وقفنا البارت الي فات لما لينا وعمر سمعو صوت ضرب نار يلا نكمل
≈≈≈≈≈≈
عند لين وقصي وهما في العربية
قصي : وبعدين بقي يا اختي هنروح الشركة ازاي بهدومنا دي
لين : والله انت بتسالني انا ما انت لو كنت محترم مكنش بابا دلق علينا المياه لكن ازاي لازم تقل ادبك وخلاص
قصي : طب انا راضي ذمتك حد يبقي واقف قدامك بالحلاوة والطعامة دي ويقف محترم بردو دة انتي تحمدي ربنا ان بوليس الاداب مجاش لمنا 😂
لين بضيق وكسوف : اوووف طب خلاص اسكت بقي واتفضل شوفلنا حل
قصي : عيوني يا جميل انت تأمُر وانا انفذ
قصي راح عند مول كان قريب منة وراح داخل هو لين والناس كانو مستغربين من حالتهم المبهدلة دي بس هما مهتموش ودخلو غيرو لبسهم وخرجو تاني وراحو الشركة
≈≈≈≈≈≈
عند عمر ولينا
عمر اول ما سمع صوت ضرب النار خد لينا في حضنة والحراس كانو حواليهم بيحموهم لحد ما عمر شاف مين الي بيضرب نار وشاور للحراس علي بناية كبيرة قصاد الشركة وكان القناص واقف علي سطحها واول ما الحراس بعدو عن عمر عشان يمسكو القناص راح القناص استغل الفرصة دي وضرب نار علي عمر بس مجاتش في هي بس سببتلة جرح سطحي وبعدين الحراس مسكو القناص وودو في *** وطبعا لينا الي عندها فوبيا من كل حاجة كانت بتصرخ بهستيريا اول ما شافت الدم
لينا برعب : د...ددم ..ع..عمر...د.دة...دمممم ...لالالالالا او....اوعي تموووت لالاااااا دة ...نار ...ضرب...نار... عمر ...خ...خلي...خليهم.....يس.....كتو
وبعدها لينا فقدت الوعي عمر كان بيحاول يفوقها ويهديها بس هي كانت في عالم تاني واول ما اغمي عليها عمر شالها بسرعة وطلع بيها علي المستشفي وكمان عشان يشوف ايدة الي اتجرحت
عمر وصل المستشفي والممرضين خدو لينا منة وودوها قسم حالات الطوارئ وعمر كل دة قلقان عليها ومش راضي يعالج جرحة الا اما يطمن عليها الاول واخيرا الدكتور خرج
عمر بلهفة وخوف : هااااا طمني يادكتور ارجوك ليناا عاملة اية هي كويسة صح رد عليااا اخلص
الدكتور : يابني انت مش مديني فرصة اتكلم هطمنك ازاي كدة اهدي شوية واسمعني
عمر بغضب عشان خوفة علي لينا : اخلص مش هتزفت اهدي قولي لينا مالها واتأخرت كل دة جوة لية انطق
الدكتور بهدوء : طيب ياريت تتفضل معايا عشان مينفعش نتكلم هنا
عمر بنفاذ صبر : اتفضل قدامي
الدكتور دخل المكتب وعمر راح دخل وراة وقفل الباب وقعد يسمع الدكتور
الدكتور : بص يا استاذ عمر حضرتك عارف ان الانسة لينا فاقدة الذاكرة من فترة صح
عمر بقلق : ايو صح ولسة مرجعتلهاش بس حضرتك بتسال لية دلوقتي هي كويسة صح
الدكتور بهدوء : هي حاليا كويسة بس بسبب الي حصل دة شوش علي الذاكرة عندها وعقلها الباطن صورلها ان الي حصل حقيقة وانك مت عشان كدة هي مش عايزة ترجع للواقع ودخلت في غيبوبة بس
عمر بقلق اكبر وخوف : بس اية؟
الدكتور : للاسف الغيبوبة دي لو طولت عن اربع ايام هتفقد الذاكرة كلها ومش هيبقي في امل انها تفتكر حاجة تاني وكمان ممكن بدل ما ياثر علي الذاكرة يأثر علي حركة جسمها عشان كدة لازم حضرتك دلوقتي تروح عندها وتكلمها تقنعها انك عايش وان كل دي اوهام دة هيديها دافع ان هي تقاوم الغيبوبة وترجع تصحي تاني
عمر بخوف وامل : شكرا وعن اذنك انا هروحلها دلوقتي
الدكتور : استاذ عمر لحظة من فضلك
عمر : خير
الدكتور : اتفضل اقعد تاني عشان اعقملك الجرح واخيطة
عمر : لا انا لازم اروح اشوف لينا
الدكتور : مينفعش تدخلها كدة هتنقلها جراثيم بسبب الجرح ودة غلط عليك قبل ما يكون غلط عليها اتفضل اقعد بعد اذنك
عمر باستسلام : حاضر
الدكتور عقم لعمر الجرح وعمر راح عشان يدخل للينا بس افتكر ارسلان وقصي واسر وانة لازم يكلمهم عشان يجو
عمر جرب يتصل بيهم كتير بس للاسف كلهم تلفوناتهم مقفولة فراح داخل للينا و اول ما دخل وشافها وهي قاعدة علي السرير وبشرتها شاحبة قلبة وجعو عليها اوي عمر راح وقعد جنبها وقال
عمر : لينا حبيبتي...يلا قومي انا هنا يا قلبي متخوفينيش عليكي اكتر من كدة انا مش هصدق كلام الدكتور الاهبل دة متخافيش بس انتي قومي يلا وبعدين انا مكنتش اعرف اني غالي عليكي اوي كدة بس قومي عشان خاطري انا بموت وانا شايفك كدة من غير ضحكتك وغمزاتك انا كويس اهو والله كل الي حصل دة كان كابوس وحش وانتي هتصحي منة بس عشان تصحي لازم تفتحي عينك يلا فتحي وكل حاجة هتنتهي صدقيني وهتلاقيني قدامك
عمر خلص كلام وبص للينا بامل بس معملتش اي رد فعل عمر قرر يخرج بس قبل ما يخرج سمع صوت
≈≈≈≈≈≈
في فيلا مهجورة في الصحراء
في خمس اشخاص قاعدين وعاملين يتكلمو تعالو نشوف
مجهول 1 : وبعدين الي حصل انهاردة دة مش لازم يحصل عمر كان ممكن يروح فيها واحنا مقدرناش نحمي لا هو ولا لينا حتي
مجهول 2 : يعني كنا هنعمل اية احنا متكتفين هنا مش عارفين نعمل اي حاجة
مجهول 3 : بس احنا علي الاقل لازم نحاول عشانهم
مجهول 4 : هي معاها حق احنا لازم نحاول ومنستسلمش
مجهول 5 : مفيش غير حل واحد حد فينا لازم يظهر عشان يبقي قريب منهم وعارف اخبارهم
مجهول 1 : انت اكيد اتجننت ظهورنا هيدمر كل حاجة احنا عملناها ومش بعيد ساعتها عمر ولينا يموتو بجد
مجهول 4 : خلاص يا جماعة انا عندي خطة كويسة بحيث منتكشفش ونبقي قريبين منهم
مجهول 2 : اية هي
مجهول 4 :بصو الخطة هي...............
≈≈≈≈≈≈
البارت خلص يا قمرات
باي 🍒♥️
💜 Love you all💜
أنت تقرأ
وشاء القدر ان يجمعنا 🌹
غموض / إثارةانا كاتبة رواية شاء القدر ان يجمعنا بس الحساب بتاعي اتغير هرجع انزل الرواية هنا من اول موقفت وهبعت لينك الرواية للبارتات الاولي للي عايز يقراها اتمني ان الرواية تعجبكو😍 ❤❤
