اجو امن الكلية واخذو احمد وهذا الشخص ونصدمت انو هو يكون ..... أبن عمي
انا ولا مرة رايحة لبيت جدو بس من جان عمري 9 سنوات اخر شي لان اهل بابا جانو رافضين ماما بس بابا حاول انو يصالحهم فمن صار عمري 9 سنوات بيومها بابا كال خل نروح وانجرب بلكي الله يحن كلبهم بالنهاية اني ابقى ابنهم بس من رحنة جدو طردنة وما ستقبل بابا فمن هذاك اليوم وليهسة احنة مرايحيلهم ...
مرحبا انا اسمي حسين عمري 30 سنة مواصفاتي اسمر عيوني حادة وحوجبي ثخان وطوال معالم وجهي متناسقة وطويل انا من عائلة شيوخ معروفين كلش بالبصرة ما مزوج حتكولون شلون عمرك 30 سنة انا اشتغل وي جدي بامور الشيخة وهاي السوالف كوني الحفيد الاكبر ما مزوج انا منتضر حبيبت روحي وعمري وقدري الاول والاخير بنت عمي اقتدار من يوم الي نولدت بس مجانو يجون النة لان جدي متبري من عمي ياسين من يوم الي ازوج اول مرة اجتنة بيها جان عمرها يمكن 9 او 10 سنوات هيج اذكر شلون جانت حلوة وبريئة ومن يومهة جدي يكلي انو بت عمك الك اخذها واكسر خشمهة وخشم ابوهة حتى يعرف يعصيمن بقة حجي جدي وابوي والكل ابالي انو بت عمك الك وما تصير لغيرك انا عندي هواي معارف من بغداد وصديقي الروح بالروح هم من بغداد ف انا مخلي يراقبها ويجيبلي اخبارهة كل يوم بيومة حتى اعرف كل حركة تتحركها كل طبه وكل طلعة بيوم من الايام خابرني صديقي منتظر كالي حسين عندي الك خبر كتلة لتخوفني قدري شبيهة كال اليوم شفتهة وي واحد وهيج وهيج انا هنا متت بيومها جدي جان عندة طلابة الة اروح ويا رحنة وانا بالي مو يمهم رجعت للبيت مدري شلون مر الوكت ثاني يوم خابر منتظر كال لازم تجي بنفسك وتشوف انا عاد ما كلت باطل ركبت سيارتي ورحت لبغداد وصلت كبل رحت لكليتها شفتها واكفة وي واحد وتضحك انا ما بقة براسي عقل رحتلة كبل ضربته بوكس خشمة نزف دم التمت الطلاب واجو امن الكلية كالو رحنة للعميد كال منو انت وليش ضربتة كتلة انا ابن عمهة اباوع الها صفنت بية كتلة انا جاي اخذها وياي بدون ما انتضر جوابة لزمت ايدها ومشيت صعدتها بالسيارة ومشيت يم الشط ....
اقتدار : كل الصار ما مستوعبتة ابن عمي ؟؟ منو منهم وليش جاي ؟؟ وشيريد مني ؟؟ وليش ضرب امير كل هل اسئلة بالي اريد اجوبة لزم ايدي ومشة بية صعدني بالسيارة وانا ما مستوعبة شجاي يصير اخذنة يم الشط كال ..
حسين : عرفتيني ؟؟
اقتدار : انت منو من ولد عمي ؟؟
حسين : انا حسين
اقتدار : شجابك وشتريد مني ؟؟
حسين : مو مهم شجابني كليلي منو هذا النذل الجان واكف وياج
اقتدار : وانت شدخلك
حسين :دخلني ونص احجي منو
اقتدار : معليك وممكن ترجعني لجامعتي
حسين : كتلج منوووووووووو
اقتدار : يمة نزيت من صوتة كتلة حبيبي
حسين : حبيبج !!!
اقتدار : اممم حبيبي ويلة رجعني لجامعتي لا اخابر بابا واكولة
حسين : لزمتها من فجوجها وكتلها خلي هل حجي براسج " انتي مالتي وبس " فهمتي لو اعيد ؟؟
اقتدار : انت شدتحجي شنو مالتك شنو فهمتي لك انت عاقل انا اصلا ما اعرفك ..
حسين : حقج ما تعرفيتي .. حركت السيارة ووديتها للبيت نزلت لزمت ايدها ونزلتها دكيت الباب حيل طلعتلي امها كالت يمة قدورة وخلتها وراها .. كالت منو انت كلتلها عمي هنا كالت ايي بس منو انت طلع عمي كلها منو اجة باوعلي وصفن كال حسين ........
