Vag Ak Bon An

VAG AK BON AN
EPIZOD 11

TWOUP DILATE AK FAN FEYTON PAPE MATHURIN AP PREZANTEW " VAG AK BON AN " EKRI PA JEFFERSON LE PAPE MATHURIN

YON ISTWA IMAJINÈ KI PALE DE REYALITE PEYI AYITI

KOTE DEPITE SA SOTI AK KOZE SA MENM ???

Depite: premye fwa ou tande yon koze konsa

Maguy: pemet mwen diw sa, se yon mank de respe sa ye pou mwen wi, m pa konn fe jan de tenten sa yo

Depite: se pa yon mal sa ye non, an plis li fin a la mòd nan peyi a

Maguy: a la mòd se pa pou mwen non mesye. Si se pou lajan wap banm nan ou met kenbel bay yon lot fanm ki bezwenl m pap dako zozo antre nan twou boudam

MAGUY LEVE POUL ALE, DEPITE A KENBE MENL

Depite: pa bezwen fache non Maguy, chita pou nou pale

Maguy: mwen pa gen anyen map di avew, depi nou gen lajan nou panse nou ka fe moun sa nou vle. Pa anmedem non mesye

Depite: tout saw di yo la ou gen rezon men fòk ou chita mwen gen twop pawol pou diw

MAGUY CHITA VREMAN

Maguy: map koutew men pa touchem

Depite: non pam se Henry, ou se premye moun ki refizem yon bagay konsa

Maguy: mwen konprann, kom ou fin pale mwen soti wi

Henry: m poko fini. Ou ka twouve sa dwol men mwen vle pouw konprann mwen Maguy. Ou son fanm depi le map vin la ki banm plis pwoblem, se toujou avew mwen vle ye

Maguy: mesi. Ou ka fin pale pou mwen deplase mesye

Henry: map vin direk avew pouw pa panse mwen son blofè. Mwen renmenw anpil Maguy

Maguy: kisa? Men non epa se nou tout ki fou ak koze sa

Henry: mwen pa kont si yon moun fou paskem nan pozisyon an. Gen anpil bagay ki banm pwoblem chak fwa le mwen vin la poum we yon fanm total tankouw ap vann grenn byè pou benefis fe moun ap ranse ak figiw, mwen konnen kiyes ki Manno a lap toujou vle pwofite ou lel bezwen koupe, m konnen lap itilize pitit ou a selman poul ka jwenn ou byen, men sa pa nan lidem se lanmou mwen gen pou ou

Maguy: pa toumante lesprim non ak koze sa yo. Mwen gen pitit se vre men mwen pa vle al fouye tet mwen nenpot kote pou li

Henry: siw pa retire kòw nan biznis sa se tout moun kap pranw pou bouzen wi, menm pa janm we sa nan ou

Maguy: mwen rete kwe ke ou gen madanm

Henry: mwen ka di mwen pa genyen paske nou nan faz divòs, e mwen santim jwenn plis rezon poum divòse avel depi le mwen vin bo isit la. Mwen vle pran pitit ou a tankou li te pou mwen, baw kay, machin, voye ou lekol fe tout sak posib ki ka few souri

Maguy: non mesi mesye. Mwen ka deplase

Henry: avem se pa nan prizon wap ye Maguy, avem se pa pou yon bouzen map pranw. Kom sa ki tap fet la se pou lajan li ye mwen peyew li menm si nou pa gentan fe anyen

Maguy: non mwen pa bezwen lajan sa li pap fe anyen pou mwen

Henry: ou vle Manno ranse avew pou kob li depanse nan ou yo? Fem favè a pranl wa peye Manno avel

Maguy: piga kob sa tounen yon fret pou mwen non

Henry: pou lot moun yo pa santi nou pa fe anyen rete chita avem toujou na pale plis

Maguy: non mesi mwen pap rete, m gen okipasyon

KEK MINIT APRE

Manno: ou sot mete nan kòw wi baz, saw panse menm