فصليتي وحر بيها (مكتملة)

البارت السابع

السلام عليكم أشلونكم انشاء الله تمام
بارت جديد قراءة ممتعه
كاتبتكم روز
Roz Fars.

ترف ضليت وقت طويل ب غرفة حتى ضجت فجئه اندك الباب  كلت اتفضل

سيف  أخاف ازعجتج بس اذا تريدين كومي غسلي راحو الناس

ترف  شكرا بس وين الحمام

سيف تعالي ادليج وديته ع حمام و تشكرت مني و عفته بس سبحان الخالقه ماشاء الله (سوالف سيف مثل سوالف العجايز هههه)

خنجر   كعدت و كلبي يوجعني من الخنكه صدك حسيته الهوى فراشت كليبي وين طرتي و و عفتي كلبي مفرفح عليج كمت رجعت للبيت لن عندي حجي أريد احجي ويه الفصلية

ترف غسلت و رجعت كعدت ب غرفة بس منزعت حجابي خفت ليجي أحد وره اشويه اجه نفس الولد كال هاي جنط مالتج رح احطهن هنا كتله تمام

سيف   اعرفج علي أنه سيف أخو خنجر زوجج وانتي شنو اسمج

ترف  ترف اسمي

سيف عاشت الاسامي خويه اخذي راحتج رايح اني

ترف  الله وياك

خنجر رجعت للبيت شفت سيف كاعد يلعب ب بتلفونه  السلام عليكم

سيف وعليكم السلام
خنجر  سيف وين هل فصلية لعد
سيف ب هاي الغرفه بس شنو خوخو غير نيالك عليهه والله جهرهه تموت

خنجر  أنجب سيف و عيونك لا تبصبص تره اشلعهن الك هاي مرتي

سيف  هههه ماشي خويه ماشي جا هيه غير حسبت اختي   

خنجر عفته ورحت دكيت الباب

ترف  اني ضالة ع كعتي و اندكت الباب كلت اتفضل

خنجر   السلام عليكم

ترف  رفعت عيني و شفت نفس الولد ضليت مصدومة حتى مرديت ع سلام بس فاتحه حلكي هذا شجابه معقولة هوه زوجي سيف من كلي خنجر معبالي هوه نفسه بس عبالي نفس الاسم 

خنجر  أشو سلمت مردت اني منزل عيوني عرفت عيني شفت نفس العيون معقولة لا اكيد صدفة يي اكيد صدفه بس شكد حلوه هل فصلية بس هم اكيد متحلى بعيني غير فراشتي  كتله السلام لله

ترف هوه مدري شنو يحجي و اني بالي مو يمه اصلا  مستغربه من الصدفة الي جمعتنه و حطته كبالي و صار زوجي بس لا اني فصليته و اكيد علاقتي بي بأول مو نفسه هسه

خنجر  انه اجيت احجي وياج بمواضيع اتخص حياتنه

ترف   عزه شنو يريد يحجي بس لا عرفني

خنجر  انتي متسمعين طرشه خرسه 

ترف  أخاف احجي و أخاف يعرف صوتي

خنجر هسه المهم مالي شغل بيج اسمعي زين اني وياج مثل الغربه اني لا اعتبرج فصليتي و لا مرتي و لا ايشي يخصني غراضي مالج دخل بيه عجبج اتنضفين نضفي معجبج طبج طوب لن وجودج و عدمه نفس الشي ها و خلي ابالج شغله ماريد أحد يدري بهل كلام ابغرفتي تنامين افتهمتي ماريد احجي يحس انو انهم زوجج رسمي  حجيت هل اسطوانة كله و مدابوع بوجه كملت كتله فهمتي