♥️أحببت سيدة ♥️

❤❤

-ميريام قوم عيش بنتي فيق معادش وقت
-امي سيبني خليني نرقد شوي
-على راحتك بنتي اما راو قرايك

ميريام سمعت هالكلمة تنطرت نسيت نعرفكم على بطلتنا (ميريام طفلة تقرى عمرها 19 ، مزيانة شعرها طويل اسود، عيونها زرق اما هي تعمل ديما لونتِي كحل، شفايفها مليانة، بشرتها فااتحة) لسانها طويل ما تسكتش عالحق طيْبة تعيش معا امها كهو تو نعرفو علاش ميريام تسعى باش تولي سيدة أعمال و ناجحة في القراية و ذكية.
كملت ميريام عملت دوش لبست
سروال نوار و توب بلون و باسكات بلون عملت مكياج خفيف عملت ضفيرة فشعرها و خر جت تقرى.
في المطار ليوما لعباد والأمن داخل بعضو
-يخي شفما هوني
-قالك عائلة مصطفى الكردي جايين مالخارج و باش يستقرو هونيا
هبطو مالطيارة وصلو للباب و يستشقو في هوا بلادهم الي عمرهم ما زاروه
مصطفى: هذي بلادنا هذا اصلنا
خديجة: شنوا لزوم هالجيا بربي كا بقينا مش خير
ياسين: بربي خلينا نمشيو للاوتيل و بعد احكيو
عايدة:للاوتيل ههه ياخي مافيبالكش بونا شكون.. بش نمشيو لدارنا
ياسين: جو مالا
خديجة: يا وليدي منين جا الجو
عايدة: امي تاو عاد ستانست بفرنسا يا وحيدة
مصطفى : احترم تحكي مع امك راو
عايدة :سامحني امي
مصطفى : ما جبتكمش هنا بلاش سبب ياسين انتي باش اتدير الشركة الي هوني و هاوكا ولد عمك شريك فيها تو يعاونك
نتعرفو على بطلنا (ياسين في طبيعتو ياسر صعيب يحب برشا عايلتو المهم ياسين طويل و اسمر بدنو مخدوم، شعرو ماغون، عينيه سود)
نتقابلو في الحلقة الجاية.
👋💎