تبادل ادورا (مكتملة )

البارت ١

فيصل شخص مايحب يخالط الناس ودايم اذا شاف اي تجمع يتهرب منه
محمد شخصيه اجتماعيه ويحب يتعرف على الناس كثيير عنده اصحاب كثير طبعا
بيوم انتقاله للرياض دخل الشقه شاف غرفتين ووحده مسكر الباب والشقه نظيفه ومرتبه دخل شنطته
انفتح باب الغرفه
محمد حاط المنشفه براسه وينشف شعره ومنشفه على خصره وانتبه :اهليين انت اللي بتسكن معنا هنا
فيصل :اي انا
محمد طالع نفسه بحرج : هلا والله واعذرني ما استقبلتك زين بس حبيت اخذ دش بعد التمرين وكذا
فيصل بجمود وبرود : لا عادي انا فيصل ال **
محمد :تشرفت فيك وانا محمد فيك تناديني حمود وابتسم ورجع للغرفه فيصل وقف يناظر الشقه مطبخ مرتب وحلو وراح لغرفته سرير ودولاب وتسريحه مرتبه وفيها علبه فتحها حصل ورقه وكوب وعلبه صغيره شوكلاته فتح الورقه
من محمد
اتمنى لك اقامه سعيده وفيس يبتسم
ابتسم فيصل وحط الورقه ونزل اغراضه ورمى نفسه على السرير وناظر السقف وفتره ونام
اما محمد لبس وتعطر وكشخ وطلع للصاله ماحصل فيصل حب يتركه بس لو تركته اكيد هو جاي ولايدري شي عن هالديره مشى لغرفته ودق الباب مافي رد فتح الباب وشافه نايم منطوي على نفسه وغطاه وشاف الورقه والعلبه وابتسم اخذ الورقه وكتب
انا طلعت اذا بغيت شي اتصل علي ولاتطلع الا لما ترسل لي كتب رقمه
وطلع نزل حصل صديقه عند الباب
بسام :ياهلا مابغيت
محمد يبتسم
بسام :وش فيك اللي يشوفك يقول خاطب احد
محمد :لا ياخي وش خاطب بس جاني زميل بالغرفه
بسام التفت عليه وهو مبتسم اكثر من محمد :اخيييرا ماعاد بتصير نفسيه
محمد ضحك :وش دخل متى شفتني نفسيه
بسام :نمزح معك هاه وينه هو ؟!
محمد : فوق وين يعني
بسام : وين ودك تروح
محمد :الاستراحه ؟!
بسام :لا لا مانبيها العيال ماهم فيه والحين تحصل خالد وعبيد فيها ولا لي نفس لهم
محمد ضحك على استهبال خويه : والله اشتقت لايام قبل
بسام :يالله عاد الحين احنا متوظفين بس بالاجازات نروح الا صدق خويك وش موظف ولا طالب ؟!
محمد عقد حواجبه :تو الولد جاي تبيني انشب له واساله ؟!
بسام ضحك : لا بس يعني غريب ماتعرفت عليه
محمد : لا لما وصل دخلت ابدل ولما طلعت حصلته نايم اكيد تعب من الطريق
بسام : اها زين وش رايك نتعشاء ؟!
محمد :يالله
ونرجع لفيصل نايم لسه انفتح باب الشقه ودخل ورتب الاغراض على الطاوله وطلع بعد ساعتين رجع محمد وشاف الاغراض على الطاوله باسم فيصل غريبه للحين نايم ودخل لغرفته وحركه بخفيف
فيصل :همم
محمد : فيصل اصحى
فيصل سمع الصوت وانصدم وقام وبعد عن محمد
محمد استغرب شفيه ؟! : شفيك
فيصل اخذ نفس وكانه شاف حلم مو زين : اسف معليش
محمد : لا عادي بس استغربت نومك قلت اصحيك علشان اجلس شوي معاك
فيصل ببرود : عادي اتروش ونجلس
محمد : اي عادي حتى انا ببدل واروح للصاله القاك هناك اذا خلصت والحمام على يدك اليمين اذا طلعت من الغرفه وياليت ماتخرب ترتيب اشيائي
فيصل مسك شعره وحركه :ابشر
محمد ابتسم على حركه فيصل : وش فيك ؟!
فيصل : ولاشي
محمد قام ولما وصل للباب : لاتتاخر يويلك ترا ما احب اللي يسحب
فيصل :ان شاء الله
وطلع لغرفته وفيصل فتح شنطته يارب تساعدني انا توني هنا جديد ولا اعرف اذا رح استمر او لا
واخذ له بدله وطلع دخل للحمام مرتب وكان فيه بالزاويه دولاب صغير فيه اشياء محمد مرتب
دخل للدش وشغل الماي وجلس يفكر كيف يبتعد او كيف يصيطر على حياته ووش مصيره بالايام الجايه ووش الوظيفه اللي تنتظره
اما محمد بدل وعدل شعره وابتسم لما تذكر فيصل
يارب اني اكون عند حسن ظنه وطلع جلس بالصاله وشاف الاغراض للحين بالطاوله وانتبه لشي ولما كان بياخذه طلع فيصل من الحمام
فيصل متوجه للغرفه : دقايق وجايك
محمد : انتظرك
ودقايق وجاء جلس
فيصل حاول تكون تعابير وجهه عاديه تحسس الشخص اللي مقابله بالراحه وانه يسولف معاه : امر
محمد مره مبسوط بفيصل بس مايدري ليش : امم مايامر عليك عدو بس كنت ابقول لك كم حاجه واسالك عن كم حاجه
فيصل : تفضل اسمعك
محمد بخوف : اول شي انت موظف ولا طالب
فيصل استغرب السوال : لا والله جاي موظف ليش ؟!
محمد شق الابتسامه واخذ نفس : لا بس كل من جاء هنا نقل وانا بصراحه ابغى حس احد معاي بنفس المكان
فيصل : اها قول كذا ايوه ووش بعد
محمد : عادي لو طلعت مع اخوياي تطلع معي ؟!
فيصل : لا والله اعذرني انا ماني من النوع الاجتماعي
محمد : افا ليه طيب هذا انت تقبلتني
فيصل : صح بس هالشي خارج عن ارادتي ودك تسكن مع احد وانت تتجاهله ؟!
محمد : لا اكيد
فيصل : خلاص اجل
محمد حس بنكسار كان فيصل مغصوب عليه : طيب امم عادي لو نطلع انا وانت ؟!
فيصل غريب وش يبي يوصل له : بالمستقبل نشوف
محمد : بس ريحتني الحين * بعدين استوعب انه نسى شي * عندك اصحاب يعني بيجون هنا ؟!
فيصل :لا لا ماعندي ولا رح احد يزورني
محمد : خلاص خذت اجاباتي بس ماودك تسالني عن شي
فيصل : امم لا ماعندي
محمد تثاوب :يالله بروح انام انا احس مررره دايخ
فيصل : بمان الله
محمد : وانت مارح تنام ؟!
فيصل : بنام بس مو الحين شوي
شاف الاغراض ومكتوب عليها اسمه استغرب مين بيرسل له ؟!
اخذها وراح لغرفته فتحها وحصل اشياء عاديه كريم وثياب واشياء عاديه بس مرسوله باسمي ؟!
فتح الشنط ورتبها ورتب الغرفه طلعت حللوه
ورش عطر ورتب سريره وفتح جواله يشوف اخر الرسايل
-سالم - فهد - راشد -وكم قروب
انتبه لاسم راشد فتح الرساله قراها وسكر الجوال ونام اليوم الثاني كان اول دوام له صحى وتروش وتعطر وطلع
محمد ببتسامه ولابس وريحه العطر والفطور بالطاوله
محمد :صباح الخير
فيصل :صباح النور مشاء الله وش هذا كله
محمد :روتين صباحي عادي
فيصل : مشكور
محمد مشى من وراء فيصل وضرب راسه : لاعاد تشكرني
فيصل :لاتضرب طيب
جلس وافطرو
محمد : فيصل ودك اوديك الدوام لان للحين اتوقع ماعندك سياره
فيصل :لا معليه باخذ تكسي
محمد قام وبفمه اكل : قوم بس قال تكسي قال
فيصل :طيب خل اجيب اغراضي واجيك
نزل محمد وفيصل رتب الطاوله بسرعه وشاف عامل الشقق طلب منه يرتب الشقه بس مايدخل للغرف ووافق
ركب السياره
محمد : وين دوامك
فيصل : بشركه مرسلين لي اللوكيشن
محمد :هات جوالك * وبعدها استوعب * اسف عادي لو تعطيني جوالك
فيصل استغرب حركة محمد :اي عادي ولاتتاسف
وعطاه ومشى محمد على الوصف : لا اتاسف يعني ما اعرفك مره وقلت لك كذا كاني امون
فيصل: عادي ابد خذ راحتك
محمد : الا صدق وش جدولك ومتى تخلص
فيصل :والله مدري للحين ليش
محمد وهو منتبه للطريق :لا بطلع انا وانت اليوم
فيصل بسرعه التفت لمحمد : لا لا لا ماله داعي باخذ تكسي وارجع الشقه لاتشغل نفسك معي خلك مع اخوياك
محمد : ماعليك اخوياي كل يوم اشوفهم ماعليك
واخذ جواله واتصل
محمد :سامي اخبارك
سامي :تمام وينك يالقاطع ؟!
محمد :انا اللي قاطع فارق بس اقول لك
سامي وهو يضحك : قول
محمد : انتو بتجتمعون اليوم ؟!
سامي : والله مدري انا مشغول مع اهلي تعرف اختي بتتزوج ومشاوير وكذا ان شاء الله الوعد بعد بكرا
محمد : خلاص تم
سامي : ليه غريبه تسال وهالوقت
محمد : لا بس علشان بروح مع فيصل
سامي استغرب ؟! : فيصل مين
محمد :خويي بالشقه
فيصل يسمع المحادثه وهو ساكت وملامحه بارده وعاديه
سامي :اووووه حركات خويك صار اهم شي لاتسحب علينا وعاد خلنا نتعرف عليه تمام
محمد ضحك : ان شاء الله يالله انتبه لك
سامي : وانت بعد الا تعال
محمد : هلا
سامي : شفت بسام امس ؟!
محمد : اي امس طلعت معه بس ماطولت
سامي : خلاص تمام يالله مع السلامه
محمد : بمان الله
وسكر منه وهو للحين مبتسم
فيصل : مشاء الله واضح علاقتك بخوياك مرره
محمد : اي من زمان وانا هنا
فيصل : جد كم لك
محمد عقد حواجبه وجلس يحسب : امم تقريبا ١٠ سنوات
فيصل ببتسامه منحرج : يعني كم عمرك
محمد التفت له بجديه وبعدها ضحك عليه : اكبر منك بكثير هذا اللي اقدر اقول
فيصل التفت الطريق
وصلو للشركه
محمد بحماس :تمزززززززح عاد
فيصل خاف من صوته :وش فيه ؟!
محمد : هذي الشركه من جددددك انت
فيصل وهو مو فاهم : ايش فيها الشركه
محمد : هذي شركه من ارقى واغلى الشركات وتو مشتريها شخص ماصرح عن نفسه
فيصل : مايهمني وانت وين ؟!
محمد : بشركه للتصدير والايراد
فيصل : اوه قريب طيب ولا ؟!
محمد : بمرك بوقت الغداء واخذك بس ارسل لي لاتنسى
فيصل اخذ اوراقه ولوح بيده
راح محمد ودخل فيصل وقدم اوراقه و على طول خذته الموظفه للمكتب
الموظفه : انا هند وبكون موجوده لما تحتاج لشي استاذ فيصل بس اتصل علي
فيصل ببرود: مشكوره
هند : امم صح استاذ فيصل رح اجيب لك اوراق عن كيفيت الشغل وعن كل شي
فيصل : يعطيك العافيه بنتظرك
راحت هند وجات رساله لفيصل فتح الجوال
رساله من الشركه بالترحيب فيه قراها ونزل الجوال نزل الدفتر والاوراق اللي جابها معه
مايبي يفتح جواله ويشوف الرسايل سمع دق الباب
فيصل جات من ربي وهو ياخذ نفس : تفضل
دخل الحارس : استاذ اعذرني اعرف انك جديد هنا بس جاي اسالك ايش طلباتك لنوع القهوه
فيصل :نسكافيه واذا فيه كابتشينو ما يضر
الحارس : حاضر
فيصل : مشكور وفيك تخلي الباب مفتوح
الحارس : ان شاء الله
بعد دقايق دق الباب
فيصل : مايحتاج تستئذني ادخلي على طول
هند وقفت ونزلت الاوراق بالطاوله : استاذ هذي حق العمل اللي انت مسوؤل فيه و الخ
فيصل يأشر على الكرسي : تفضلي استريحي
كمل فيصل الاوراق مع هند ومرت ساعه ونص
فيصل انتبه للساعه: اسف مانتبهت للساعه واخرتك
هند ضحكت : لا عادي بالاصل انا السكرتيره لك تو متعينه قبل اسبوع وقالو للحين ماجاء مديرك
فيصل فتح فمه : هاااا انا مديرك
هند : اي انت ليش ماتدري
فيصل : انا مدير لسه متوظف كيف صرت مدير
هند : انت فيصل ال ***
فيصل : اي انا
هند : خلاص انت مديري بالشغل
فيصل : طيب اخر سوال معليش بزعجك متى ينتهي دوامي او متى فتره الاستراحه
هند فتحت ملف معاها : حسب المكتوب عندك ساعتين استراحه غداء وينتهي الدوام الساعه ٥ ونص
فيصل: مشكوره
هند قامت : العفو ولو اي شي تبغاه اطلبني
فيصل : ان شاء الله
وعلى طول ارسل لمحمد ساعه البريك وموعد خروجه
محمد كان جالس بالمكتب وشاف رساله
وقت البريك ١ تذكر فيصل وعلى طول ارسل له
بكون برا وبنتظرك
قرا فيصل الرساله وكمل شغله جات ١ ومانتبه سمع دق بالباب
فيصل رفع راسه: هلا وغلااا
محمد يضحك : هذا وانت اول يوم ومره مهتم بشغلك
فيصل : اي والله تعودت عليه لاني درست هالتخصص واخذت كورسات عليه
محمد كان معاه باقة ورد عطاها فيصل : هذي للمكتب الجديد
فيصل انحرج وسكت مايدري وش يقول هذا وهو توه يعرفه :مشكور والله مدري وش اقول
محمد : لاتقول شي مرررره جوعان والاكل بالسياره خل نروح الاستراحه ناكل ونرجع لدواماتنا
فيصل استغرب ؟! استراحه : وش استراحته
محمد : عندنا استراحه انا والشباب
وقبل يكمل قاطعه فيصل : لا لا تكفى
محمد استغرب تهرب فيصل من التجمعات : لا ماعليك الكل بدوامه الحين يطلعون ٢ وعلشان كذا ماخذها انا هالوقت نوم اكل اريح فيها
فيصل متردد للحين : طيب دقيقه
وضغط الزر اللي يستدعي به هند
فيصل : هند معليش بتعبك معاي اخذي هالورد ورتبيه بمزهريه وحطيه على مكتبي انا طالع اتغداء وارجع
هند : تامر استاذ
طلع فيصل ومحمد
فيصل وهو يمشي تذكر شغله
فيصل : روح قبلي وبلحقك
محمد :لاتتاخر