنين...طلع عماد واجة جايب صوندة كتلني موتني موت خلة روحي تطلع كرهت الحياة وكرهت كلشي بهل دنيا جاب كونية وذباهه عليه كلي لمي ملابسج اوديج لاهلج

سكتت لميت ملابسي ودواني لهلي منزل وياي خلاني بلباب وراح دخلت للبيت واني مكسورة وسولفت لاهلي على كلشي
بقيت زعلانة عد اهلي كلت بعد مارجعلة ورة فترة جابو ناس واجولنة حتى يرجعوني

فاطمة...حنين رجعي وكافي لعب كل رجال ومرة تصير بينهم مشاكل ولازم تتحملين

حنين...يما شنو اتحمل جاي اكلج تعبت وبعد اصرارات من اهلي واهلة رجعوني