قسوه قلب

البارت الخامس

ايسل بتفكر هتعمل ايه مع علي لما تقابله ياتري هيفهمها ولا هيصمم ع كلام باباها
( دخلت ايسل تطمن ع مامتها )
ايسل : عامله ايه انهارده يا ماما بقيتى كويسه
منار : الحمدلله يا حبيبتي احكيلى عملتى ايه معلش مكنتش قادره غصب عنى
ايسل : لا يا قلبي عادى ربنا يخليكي ليا
بس انا مش عارفه اعمل ايه يا ماما انا مش موافقه اتجوز ولا دلوقت ولا بعدين انا بكره الرجاله كلهم
منار : معلش يا حبيبتي حولى تتكلمى مع على يمكن يقتنع بكلامك
ايسل : مهى مريم قالت كدا بردوه
بس انا خايفه منه أن يطلع زيهم
ماما بصراحه كدا انا فكرت انى امشي من البيت
منار : انتى بتقولى ايه مينفعش تعملى كدا عوزه ابوكى يعمل فيكى ايه والناس تقول عليكى ايه
ايسل : انا لو فكرت ف كل اللى حواليا هضيع نفسي عموما انا هقابل على الساعه ٣هقوم اجهز بقا وعلى فكره لو مقتنعش بكلامى انا هسيب البيت
منار : ربنا يهديلك الحال يارب
( لبست ايسل فستان ازرق وكانت جميله كالاميرات )
نزلت ايسل
علي ( انتى ازاى جميله كدا كل مره بشوفك بحبك اكتر ) طبعا ميقدرش يقول الكلام دا ليها لأنها بتحرجه دايما
على : ازيك عامله ايه
ايسل : كويسه وانت
على :الحمدلله تحبي تروحى فين
ايسل: اى حته عشان نشوف هنعمل ايه
علي حاسس انها مش عوزه الموضوع دا بس معقوله تكون بتحب حد تانى
ايسل : ايه هتفضل باصص ليا
علي : لا همشى اهو
ايسل : استغربت اوى من بصته ليها وهى دى اول مره تبصله فيها وتاخد بالها من ملامحه
....
وصلو المكان ...
على : تحبي تشربي ايه
ايسل : انا مش هشرب حاجه لو سمحت انا اصلا قاعده غصب عنى لان دى اول مره اقعد فيها مع حد عوزين نتكلم ف الموضوع دا عشان نقفله
علي بحده: هو انتى ليه دايما بتتكلمى كدا هو أنا عملتلك ايه انا مش عاوزه الموضوع دا اكتر منك
( هى اللى خلته يقول كدا لأن طريقتها وأسلوبها دايما وحشين
ايسل بأستغراب : انا بتكلم كدا ع طول وبجد انا مش عوزه اتجوز فكره الجواز دى مش بفكر فيها
على : اكيد فيه حد ف حياتك
ايسل بحده : لا طبعا مفيش لسبب بسيط اوى انى بكرهه الرجاله كلهم
على : ليييه
ايسل : لانكو فيكوا حاجات كتير انا مش بحبها وطريقت التعامل وحشه كأننا معندناش مشاعر
علي : مش معنى انك شوفتى حد وحش يبقا كلنا كدا
ايسل : حد الحد دا يبقا ابويا اللى المفروض يبقا ليا حاجات كتير هو ولا اى حاجه بالنسبالي.
(ايسل مستغربه اوى من نفسها ازاى قاعده بتكلمه وتحكيله )
على بحزن : انا ممكن اعوضك عن كل حاجه
ايسل حست بأحساس غريب اول مره تحسه أن ف حد عوز يبقا معاها بس قبل ما تضعف افتكرت طريقت باباها
ايسل : انا مش محتاجه حد جانبي انا عوزاك انت ترفضنى وتقول مش عاوزها
على بصدمه ازاى عوزانى اعمل كدا وانا كان امنيت حياتى انتى
ايسل : هتفضل تبصلى رد عليا موافق ولا
علي : هحاول اعمل كدا بدام دا هيسعدك
ايسل : شكرا جدا عن اذنك همشي
على : طيب يالا عشان اوصلك
ايسل : لا خلاص انا همشي لوحدى معلش لو كنت ضيقتك بكلامى ( استغربت نفسها اوى أنها اول مره تعمل كدا مع حد )
على : لا عادى مفيش مشكله
وهو بيحاول يبص لوشها ويحفظ ملامحها ونفسه متمشيش ابدا من قدامه
مشت ايسل وهو بيبص عليها
مش عارف هيعمل ايه
وازاى هيقول لباباه الكلام دا لو كانت اى واحده تانيه عادى لكن دى حبيبته مش قادر يسبها
وكمان أخته هتسافر لو مكملش الموضوع
كان ف حيره ومش عارف هيعمل ايه
... ايسل كانت ماشيه مبسوطه أنه فاهمها لكن ليه كانت حاسه ان في حاجه مزعلها بس كانت بتحاول تتغلب على الإحساس دا
........روحت البيت ...
دخلت لمامتها
ايسل :انا مبسووووطه اوى اخيرا خلصت
منار : الاول ايه الجمال دا جميله اوى يا حبيبتي
ايسل : حبيبتي يا ماما بس انا اكيد حلوه لانى خلصت من الموضوع
منار : بجد
ايسل : اه هو قال هيتكلم مع باباه بدام دا اللى هيسعدنى
منار : طب الحمدلله
ايسل : هروح بقا اكلم مريم واحكلها ............