قسوه قلب

البارت الثالث

مامااااااااااا
دخلت ايسل منهاره على منظر مامتها وهى نايمه ف الأرض والبيت كله متكسر ايه اللى حصل ف ايه اتصلى بالاسعاف
مرات البواب : حاضر هكلمهم اهو
منار : لا لا محدش يتكلم
ايسل : ماما انتى بتقولى ايه انا متبهدله ايه اللى حصل حرامى دخل البيت ردى عليا
منار : لا مش حرامى انا مش قادره اتكلم دلوقتى
ايسل : نروح لدكتور حتى انا خايفه اوى يا ماما
مرات البواب : تعالى نشيلها ندخلها جوه وانا هرتب البيت
ايسل: منهاره ومش قادره تمسك نفسها
حاضر يالا نقومها
قومت مامتها ونزلت جرى ع الصيدليه تجيب اى حاجه الكدمات لأن وش مامتها كان متبهدل
روحت وهى مش قادره اصدق اللى بيحصل
مرات البواب : ست ايسل انا رتبت البيت اعملك حاجه تانى
ايسل ف حاله ذهول : لا لا شكرا أوى تعبتك معايا انا هدخل اشوف ماما
ماما انتى كويسه ايه اللي حصل هحطلك الكريمات دى واحكيلى انا مش مصدقه اللي. شوفته
منار بتعب : حاضر يا حبيبتي
منار : باباكى محتاج فلوس كتير اوى لان الشركه ممكن تفلس وقالى عشان ينقذ الشركه لزم تتجوزى من ابن صاحب الشركه اللى هو عاوز يشارك باباكى ف الشركه بتاعته ب٥٠٪ وانا قولتله لا وانك مش هترضي زعقلي قولتله حرام عليك بتعمل فيها ليه كدا كسر البيت وضربنى
ايسل بتعيط ومش قادره تاخد نفسها ومذهوله منه أن لدرجه دى ملهاش قيمه عنده ازاى عوز يبعها عشان خاطر فلوس بتحاول تتمالك نفسها قدام مامتها
ايسل : ماما انا بحبك اوى انا مش قادره اشوفك كدا واترمت ف حضن مامتها
منار : حبيبتي انا نفسي افرح بيكى وافقى وخلاص واهربي من ظلم ابوكى يمكن يبقا كويس
ايسل بذهول من كلام مامتها : اهرب اروح لنار تانيه ولراجل تانى ويعملنى كدا مستحيل أقبل كدا انى اعيش مكسوره طول عمرى
منار :انهارت من العياط
ايسل : انا اسفه يا ماما مش قصدى اقولك كدا انا كل يوم يبقا هموت عشانك عشان ضعفك وكسرتك انك قبلتى تكملى عشانى عوزانى اجيب بنت تعانى زى وميبقاش عندها ثقه ف حد
منار : متتأسفش يا حبيبتي انا عارفة انتى قد ايه تعبانه ونفسيتك تعبانه بسببه هقولك حاجه
ايسل : ايه يا حبيبتي عوزه حاجه
منار : هما هيجوا انهارده عشان يخطبوكى وبعد اسبوع بابكى قالي أنهم هيكتبوا الكتاب
ايسل بعصبيه : لا مستحييييل انا مش موافقه قومى نمشي من هنا نهرب منه نروح ف اي حته انا كل يوم بكره اكتر حرام كدا انا انسانه ارجوكى قومى نمشي
منار : انا اسفه حاولت ادافع عنك لكن دى النتيجه وهو مش هيسبنا ف حالنا وافقى ممكن يطلع كويس
ايسل ف ذهول : ممكن انتى بتقولى ايه يا ماما انا هرتب حياتى ع ممكن

جريت ايسل ع اوضتها كلمت مريم
مريم : الو ايسل طمنيني عليكى
ايسل: منهاره انا هموت يا مريم خلاص انا مش قادره ع العذاب دا
مريم: ايه اللى حصل فاهمينى طيب انا هجيلك سلام
ايسل نامت ع السرير والتفكير هيموتها تعمل ايه
تروح فين وهى ملهاش حد غير مامتها ومريم
....جرس الباب .....
مين
مريم افتحى
مريم انصدمت من شكلها ف ايه قوليلى طنط كويسه
ايسل :اه نامت من شويه لانى جيت لقتها متبهدله والبيت متبهدل
مريم: بابكى بردوه
ايسل: مش طايقه اسمع عنه اى حاجه
مريم: ايه اللى. حصل فاهمينى
ايسل: عوز يجوزنى لابن واحد عوز يشركه ف الشركه عوز يبعنى هو بيكرهنى ليه كدا هو أنا مش بنته انا بجد بموت من جوايا
مريم: خدتها ف حضنها اهدي يا حبيبتي طيب هنعمل ايه
ايسل :دول جايين انهارده كمان وكمان اسبوع هيكتبو كتابي انا هموت يا مريم
مريم: ايه الكلام دا ازاى كدا حرام عليهم
فجاه باب الشقه اتفتح
بابها
مريم: وقفت اهلا يا عمو احمد
احمد: اهلا
يالا يا ايسل ادخلى البسي عشان الناس جايين بعد ساعه
ايسل: لا مش هلبس انا مش موافقه ومستحيل هتجوز غول زيك يهين كرامتى ويعذبنى كدا
احمد :ضرب ايسل بالقلم وقعت ع الأرض
هتتجوزى يعنى هتتجوزى ومفيش شغل خلاص انا بقولك اهو
ومشي

مريم: خدت ايسل ف حضنها وحولت تقومها وتهدي فيها أهدى يا حبيبتي اكيد ربنا هيبعتلك الاحسن
وأيسل: مش قادره تتكلم ومصدووومه اوى