تبادل ادورا (مكتملة )

البارت ٢

ليييييش مافي تفاعل 🥺💔💔💔
والله بصراحه حزنتوني متحمسه مرره وما احصل تفاعل بس بستمر واتمنى تتفاعلون معاي

رجع فيصل عند المكتب وهو يتنفس بقوه من الجري
فيصل : هند فيك تطلعي استراحه لك ساعتين
هند رفعت راسها وابتسمت وحركة راسها بالايجاب
ونزل فيصل وركب السياره
وراحو للاستراحه
محمد : اوه واحد من العيال هنا نايم
فيصل : خل نرجع طيب مو لازم
محمد بجديه : نايم مارح يصحى وانا معك
فيصل بستسلام : طيب
واخذ الاكل ونزلو
محمد دخل ماشاف احد بالصاله
الاستراحه كانت كبيره عباره عن مسبح كبير و٣غرف نوم وصالتين و مطبخ ومجلس وكانت بقمة الترتيب وجميله
فيصل نزل الاغراض بالصاله
محمد وهو يشغل الانوار :دقايق اشوف من فيه وبجيك
محمد فتح الغرفه الاولى مافيه احد والثانيه مافيه والثالثه تفاجئ باللي موجود
وليد ؟! وش فيه نايم هنا غريبه
محمد قرب له وصار يهزه : وليد وليد وليد
وليد يفتح عينه بثقل : همم
محمد : وليد قوم يالله
وليد : كم الساعه ؟!
محمد : الساعه ١ ونص
وليد جلس وشاف محمد : غريبه جاي
محمد : اي جاي مع خويي بالسكن وتو عاد طلعنا انا وياه من الدوام نتغداء قوم تغداء معنا
وليد وهو يبعد اللحاف ويروح لدوره المياه : لا برجع البيت مالي نفس اكل
محمد وهو يتثاوب : تمام لاتتاخر
وليد ابتسم قصدك ميت نوم : طيب طيب
دخل للصاله ماشاف فيصل وين راح ذا ؟!
راح يشوفه بكل مكان ماحصله وطلع يدوره حصل السياره مفتوحه وكانه يدور على شي
محمد من وراء فيصل : وش فيك ؟!
فيصل : ابي جوالي مدري وين راح
محمد : بتصل عليه دقيقه
فيصل : تمام
محمد اتصل بعد دقايق سمع صوت بنت
محمد : هذا جوال صديقي
هند : اي نساه الاستاذ بالمكتب وطلع مستعجل
محمد يأشر لفيصل انك نسيته في المكتب اخذ فيصل الجوال : هند خليه عندك لما ارجع
هند : ان شاء الله استاذ فيصل
محمد : ارتحت ؟!
فيصل : يالله نروح *وبتردد* من داخل
محمد : هذا خوينا وليد فيك تقول انه طبيب بس بدوام خفيف مثل المدير
فيصل : مشاء الله
وجات افكار براس فيصل انه كبير وله شيب ومتين
دخلو للصاله
فيصل شرق : هذا وليد ؟!
محمد ناظره مستغرب : اي ليه ؟!
فيصل : تمزح معي صح ؟!
محمد : لا والله
فيصل ضحك على افكاره : تخيلته دب وله شيب وحالته حاله

فيصل : بصراحه اي
محمد : تعال ابعرفك عليه
فيصل بخوف : لا لا مابغى
محمد : ليش فيك شي
فيصل : لا مافي بس مابغى
محمد مستغرب تصرفات فيصل : طيب تعال معي يالله نروح الغرفه اجل
ناصر : طيب
مشى وراه وصلو لغرفه فتحها كان فيها جلسه وكانت صغيره وحلوه وفيها سرير وتلفزيون
محمد : اعجبتك
هز راسه بالايجاب : مررره تجنن من حقه ؟!
محمد : حقتي هذي انا مصممها
ناصر بنبهار : مررره تجنن
محمد جلس وناصر جلس معه : اقول فيصل ليه ماعندك اصحاب
فيصل سكت ومارد
محمد ما انتبه لسكوت فيصل
فيصل : ايش اللي غريب
محمد : مدري استغربت انك ماعندك اصحاب
فيصل يناظر بالسقف : انت اول شخص اتعرف عليه مدري ليه بس كذا
محمد بمزح : انجبرت لاننا بنفس السكن
ناصر : لا لا مو كذا بس انا مو متقبل احد وانت فرضت علي هالشي فا علشان كذا قلت لك مو متعود اخالط الناس
محمد : ولايهمك عادي
بدو ياكلون وطلعو علشان كل واحد يرجع لدوامه
محمد : الساعه ٤بمرك
فيصل : ٥ ينتهي دوامي
محمد : تمام
دخل للشركه وراح مكتبه بدا شغل بعد ساعه من الشغل
هند : استاذ تفضل جوالك والمدير ارسل بعض الملفات
فيصل بتعب : مشكوره يا هند تعبتك معاي
هند باحراج : لاتقول كذا استاذ هذا اول يوم لنا والحمدلله كويس
دخل المكتب رمى نفسه على الكرسي وناظر السقف حطت الاوراق وطلعت كمل شغله لما جات ٣ ونص قام يصلي رجع يكمل شغله
الساعه ٥ اتصل عليه
محمد : يالله انا برا
فيصل : طيب
اخذ اوراقه وقفل المكتب : فيك تمشين هند
هند : حاضر استاذ
طلع وركب بالسياره طول الطريق ساكتين مافي احد منهم يتكلم وصلو للبيت
محمد وهو يفك ازرار ثوبه : كيف دوامك
فيصل : الحمدلله ماشي والله وكويس وانت
محمد سكت فتره وابتسم : كويس
فيصل عقد حواجبه : فيه شي صاير
محمد : لا بس ضغط بالعمل حتى ارسلت اغلب الملفات للايميل علشان اكملها الليل
فيصل : اها تمامم الحين اجل ارتاح
محمد : يالله نام انت بعد علشان نصحى ونطلب لنا اكل
فيصل : طيب
دخل محمد غرفته وفيصل نفس الشي بس ماعرف ينام مايدري ليه قلبه ناغزه انه فيه شي صاير مايدري وش هو
قام وراح للصاله شاف لاب محمد على الطاوله فتحه وشاف الرسايل وفتحها وكمل شغل محمد كامل وتعب بعدها راح غرفته ونام الساعه ٦ المغرب محمد صحى ٩ وراح للصاله شاف الاب مفتوح راح شاف كل شغله خالص ناظر للغرفه وتكلم : مشكوريافيصل انا مدري من وين طلعت لي بس اتوقع رح تكون قريب مني ورح اغيرك الساعه ١٢صحى فيصل وطلع شاف محمد على الاب ويتصل
محمد انتبه له وناظره : طلبت بيتزا ومعجنات تبي شي ثاني
فيصل : شورما
محمد : طلبت تبي ببسي ولا
فيصل: كولا
محمد : طيب
واعطاه العنوان وقفل
فيصل يرمي نفسه على الكنب كان لابس شورت وتيشيرت بدون اكمام وجسمه رياضي ممسوس : كيف النومه
محمد يناظره من فوق لتحت : اقول ماودك تستعدل ولاتستعرض
فيصل ناظره بمعنى وش عليك
محمد :نومتي كويس وعلىى العموم شكرا
فيصل ابتسم : العفو
محمد : بس كيف عرفت لها لي من بداء الدوام احاول احلها ماقدرت
فيصل : عرفت لان هذا مجالي
محمد بتفكير : اهااا
فيصل : يب يب
ننتقل بالاحداث شوي ل اسبوعين مررره صارو قراب من بعض واغلب اوقاتهم سوا
محمد :فيصل بجي ٥ اخذك
فيصل : طيب
تركه وراح للدوام وفيصل نفس الشي جات الساعه٤و٤٥
نزل ينتظر محمد فاجئه الشخص اللي جاه
فيصل بتوتر وخوف : شفيك وش جابك
الشخص :فيصل انت تدري ان امي وابوي ماتو
فيصل ناظره مو مصدق ومصدوم : لا لا هم بخير تو كلمتهم قبل اسبوع تكذب انت لا لا
الشخص : لايافيصل ماكذب والله ماتو انت ماجيت واتوقع ما احد قال لك لان مانقدر نوصل لك
فيصل مو مصدق راح يركض يبي يوقف تكسي مانتبه للشاحنه اللي جايه بسرعه وكانت ترن هرن علشان تنبهه يبتعد بس صدمه بقوه
وقف مصدوم يشوف اخوه مصدوم قدامه ولا يقدر يسوي شي تنبهت حواسه وراح يركض : فيصل فيصل فيصل تكفى لاتتركني يا خوي
ظل يحركه بس فيصل ينزل من راسه دم وغايب عن الوعي شاله وراح به لسيارته لاقرب مستشفى دخل للطوارى على طول اخذوه دخلوه غرفة العمليات
جلس بالممر يسب نفسه ليه يقول له ويخليه يوصل لهالحاله ليه بعد ٤ساعات
طلع الطبيب : تطمن تعدا مرحلة الخطر الحمدلله بس
ناظره بترجي ان اخوه ماصار له شي : لا يدكتور تكفى بشرني بشي كويس
الطبيب بحزن : ايش يقرب لك
ناظره : اخوي
الطبيب : اخوك دخل بغيبوبه وماندري متى يصحى
نظراته بارده وبحزن : طيب هو بخير وممكن يقوم ؟!
الطبيب :اي الحمدلله
الشخص : مشكور يادكتور
الطبيب : فيك تجي معي تكمل اجراءت اخوك ؟!
الشخص : يالله
نرجع قبل ٤ ساعات
محمد وصل للشركه اتصل على فيصل مايرد قرر ينزل يشوفه انتبهت له هند بالممر
محمد : هند اسمك صح ؟!
هند : اي استاذ امر
محمد : ابي اسال عن فيصل موجود
هند ناظرت الساعه : استاذفيصل طالع من نص ساعه
محمد راح للبيت ولا وين راح المشكله مايرد : مشكوره
طلع من الشركه للبيت على طول فتح الباب ناداه ماحصله مسك شعره وجلس يحركه بعشوائيه واتصل على وليد
محمد : الو وليد
وليد : هلا محمد شفي صوتك ؟!
محمد : وليد تكفى تقدر تجي الشقه
وليد : ابشر دقايق وانا عندك
محمد : يالله بنتظرك انا لاتطول