صل على رسول الله
ـــــــــــــــــــــــــــــــــ
هاشم قال ليها ماف حاجة يارغبه قالت ليهو لا في حاجة حتى هتان لاحظت للحاجة دي قال ليها خلاص بقيتو صحبات وبتلاحظو كمان قالت ليهو لما انت تعمل علينا دور الحارس وتمم علينا في جامعاتنا وكل يوم تجي تاخدنا زي الأطفال معناها غصبا عننا ح نلاحظ هاشم قال ليها يعني متضايقه من إني م قاعد اسيبك تمشي وتجي براك قالت ليهو ياريت لو جات على كدا وبس انت م بتخلي حد يقرب مني وكل م تشوفني قاعده مع شله تجي تسوقني من نصهم ليه ياهاشم في شنو م هو انا لازم اعرف هاشم قال ليها كلمتك يارغبه الف مرة م اشوفك قاعده مع ولد لأي سبب من الأسباب قالت ليهو طيب مسجلني في جامعة مختلطة ليه وانت ليه بتعمل كده قول لي وقف العربية على جنب ورغبه كانت دموعه في عيونه قال ليها افهمي يارغبه انا م بخنقك انا م بضمن الأولاد الحوليك بالجد هما ح يأذوك انا م عايزك تتأذي لأنك انتي لسه بريئة يارغبه م بتعرفي هما بفكرو كيف قالت ليهو لا دا م السبب ياهاشم هاشم قال ليها افهمي يارغبه قالت ليهو أفهم شنو ياهاشم انت ليه بتعمل كدا قال ليها لاني بحبك يارغبه بحبك وبغيير عليك وم عايز اشوف حد حوليك وم عايز حد يأذيك قالت ليهو قلته شنو انت بالجد بتحبني طيب وليه ساكت انت ياهاشم ليه م كلمتني وبدت تبكي هاشم قال ليها انتي على طول بتبكي يارغبه انا م بستحمل دموعك مسكه من رأسه وباسه وهي كانت لسه بتبكي بس فجأة سكتت وبصوت مليان بكى قالت ليهو هاشم انت ليه بتتنفس كدا ونفسك سخن كأنك عيان رجع مقعدو قال ليها لا انا م عيان ولو كلامي م عجبك انسيهو كأنك م سمعتيهو رغبه قالت ليهو أنساهو كيف اذا انا كمان بحبك وغطت وشها بايدا هاشم قال ليها دقيقة قلتي شنو نزلي ايدك وقولي لي قلتي شنو قالت ليهو قلته انا كمان بحبك قال ليها بالجد يارغبه قالت ليهو ايوا قال ليها يعني انتي خلاص بقيتي حبيبتي قالت ليهو ايوا انا بقيت حبيبة العجوز الغياظ وقعدت تضحك قال ليها هووس ياشافعة قالت ليهو ح نكمل بعض صاح هاشم قال ليها وعد مني يارغبه أحبك اكتر من نفسي رغبه قالت ليهو وانا محمد ماسك تلفونو اتصلت عليهو منى ردا بسرعه قبل م تقول حاجة منى قالت ليهو انا موافقة يامحمد موافقة اتزوجك محمد قال ليها انا م قادر أصدق قالت ليهو صدق قال ليها طيب ماف وقت لاني ناوي اخطفك سريع قالت ليهو براحة قال ليها لا وكلمي ناس البيت جايينكم الاسبوع دا قالت ليهو محمد قال ليها ولا نص كلمه منى بتضحك وقفلت محمد كان م باقي إلا يقوم يرقص اتصل على هاشم رغبه قالت ل هاشم تلفونك هاشم قال ليها محمد المزعج هاشم رد عليهو ومحمد حكى ليهو وكان مبسوط هاشم قال ليهو مبرووك انتظرني انا ح اجيك محمد قال ليهو منتظرك اتحرك هاشم وهناك علي قاعد في النار منتظر وتين تتصل في أثناء م بتكلم مع نفسو تلفونو ضرب شاف الاسم لقاها وتين رد من غير م يوعى وكان بكذب نفسو انو دي م هي لحد لما جاهو صوت وتين وهي بتقول الو علي قال ليها وتين قالت ليهو ايوا وتين ياعلي وتين الانتا كسرتها بتتذكر قال ليها سامحيني قالت ليهو بشرط قال ليها موافق قالت ليهو إنك م توجعني تاني ياعلي اوعى توجعني تاني ياعلي علي قال ليها بوعدك إني م اوجعك انا لو وجعتك ح اوجع روحي قالت ليهو عندك فرصة واحدة ياعلي انا موافقة إنو نكون مع بعض
بس اوعى تغلط علي قال ليها بوعدك ياوتين وعشان أثبت ليك انا ح اجي واطلبك من اهلك وباسرع وقت قالت ليهو انا موافقة علي كان بيقول اكيد انا بحلم هاشم وصل رغبه البيت وقبل م تنزل قال ليها بحبك قالت ليهو يلا باي قال ليها ح اتصل عليك بعدين هاشم مشى لقى محمد قاعد وشوية وعلي كمان جا كانو مبسوطين ومازن بعاين ليهم بعينو قال ليهم نفسي أفهم انتو الهداية دي نزلت عليكم فجأة كيف اتنين عايزين يتزوجو والتالت بحب زي المجنون والرابع عرس وحالياً في شهر العسل طيب وانا تاني منو الح يطلع معي هاشم قال ليهو انت كمان اتلم بسرعة عدت الأيام ومحمد وعلي خطبو رسمي وهاشم ورغبه كانو عايشين قصة حب لدرجة الجنون طول اليوم مع بعض وهاشم كان على طول بتفادى انو يكونو مع بعض لوحدهم بس كان على طول بيلقو نفسهم براهم في البيت هاشم بيطلع بخلي البيت كمان رغبه بتزعل بس بترجع تتبسط لانو هاشم خايف عليها وبدت تفكر في كلام هاشم انو ممكن يتزوجو وتواصل جامعه من البيت بس هي رفضت بس قالت ليه م أوافق إشراقة اتصل عليها سامر من أمريكا قال ح يجي بعد أسبوع سامر دا ولدا أكبر من سامرين كانت طايرة بالفرح انو ولده جاي بعد تلاتة سنه غربة عرس محمد وعلي قرب وهاشم جاري معاهم في التجهيزات قررو انو علي يتزوج الجمعة والجمعة البعدها محمد يعني بعد أسبوع من بعض خالد جا من شهر العسل هتان جات قعدت مع رغبه في البيت عشان عندها امتحانات وكمان جاريين السوق بجهزو للعرس رغبه لما كانت بتحكي لي هتان هتان عرفت انو هاشم بحب رغبه ومستحيل يحبها وقتها قررت تنسى هاشم هاشم كل آخر ليل بيتصل على رغبه بيحكي ليها عن يومو والتعب وهي كمان بتحكي ليهو عن يومه قال ليها رغبه قالت ليهو نعم
قال ليها فساتينك جهزو قالت ليهو لسة قال ليها م يكونو ضيقين وم يكون كم كامل فاهمة قالت ليهو حاضر خلص للأسبوع وسامر جا وكانت إشراقة طايرة بالفرح لقى رغبه وهتان قاعدين سلم عليهم هاشم عرفو بي رغبه وكمان هتان سامر ولد وسيم لونو قمحي مايل للبياض من أول م شافتو هتان بقت م قادرة تشيل عيونه من عليهو أسبوع قبل عرس علي ووتين خالد جا راجع من شهر العسل واتلمت كل الشلة مازن قال ليهم بعد كدا ح تبقو نكديين انا اشوف لي شله غيركم تاني ونستكم كلها ح تكون مشاكل بيوتكم وجوطة اولادكم وانكم م قادرين تنومو بسبب جوطتهم ونقة نسوانكم خالد قال ليهو والله انا من هسي بديت اعاني وقامو يضحكو علي قال ليهم ياجماعة م نعرس ولا شنو..
#يتبع
