مرحبا اني اسمي اقتدار ادري غريب المهم انا عمري 19 سنة مواصفاتي عادية مثل كول بنت بس اكثر شي مميز بية هو جسمي الي الكول يتمناه انا عشت بعائلة متحررة لكن بحدود ماما جانت توفرلي وتنطيني كولشي اريدة واتمناة كون اني البنت الوحيدة الهم على اخ واحد بس بابا جان دائما يكول لماما لدللينها زايد لان مصيرها لأبن عمها بس انا مجنت افهم شنو قصدهم لحد ما اجة اليوم الي غير حياتي وحطم كول احلامي .....
طبعا ماما وبابا ازوجو عن حب تحت رفض اهل بابا وعدم اقتناعهم بتربيت امي والجو العايشة بي لأن اهل بابا ناس معروفين أحد شيوخ عشيرة ........
في محافظة البصرة .. خلي احجيلكم عن عائلة بابا ...
متكونة من " ياسين " الي هو بابا عندة اني واخوية عباس عمرة 23 سنة يدرس هندس معماري وعمو " فرات " عندة حسين ومرتضى ومصطفى و قمر وعمتي " افتكار " عندة بنت وحدة اسمها نرجس طبعا عمتي منفصلة عن زوجها وبنتها عمرها 20 سنة وجدو وجدتي ...
نرجع للحاضر .. نزلت لكيت الكول كاعدين لان كلمن يريد يروح لدوامة ..
اقتدار : صباحوو
الكل : صباح النور
كعدت عالسفرة وشفت عائلتي المتكونة من ماما وبابا واخوية ..
خلصنا الأكل وكلمن راح لشغلة طبعا ماما مدرسة بمدرسة ...... وبابا مكون شغلة الخاص بي لان بابا جان مدرس وتقاعد بسبب الامراض المزمنة واخوية عباس يدرس بالجامعة المستنصرية واني ادرس كلية صيدلة لان هذا حلمي من انا وزغيرة ...
وصلت للكلية ولتقيت بحب عمري وحب الطفولة أمير ابتسمت لا اراديا ...
امير : هلاوو اني امير حبيب اقتدار عمري 21 مواصفاتي اسمر عندي عضلات وطويل والشي المميز بية هو غمازاتي اما باقي مواصفاتي فهي عادية انا حبيت اقتدار من جانت عمرها 6 سنوات لتكلولي شلون لان انا نفسي ما اعرف شلون حبيتها حب بريئ من جانت بعمر ال 6 سنوات لحد هسه وهي عمرها 19 سنة حبيتها واطورت العلاقة لان امي تكون صديقة امها جانت دوم تجي لبيتنة وجنت دائما العب وياها واشتريلها وبيوم الي بدت بالسادس علمي اعترفتلها بحبي طبعا هي فاجئتني بردت فعلها لان هم طلعت تحبني وكلتلها لازم اطلعين معدل وتنقبلين بنفس الكولية الي دا ادرس بيها طبعا ناوي اخطبها بس اكمل دراستي واكون شغلي الخاص بية ...
رحت علي ركض وكتلة ..
اقتدار : هلا حبيبي
بقة صافن علية ومتفاجئ من الي لابستة كان فستان محجبات لون مشمشي لان انا جنت سافرة وهو طلب مني أتحجب ..
أمير : بقيت صافن على جمالها وحسنها لك هاي وين اظمها انا لبستها الحجاب عود حتى محد يباوعلها تالي طلعت احلى من قبل .. كتلها هلا يروح حبيبج
اقتدار : شلونك
امير : والله صرت احسن بشوفتج
اقتدار : يعني مصر تخجلني بعدني مسامعة الرد ما اشوف الة واحد طويل واسمراني عيونة حاد وصايرات حمر من العصبية ما اشوف الة سحل امير وضربة بوكس على وجهة حسيت سنونة تفلشت من قوة الضرب وكع امير بالكاع وخشمة ينزم دم التمو علينة الطلاب واجو أمن الكلية واخذو امير وهذا الشخص للعمادة وجان انصدم من هذا الشخص انو هو يكون .........
