عوضي من الله أنتَ ❤️
بِما اني أمازيغية ف سامحوني لو في غلط ف اللهجة المصراتية لأني للأسف مش عارفتها كويس ✨
نتمنى ليكم قِراءة مُمتعة :
الروايـة ليا ومش مسامحة حد ياخدها بدون أسمي
المُقدمة :
إسمي ياسمين من زوارة عايشة ف مصراتة ليا سنة حولنا لأن عيلة زوج ماما كلهم ف مصراتة عيوني عسلية شعري بُني لنهاية ضهري بيضة عندي غمازات خدودي ديما وردية رموشي طوال جسمي حلو مش سمينة ولا ضعيفة ، شخصيتي قوية وحساسة ف نفس الوقت كملت اخر سنة ف طب التخدير مزال النتيجة بس
الأنتيم متعي أسمها جُهينة ماعنديش صاحبة غيرها مصراتية كانت عايشة ف زوارة ولما حولنا لـ مصراتة رجعو حتى هما صاحبتي من أيام الأعدادي
أني بنت وحدة من ماما وعندي خوي صغير من زوج ماما بابا متوفي
زوج ماما يسكر وحشيش والسرقة وكل شيء !💔
ماعنديش في جو العلاقات رغم أن نأمن في الحُب ❤️ بس مالقيتش الراجل الي يستاهلني ، وبصراحة بعد ما شفت مُعاملة زوج ماما خفت شويّ من الزواج
______
أني : ماما صباح الورد ❤️
ماما : صباح الخير بنتي تعالي أفطري
أني : لا توا ماعنديش نيـة راجلك وين ؟
ماما : كيف طلع
أني : ماما اعلاش ماتطلقيش ؟؟
ماما : يابنتي خوك صغير وحالنا على قده وانتي شايفة الوضع توا ندور ف خدمة اول ما نضم اموري على طول بنطلق
أني : ماما اني ح نساعدك أول ماتطلع شهادتي ح نخدم ، أني معاك يا ماما
ماما : ربي يخليك ليا انتي وخوك يارب
بست ماما على راسها ومشيت لخوي لقيته يلعب
ياسمين : مُعاد حبيبي عندي ليك شكلاطة
مُعاد : حق ؟ اعطيني
ياسمين مديتله الشكلاطة : صحتين حبيبي
مُعاد : أحلى أخت انتي ❤️
أبتسمت وقعدت معاه شوي لين سمعت باب الحوش انفتح دقات قلبي بدت سريعة مانعرفش اعلاش !
زوج ماما أسمه حكيم
حكيم بصوت عالي : ياسُعاد
ماما : نعم ؟
حكيم : ولد خوي مُنير يبي يخطب ياسمين واني موافق
ماما : كيف كيف هداكا الصايع تبيني نعطيه بنتي لو نعرف روحي بنموت بنتي مش ح نخليها
حكيم ضربها كف سمعته لـ غرفة مُعاد !💔
بديت نبكي وجيت بنمشي لماما لقيت خوي شاد إيديا
مُعاد : ماتخلينيش خايف !💔
في اللحظة هادي راسي وقف نمشي لـ ماما ولا نقعد مع خووي 💔 يارب ساعدني
.....
الحلقة قصيرة اليـوم نبي تكون مشوقة اكتر 😂🤘🏻
زعما شن حيصير في ياسمين ؟
ومن هو مُنير ؟
