♥️أحببت سيدة ♥️

❤❤

الجزء 2 الحلقة 6:
وصل ياسين دخل يلقى بوه متوتر و واقف تحت الدروج و أمو تبكي،طلع الفوق ويكلم فيها:
-حل الباب عيش أختي حل.
وسمع صوت تكشيرة قوية، يوخر و يقدم و يضرب الباب بساقو حلو دخل يلقا في يدها ڨزازة مالمراية إلى كسرتها، و هي منهارة تبكي عينيها منفوخة حالتها حالة بدا يقدم و هي حطت الڨزازة فوق يدها و هو لحق خطفها منها فيسع و بدا يصيح عليها:
-شبيك شنوا صار هبلت ضيعت عقلك هذا الكل على خاتر عملة عملها واحد *****
-لا لا مش خاتر عملة عملها واحد **** خاتر الي عمل العملة خويا من لحمي و دمى و هو تو في الحبس و انت الي دخلتو انتي الي دخلت خوك.
-هو كان ناقم عليا و كل مرّة يعمل حاجة ادخلني في مشكلة
- هو عندو الحق كان جيت انت في بلاصتو شكنت تعمل تكبر تلقا روحك في ميتم امك و بوك خلوك ملوح و سافرو و عاشو حياتك عادية و جابو صغار و نساووك
- فؤاد؟
-اي فؤاد الاسود الي ولا قلبو كاسح حجر بعد معرف الي هو ولد حرام، دخل يخدم في المافيا و يقتل في العباد، اما يعلم بيه كتن ربي.
Stoop stop:
نرجع بيكم لقبل بشهور وقت فؤاد خطف عايدة، خطفها صحيح اما الحكاية الي حكاها لياسين كانت غالطة:
عايدة: انا وين شكونكم انتوما سيبوني سيبوني.
الراجل: اركح مدموازال شوي و السيد فؤاد يجي تو يفهمك الحكاية.
عايدة: شكونو ها فؤاد ناديلو ايي ايدي توجع علاش رابطين و انتوما هوني، يخي بالحق عضلاتكم والا منفوخين، ايي ايدي.
فؤاد دخل عمللهم بيدو بش يخرجو، خرجو و خلوهم وحدهم، جاب كرسي و قعد مقابلها:
فؤاد: متخافش مش بش نضرك، انت بش تعاوني كهو.
عايدة : سيبني خنروح بربي
-فؤاد :ماعندك حتى حل كان تسمعني و تعاوني.
عايدة : رجعني احسنلك كان يسمع بابا و الا خويا يقتلوك.
فؤاد : بوك قتلني عندو برشا و خوك انا الي بش نقتلو.
عايدة : ياي حاسة روحي في فلم بوليسي احمم باهي شتحب.
فؤاد : قتلك بكري شنحب، نحبك تعاوني.
- فاش
- اسمعني الساعه
-هاني نسمع
- انا من الي حليت عيني لقيت روحي في ميتم لا أهل لا عايلة، وفت عمري 10 سنين جات عايلة بش تتبناني و بعد عام ماتو في اكسيدون، قعدت وحدي لين كبرت و عرفت الي امي و بابا الحقيقيين خلاوني عمري نهار قدام باب ميتم و مشاو عرسو و سافرو لفرنسا و جابو زوز صغار و تو رجعو و انا اكيد نحب ننتقم.
مسكينة تأثرت بدأت تبكي و هو زيدا الدموع تجمعو في عينيه انا ما هبطش مش من طبيعتو يضعاف.
عايدة : اي والله عندك حق عباد بلا رحمة، اي و انا شنو مدخلني
- انتي اختي
-ش.. شق.. شقلت.. معناها بابا و امي جابوك قبل العرس و عملو هكا لا مستحيل.
- انا قتلك الحقيقة عاوني
- انا شنو بش نعمل انتي هام مجرم
- المجرم يأجرم اما انا اقل حاجة نعملها قلبي نحسو يتقطع، اصل انا كاره روحي وصلت خطفت اختي زايد انا ولد حرام.
-متقولش هكا عيش خويا باهي شتحبني نعمل...
و الباقي تعرفوه حكاية الدوخة و العملية تمثيل.
نرجعو للواقع:
ياسين حط راسو بين يديه يستوعب فالي اختو قالتهولو هبط عينيه حمر مالغش و عايدة وراه.
خديجة : عايدة بنتي لاباس علاش عملت هكا يا روحي شكون عندي غيركم انا.
ياسين: ههه شكون عندك غيرنا؟ عندك يا للا عندك ولدك الي جبتو في الحرام و رميتو قدام الميتم عمرو نهار و انا دخلتو للحبس و ضربطو بكرتوشة على ساقو.
مصطفى: شبيك تحكي مع امك هكا، منين جبتها الحكاية.
عايدة : جابها منين جابها و انتم جيبو و طيشو و عرسو و عاودو جيبو و احنا كيف الأطرش في الزفة.
مصطفى: كان مجيتش عاملة عملية راني لبزتك بكف.
عايدة : ههه تنجم تلبزني تو خاتر منيش عاملة عملية لكلو تفليم هههههه.
خديجة: يا وليداتي صحيح انا كنت حبلة قبل العرس و نهارت الي ولدت الصغير مات و امي مشت دفنتو في نهارو.
ياسين : تحبو تبلفطوني بكلمتين معناها.
خديجة : ياسين ولدي واله كيما نحكيلكم.
ياسين : هاني تو ماشي مروح و غدوا الصباح نتعدى للمركز باش نخرجو.
خرج ياسين ركب كرهبتو و ديرامسيون دارو.
عايدة فَهمت العايلة الي صار و طلعت لبيتها، و مصطفى قرر انو فؤاد يعيش معاهم كيف خواتو و حقو ياخدو كيف عايدة و ياسين.
💎 ❤️ 🧡 💛 👋