حبك غير حياتي

1

في حفل صاخب تقف فتاه ملامحها غاية في الجمال لكنها تقف وعلي وجهها علامات الخوف والضيق وفي يديها كوب من العصير حيث أن جو هذة الحفلة لا يتلائم مع طبيعتها ولكن لماذا جاءت هذة الفتاه الجميلة الرقيقة الي حفلة ابسط مايقال عليها مستواها مبتذل حيث يوجد من الفتيات الاتي يتمايلن علي الرجال وفي ايدهم كؤؤس الخمر والرجال التي اذهبت عقولهم الخمر وفي حالة يرثي لها فلماذا تأتي فتاه مثل بطلتنا حفلة مثل هذة سوف نعرف كل هذا
داليا :اية يا رهف واقفة كدا لية لوحدك انتي جاية تقعدي علي جمب وتشربي عصير ما اجبلك بقا كوباية زبادي عشان تتعشي وتنامي
رهف بخنقة :انتي عارفة ياداليا وقلتلك مليش في الجو دة وانتي اللي صممتي تجبيني سيبيني في حالي بقا (رهف فتاه جميلة ملامحها هادية عينين عسلية وشعر دهبي لون الشمس وبشرا بيضا صافية وعندها 23 عام خريجة كلية الحقوق من اسرة متوسطة الحال والدها متوفي وكان يعمل موظف في احدي الشركات وبعد موتة اصبح معاشهم قليل والام ربة منزل ولكن بعد وفاه زوجها اصبحت تشتغل من منزلها في الخياطة حتي تقدر علي مصاريف اولادها فرهف لها اخت في المرحلة الثانوية واخ في المرحلة الاعدادية )
داليا :انا غلطانة اني جبتك تفكي عن نفسك وتشوفي ناس نضيفة
رهف :*بضحكة سخرية* نضيفة هي فين النضافة دي دة قرف شامة ريحة الخمرة اللي طالعة منهم ولا منظرهم حاجة تقرف
داليا :خلاص خلاص شوية وهروحك كتك الهم طول عمرك وش فقر
رهف :طب ماشي شكرا خلصي بقا
مشيت داليا او زي مايقال لها دولي في هذا الوسط وظلت بطلتنا واقفة وعلي وجهها علامات الغضب مما تراه
رجعت رهف بزاكرتها الي بضعة شهور
احمد :خلاص يارهف مش هينفع نكمل مع بعض انا لسة مكونتش نفسي واهلي مش عاوزين يساعدوني اعمل اية
رهف :يعني اية يا احمد هتتخلي عني بعد حب 4 سنين طب ازاي هتقدر تعيش من غيري دة انا كل حاجة في حياتك زي مافهمتني ولاكنت بتضحك عليا
احمد :عمري ماضحكت عليكي وانتي عارفة كدا بس الظروف اقوي مني اهلي عاوزيني اتجوز بنت عمي عشان الورث وبابا حالف عليا لو اتجوزتك هيتبري مني
رهف :خلاص يا احمد احنا مش محتاجين فلوسهم ونكون نفسنا مع بعض انا هستناك العمر كلة بس متسيبنيش انا معرفش حد غيرك ومعرفتش الحب غير معاك
احمد :رهف ارجوكي متصعبيش عليا الموضوع احنا خلاص مش هينفع نتقابل تاني خلاص كل شئ انتهي
رهف :بالبساطة دي كلمة تنهي كل حاجة فعلا كل شئ انتهي عشان انت ضعيف وابوك هو اللي ممشيك وانا مش هعيش مع واحد ملوش كلمة ومش راجل في كلمتة ياخسارة كل لحظة حلوة عشتها معاك واياك اشوف وشك في حتة تاني
ومشيت رهف ودموعها مغرقة وشها )
فاقت بطلتنا من الشرود وعلي خديها دمعة تساقطت غصب عنها ولكنها مسحتها بسرعة عشان محدش ياخد بالة
واثناء وقوفها جاء احدي السكاري يحدثها
الرجل :اية ياجميل يا طعم انت واقف لوحدك لية
رهف بغضب :لو سمحت ابعد عني ملكش دعوة بيا وسيبني في حالي
الراجل :اسيبك اية ياجميل هي الحاجة الحلوة تتساب
رهف بصوت اعلي قولتلك ابعد عني عشان مقلش أدبي عليك
الرجل :الظاهر انك شرسة اوي وانا بحب النوع دة
رهف وكادت ان تصفعة واثناء هذة اللحظة !!
دخل الحفل شاب في الثلاثين من عمرة وحولة رجال حراسة ويظهر علي هذا الشاب الغني الفاحش والذي تجمع حولة اكبر رجال الحفل لاستقبالة
ياتري من هو هذا الثري وماهو قصتة معنا
(آسر عمره 30 سنة ابن اغني اغنياء البلد ولكنة مع هذا لم يكن مستهتر فهو من صغر سنة يعمل مع والدة واثبت جدارتة في العمل وجاد جدا ولكنة وسيم جدا وملامحة هادية فعينية يميلان الي البني الغامق وشعرة ناعم اسود وتظهر علية ملامح الرجوولة وبشرتة قمحاوية ولكنة قمة في الشياكة ورائحة عطرة ملئت ارجاء الحفلة وهو الولد الوحيد ل أنور باشا الرجل الغني ولدية اختان فقط اها وكل بنات البلد يتمنوة )