حبيتك__بجنون❤❤..كان لقيت تفاعل في الرواية بنكملها وكان مافيش تفاااعل بنفوتهااا
الحلقة1
للكاتبة،،tala emad💛
نور:صباح الخير مامي
امي فاطمة:صباح النور يانور 😘
نور بستها ع خدها
ماما:هي تعالي افطري ..
نور هي تلبس في السبيدرو:لالا اتأخرت ع المحاضرة خلاص معاش نقدر
ماما:يابنتي ماتجيش تعالي كولي حتى فم راك اتسيخي غااادي
نور طلعت مستعجلة تجري ....
بابا:وينها اختك ؟!
نور:اليوم قالت مش ماشية...
بابا:اهااا...
بعد ما وصلت خشيت طول للمحاضرة ....وبعدها روحت للحوش ....
طبعا انيي حياتي من الحووش لجامعة ومن الجامعة للحووش ماعنديش ع الطلوع هلبا لاكن متعلقة بلقرايه
ونحب ديما نقره وعندي طموحي وامالي الي بنحققها في المستقبل
اسيل:بابا..امتى بنرجعوا لليبيا..استحشت صاحباتي واقريبائي
بابا وهوا شاد التيليفون:مزال يابنتي لين انكمل المشرووع
اني كنت شاده الكتاب ونقراه :اي بابا خاطري انديرولهم زياارة لينا اكتر من5سنين ماشوفناهمش الأ مرة
وحدة بسسس...
بابا:حااضر يابابا
طبعا بابا ايحبنا وديما ايدلل فينا وحنون عليناا والي نبوا ايديرهولنا من غير رفض غر شن نبوااا❤👌
اسيل بتسهويك:تعرف يابابا انضني حتى اشكالهم انسيتهم قداش ليا عليهم...😌
نور:حتى اني...
ماما:نووور يانوور
نور:نعم ماما.
ماما:تعالي سلم بنتي قري خوك عنده اختباار انتي شاطرة في الرياضيات..
نور:حااضر...تعالى سندوود وجيب معاك الكتاب..وينه الي مش فاهما.
سند:هادا وهادا.
قعدت نشرح لسند وبعد ماكملت امشيت توضيت وصليت العصر ...ونسمع في فون بابا ايرن ارفعته لبابا
ترررن ترررن...
بابا:الوو.مني امعاي .....اهاا مفتاح ..خيره شن فيه؟! يستر الله وخلاص ، باهي باه تو انشووف...
نور:بابا خيرك شن فيه ؟!
بابا:جدك تاعب قااعد في غرفة العملياات
اسيل:خيره جدوو؟!
بابا:مرتفعلة الضغط هلباا لين امأثر عليه واحتمال يمووت
اسيل:بيعد السوو ،،،
بابا:احني لازم نحجزو في الطيارة غدوة ابنمشوا..
نور وهي حاضناته:بابا خلاص ماضايقش روحك انشالله حيتعافة
بابا باسني:انشالله يابنتي..
المهم وتينا دبشنا وحاجاتنا من الليل واحجزنا في الطيارة وموعدنا غدوة الصبح....الساعة10
____________________________
اليوم الثاني👉
نضت ع صوووت المنبه س9 تررررن ترررن
نور وهي مغمضة عيونها:اسييييل طفي البلي بنرقد
اسيل وهي راقدة:ططفي انتي اقرب..
اني نوضت بخلعا:حي اليوم الطياارة .....اسيييل اسييل نوضي " بنتأخرو " فيسع"ووقت"بتفوت علينا"
اسيل:اففففف خيرك يااودي مكتر دوتك شوية بسس
اني نضت نجري نوض ماما وبابا وسند...ناضوا الي هادا ايوتي في روحه الا فرخة اسيل قاعدة راقدة
ماما:هي خلاص كل شىء واتي بدلوا بسس ..
بابا:وين اسييل مش شايفها؟!
نور:قاعدة راقدة هالبايرة...
بابا:انشالله قاعدة لتوا؟!
نور غمزت لسند:سنووود تعال....
سند جا يجري عرفها ع شن ناوية:اني جاي ...
اني اغديت كاشيك وصوونية وقعدت انخبط ونغني وسند قعد ايرش عليها في اميه بيش اتفيق طبعا اسيل
ثقيلة نوووم اخر وحدة ديما اتنووض امشردتنا....
المهم نوضناها بعد ستين حكمة بعدها ناضت...
اني البست سروال جينز ازرق لاصق وبدي ابيض وفوقه جاكيت حمرة.. وحطيت برفان والبست نظاراتي
اما اسيل لبست سروال اسود واسع وبدي موف امخطط ونظاراتها
اميشينا للمطار واركبنا في الطيارة...وكلمنا عمي مفتاح ايجينا بسيارة ويوصلناا........
اوصلنا في الليل بعد المغرب س8.....واول ماخشيناه بدو كلهم ايسلموا بالاحضان وفي منهم يبكوا
سالمة جداي :اهلا واخيراا ليكم وحشة ...💋
نور كبيت ع راسها:وانتي اكتر ❤
المهم قعدنا انسلموا عليهم وكان الحوش زاحم .كله عمامي وانساوينهم واصغارهم والاقرباء......
وبعتالي قعمزنا وقعدنا انهدرزو.
سنابل بنت عمي:الله قداش ليا ماعاش شفتكم اتغيرتوا هلباا ,...قداش تقري نور
نور:اولى جامعة ..
سنابل:حتى اني نفسك..انتي مش اسمك نورسين امالة خيره اينادو فيك نوور
نور:اي اسمي نورسين لاكن انفضل اينادوني بي نور
قعدنا انهدرزو اني وسنابل...لين روحوا بيجدو والحمدلله بسيطة يعني قاله الدكتور ع المداومة
واي صدمة حتأثر فيه .....
اني نوضت قلت خلي انعاونهم امشيت معاهم للمطبخ ايوتوا في العشي
واتعشينا وضمينا الحووسة عاد احنا مانستحقووش ماشالله ايدين هلبا😏...فيسع ماكملناا
بابا:نورسين نوووور
نور:نعم بابا
بابا:امشي جيبي عقاب الحاجات في السيارة في الكوفني..
نور:حااضر بااه
نور طلعت وقعدت نجري لين فجأ طحت ع الترااب طيحة شنيييعة الله لاتروعك..😰
ودورا نسمع في حد جاي ومدلي يدى.....يتبع❤
كابداية شن رايكم حلوة واله اخيي ❤
لايك+تعليق+متابعة بيش يوصلوا الحلقات الجديدة❤
حلقة2 غدوة بنزلها كان فيه تفاعل......
