#يوميات_نمره
الفصل الثاني
فتاه متنمره
الكل اتصدم من كلام بلال و نمره يحيى اعتذر ومشى و مها دخلت أوضتها من غير متعاتب نمره طه وقف مصدوم ومش عارف يتعامل إزاى معاهم ونجمه مشيت لانها كانت أخر فرصه لهم لكن انتهت برفض نمره طه دخل أوضته وهى راحت أوضتها ومتعصبه وزعلانه لأنها مش بتحب تزعل أمها منها ،، قامت الصبح ودخلت المطبخ تحضر الفطار علشان تلطف الوضع بينها وبينهم شافتهم بيفطروا راحت قعدت بهدوء .....
طه : والد نجمه هيوصل أخر الأسبوع أتمنى يا أمى تفكرى مش علشان تهور بنتك هدمر حياتى بعد إذنكم ........
خرج بسرعه قبل والدته مترد عليه والتفتت لبنتها : هو خوفى عليكى غلط عاوزه اطمن عليكى قبل م أموت عاوزه أروح لأبوكى وأنا مطمنه بس خلاص أوعدك مش هتدخل فى حياتك تانى إنتى مش صغيره ......
نمره بدموع وقفت وضمت والدتها بخوف : ليه كلامك ده عاوزه تسبينى إنتى كمان زى بابا خلاص بلغيهم إنى موافقه ......
ماشيه لكن مها وقفتها : مش علشان واحد ميستاهلش هتعيشى تتألمى هو عاش حياته فكرى فى نفسك بقى .......
نمره بألم : كلكم حذرتونى منه بس رفضت أصدق بس لما فوقت من الوهم إكتشفت لعبته أيوه لعب بيا وخدعنى بسببه معنديش ثقه فى اى شخص يقرب منى ،، ماما غصب عني صدقينى مش سهل أنا قعدت شهرين اتعالج بسبب خيانتهم ليا هو وصاحبتى كانوا بيخنونى أنا موجوعه أوى صدقينى محتاجه أحس بأمان ........
مها ضمتها أوى وكان نفسها تخبيها جواها لكن هى أم عاوزه بنتها تعيش وتنسى الماضى اللى معيشه نفسها فيه قفلت قلبها تماما وخايفه تفتحه تتوجع مره تانيه لكن وعدت نفسها ترجع الفرح والضحك لحياة بنتها تانى بأى تمن بعدت عنها ومسكت وجهها بايدها وبحب ،،،،،،
مها : حبيبتي الحياه بنشوف فيها الخير والشر ولازم نكون متوقعين أى شئ اتعلمت مثقش فى حد أسيب مسافه فى أى علاقه علشان لو انتهت متوجعش أه هتألم شويه لكن هرجع أقوى ،، بنتى اللى عارفها مش ضعيفه أبدا بالعكس قويه ومش بتستسلم بسهوله الحياه دايما بتختبرنا أنا أمى ماتت و أنا صغيره عشت مع مرات أب وتقدرى تتخيلى الحياه بتكون إزاى عارفه اتعذبت قد أيه ،، اقولك سر فى الجامعه حبيت واحد زميلى وكان غنى بس هى خطفته لأختى بنتها علشان تضمن حياه حلوه لها وأنا مش مهم وكمان خدعت بابا وباع لها كل ممتلكاته باسمها علشان تحرمنى من حقى ،، هههههه يوم م مات طردتنى بعد الجنازه خافت على بنتها منى وإنى أخطف جوزها لولا جدتك وقتها مش عارفه كنت هعيش إزاى قررت إنى أحارب علشان حياتى ويوم م قابلت أبوكى كنت تايهه زيك كده حارب علشان يثبتلى أنه لازم أعيش حياتى صدقينى بلاش خوفك وبلاش تضيعى أحلى سنين عمرك أفتحى قلبك ،، فكرى تانى و هستنى رأيك بس باقتناع أه الشركه اللى كنتى راحه تشتغلى فيها طلبوكى وقالوا ميعادك الاخير النهارده يلا عيشى حياتك بقى واضحكى زى زمان ........
نمره ضمت والدتها وباستها وخرجت علشان المقابله 😂😂
(طبعا هى متعرفش للوقتى إنه بلال صاحب الشركه نشوف هيحصل أيه استر يارب 🙏🙏 )
طه وصل المستشفى وقابل نجمه اللى ابتسمت خاصة بعد مكالمة والدها اللى فاجئتها ،، بعد مرجعت من عند طه بالليل وهى زعلانه لأن علاقتهم هتدمر مش هتقدر تختار بين والدها و حبيبها شافت موبايلها بيرن باسم والدها كانت هتقفل بس تراجعت وقررت تكلمه :
والد نجمه : أنا هوصل أخر الأسبوع علشان نحدد ميعاد فرحك إنتى و طه ......
نجمه بتردد : أيوه يا بابا بس يعنى .......
والد نجمه : طه كلمنى الصبح وقال إن والدته وافقت على جوازكم ........
نجمه بذهول وفرحه : أيوه بس إزاى مش فاهمه .......
والد نجمه : جهزى نفسك و فستان الفرح هدية حازم لكى هيوصل عندك بكره ......
فاقت على صوت ممرضه بتنادى عليها بسبب حاله وراحت معاها هى و طه .........
