حبك غير حياتي

2

وصلنا الحلقة اللي فاتت ان رهف كانت نازلة تشوف موضوع الشغل وهي في الطريق حد خطفها ياتري مين هنعرف

رهف :ارحموني بقا وسيبوني انا مش عملتلكوا حاجة
وفجأة دخل عليهم راجل والكل قام وقف
الراجل :بص لرهف بصة انتصار وغيظ كانت هتحرقها
رجل العصابة :اتفضل يافريد بيك الامورة اللي طلبتها اهو كدا بقا تعرف ان وراك رجالة
اللي تطلبة يجيلك في الحال
فريد :عارف عارف ما انتوا برضة بتاخدوا فلوس كتير مقابل شغلكوا
*رهف قاعدة عمالة تعيط وخايفة اوي وافتكرتة دة الراجل اللي كان في الحفلة اللي اتوعدلها*
رهف: هعمل اية بس منك لله ياداليا انا مالي ومال الناس دي
فريد بية :اية صوتك مش طالع يعني
رهف :انت عاوز مني اية
فريد بيك :عاوز اعلمك الادب
رهف :انا متربية وعندي ادب غصب عن اي حد
*فريد بيك قرب منها وراح ضربها بالقلم خلها تبكي بكل مافيها*
وقالها انا هعرفك تكلمي اسيادك ازاي وقرب منها اوي وهيهجم عليها
وبدات رهف تصوت وتترجاه يبعد عنها وهو ولا سامع صوتها وحاول يقطع هدومها ولكن فجأة
رن موبيلة رد بكل قوة الووووو
فريد: يعني اية الكلام دة انتوا بتستهبلو
خلاص خلاص انا جاي حالا اشوف المصيبة دي
*قفل التلفون وبص لرهف وقالها حظك وليكي نصيب معلشي تتعوض ياقطة ولو اني كنت عاوز اخد حقي منك وسابها ومشي*
رهف فضلت تبكي بكل وجعها وتفتكر وترجع لزكرياتها وتقول لو مكنتش سيبتني كان زمانك حمايتي وكان زمانك اماني
وفضلت رهف تبكي علي حالها
ـــــــــــــــــــــــــــــــــــــــــــــــــــــــــــــــــــ
بيتكلم في التلفون يعني اية متعرفش مين دي
هو انا مشغلكوا عندي عشان تقولولي معرفش في ظرف يوم لو مجتش عندي هتبقوا كلكوا مرفوضين
ورمي كل اللي علي المكتب في الارض
ازاي بنت زي دي تعمل فيا انا كدا اما وريتك
بس الاقيكي وهخليكي تندمي
ـــــــــــــــــــــــــــــــــ
نرجع للمكان اللي فية رهف
رجل العصابة :فريد بية هنعمل اية مع البنت اللي جوا دي اؤمرني
فريد بية :انا عاوزها تتربي وبس
رجل العصابة :انت تؤمر وضحك ضحكة كدا فريد بية فهمها
فريد :لا مش اللي في دماغك خالص البنت عاوزها تتادب يعني تضرب وبس فاهمني
رجل العصابة :فهمتك بس لية ياياشا
فريد بية :عشان محدش ياخد حاجة كانت في ايدي واللي انا معرفتش اخدة انت متاخدوش فهمت
الرجل : فهمت ياباشا

ودخل علي رهف اللي كانت خلاص هتموت من التعب
قالها اما ادخل تقومي تقفي يابت انتي
رهف بتحاول تداري ضعفها
رهف :وانا اقفلك انت لية رئيس الوزرا
الرجل :ظاهر انك متعرفيش انا مين وعاوزة تتربي
ونزل فيها ضرب في كل مكان لحد ماوقعت جثة هامدة بين ايدة
مسكها الرجل وقال ياخسارة لولا الراجل منعني منك كان زماني مقضي معاكي احلي ليلة وانتي مشفتش في جمالك كدا
وسابها ومشي
الراجل بيكلم فريد: فريد بيك ادبتها خلاص وعرفتها قيمتها بس خلاص مبقتش قادرة تقف اؤمرني
فريد :استنوا اخر الليل وارموها من مكان ما اخدتوها
ــــــــــــــــــــــــــــــــــــــــــــــــــــــــــــــــــــــــــ
في بيت رهف اللي الام كانت هتموت من القلق علي بنتها
الأم: قومي يابسمة روحي عند داليا يمكن تكون عدت عليها او تعرف حاجة
بسمة :حاضر ياماما بس اهدي بس هتكون كويسة متقلقيش
الام :قلبي واكلني عليها اوي يابسمة
وراحت بسمة لداليا اللي اول ماعرفت قلقت وقالت لبسمة انها اخر مرة شافتها امبارح بليل
داليا خافت ليكون اسر نفذ تهديدة طب اعمل اية دلوقت
قامت داليا اتصلت بواحد من الناس اللي تعرفهم عشان يوصلها باسر بية
داليا :الو ياممدوح متعرفش اوصل لاسر بية ازاي
ممدوح :انتي اظاهر اتجننتي هو سهل كدا حد يوصلة
داليا :ارجوك حاول تساعدني وعمري ماهنسالك الجميل دة
ممدوح :هحاول
وبعد ساعة كلم ممدوح داليا وقالها انة يعرف واحد من رجالتة وهو مستعد يساعدها بس في مقابل طبعا
داليا :واية المقابل
ممدوح :تقضي معاه ليلة كاملة
داليا :سكتت كدا وفضلت متنحة
ممدوح :ها
داليا :مفيش طريقة غير كدا ارجوك ياممدوح حاول
ممدوح :مفيش دة شرطة
داليا :خلاص موافقة
وقفلت معاه وقالت زي ماورطها لازم ارجعها انا السبب هي ملهاش في الحاجات دي وفضلت تعيط
وافتكرت ورجعت بالزاكرة اول يوم باعت نفسها فية اما كانت عاوزة تعمل اي حاجة عشان الفلوس وتبقا غنية واما كانت بتحب وليد اللي باعها لاقرب رجل اعمال مقابل الفلوس ومن ساعتها وهي حلفت هتبقا اغني واحدة وهتلعب علي الكل وهتستغل كل حاجة مقابل تبقا من الناس الاغنية
رجعت داليا لنفسها :بس رهف لايمكن تبقا زي لايمكن اسمح ان حد يمسها انا هرجعها
ـــــــــــــــــــــــــــــــــــــــــــــــــــــــــــــ
عند رهف اللي فضل مغمي عليها من اثر الضرب
دخل عليها رجل العصابة يديها تاكل لقاها مش بتنطق
قعد يهز فيها مش بتنطق
الرجل :يانهار مش فايت هي البت ماتت ولا اية
راح ينادي فريد بية وقاله
فريد :اتخلصوا منها باي طريقة
وفعلا اخدوها ورموها في نفس المكان وكانت الساعة 10 بليل
في الوقت دة كانت داليا في طريقها لواحد من رجالة اسر عشان تديلة حق انة يخليها توصل لاسر
وصلت داليا
داليا :ها هقابل اسر بية امتا
رجل اسر :مش اما تدفعي الاول
داليا :نتفق الاول
الرجل :ماشي عاوزاه لية
داليا :شئ ميخصكش
الرجل :هساعدك بس اعرف
داليا :في بنت ضربتة في الحفلة البنت دي اختفت انا عاوزاه يسيبها دي غلبانة وملهاش في حاجة
الرجل :اتصدم نعم اختفت دة اسر بية لو عرف هنروح فيها دة قالب الدنيا عليها انتي تعرفيها منين
داليا :نعم يعني مش اسر بية اللي خطفها امال مين
واعرفها منين دي رهف صحبتي وجارتي واسر بية عاوزها لية
الرجل :معرفش معرفش
داليا :يبقا كدا الاتفاق ملغي
الرجل :هو اية اللي ملغي ياقطة
داليا :بقولك ابعد عن وشي الساعة دي
وسابتة ومشيت
رجعت داليا البيت وهي مش عارفة تعمل اية وتوصل لرهف ازاي كل ماتشوف أم رهف ازاي هتموت علي بنتها قلبها يوجعها
ياتري يارهف انتي فين
جت الساعة 1 وسمعوا حد طالع علي السلم ببطئ
ايوا هي رهف بس في حالة يرثي لها
جريوا الكل عليها واخدوها والام بقت تصوت وتبكي علي حال بنتها وجابولها الدكتور ونامت رهف اللي فاقدة الوعي تماما
في فيلا اسر راح  الراجل اللي عرف مكان رهف وهي مين
اسر :يعني اية محدش يعرف عنها حاجة اتخطفت! ماتت !اختفت !
الرجل :معرفش ياباشا
اسر :اخر مرة تقولي معرفش اتفضل اقلب عليها الدنيا ومترجعش غير وانت عارف كل حاجة اتفضل
سابه الرجل وهو في حالة لايحسد عليها
هتكون راحت فين دي ياتري مين اللي خطفها
وجية تاني يوم والكل في انتظار ان رهف تفوق فاقت رهف لقت الكل حواليها
داليا :اخيرا مالك يارهف مين ياحبيبتي اللي عمل كدا
فضلت رهف تبكي في حضن داليا وفضل جسمها يرتعش
الام فضلت تبكي علي حال بنتها
وحكت رهف كل حاجة لداليا من ساعة ماخرجت لحد مارجعت بالشكل دى
داليا :يعني الزفت فريد بية هو اللي عمل كدا اما ربيتة
رهف :خلاص ياداليا ارجوكي ملناش دعوة بية
داليا :يعني اية اما خليتة يندم ملكيش دعوة انتي بالحوار التعبان ده ميلزموش غير حية تجيب اجلة
رهف :ارجوكي ياداليا كفاية اللي حصل
\داليا :خلاص يارهف انتي عارفة انا كنت مفكرة اسر بية هو اللي عمل كدا بس بقولك دة قالب عليكي الدنيا
رهف :نعم يالهووووووي انا ناقصة اعمل اية بس
انا عملت اية لكل دة
داليا :انا اسفة يارهف حقك عليا انا مش هخلي حد يقربلك متقلقيش
ارتاحي انتي بس دلوقت
وعدي اليوم علي رهف اللي كانت بتتالم فية في كل لحظة
وجية تاني يوم ورهف لسة صاحية من النوم وفجاءه الباب خبط جت تفتح لقت
هنعرف بكرا مين اللي خبط عليها
ياتري اسر هيعرف يوصل لرهف وهيعمل فيها اية
وداليا هتتصرف ازاي هنعرف كل دة..........