انا : خيرك ،وين انتي
رزان: في المقبره
انا انصدمت : شنوو ،انتي ومنو وشن ديري غادي
رزان: انا وسوسن ، نزور في ماما
انا تنهدت براحه : به مطوليش
رزان : حاضر سلام "سكرت الخط "
انا حطيت النقال : هي انزل
كرم :هي "نزلنا"
_________________________________________
"في المقبره"
وقفت رزان قدام قبر امها والدموع في عيونها 😭:
ماما وينك خليتيني بروحي انا بحاجتك ومعتصم مستاحشك كل يشوف لصورك ويبكي حرااام ليش سيبتينا ليش.....قعمزت ع ركابها وهيا تبكي وتشهق
سوسن قعمزت جنبها وحضنتها😥: وسعي بالك امك ارتاحت يا رزان ادعيلها بالرحمه مش تعيطي
رزان وهيا تشهق وتبكي 😭: الله يرحمك يام الله يرحمك
وقفت علي حيلها خديت الورده وحطتها ع القبر
فجاه حست بحركه تلفتت شافت واحد بعيد عليهم لابس سروال وجاكيت اسود ومخبي ملامحه بالطربوش"قبعه متاع الجاكيت" مش باين من وجهه الاخشمه و فمه ويشوفلها
رزان بخوف: منو انته
سوسن انتبهتلها : في شكون تكلمي
رزان تلفتتلها واشرت عليه : هادا
سوسن : مفيش حد
رزان توسعوا عيونها من الصدمه 😵 : كككيف كان واقف هني
سوسن : هيا نمشوا
رزان هزت راسها وابتسمت لسوسن :😊 شكلها المقبره اترت ع تفكيري هيا "طلعوا "
"في السريع"
مولعين اغاني بلقيس ويغنوا وهياجه
رزان يلي تشوف لسوسن كيف عيونها ع الطريق وتغني
ابتسمتلها وشافت قدامها تلفتت وشافت قدامها
انصدمت 😵😱 لقاته نفس الشخص واقف في نص الطريق والسيارا يخترقوا في جسمه من غير ما يصيرله شي او ينجرح او اي شي وشوي كانت سوسن حتخبطه بالسياره
رزان بصوت عالي وشدت في الدومان"مقود" ولفت وطلعو من الطريق وخشوا في شجره
فقدوا الوعي 3دقايق فتحت رزان عيونها ع صوت دوشه وشاب يهز فيها من كتفها :انتي كويسه يا اختي
رزان رفعت راسها يلي كان تقيل بشوي :ايه ايه كويسه
شافت لسوسن ونصدمت لما شافت وشاحها دم حطت يدها ع كتفها :سسسسوسسن
سوسن فتحت عيونها ببطئ :وين اني .. رفعت راسها
اااه يا راسي شوي سكتت
رزان :سوسن
سوسن نصدمت :سيارتي رزان سيارتي
نزلت من السياره وتبعتها رزان
سوسن تعيط بصوت عالي :رزان سيارتي سيارتي
كله منك
رزان تهدي فيها :خلاص توا انصلحهالك ع حسابي
سوسن حضنتها : يا ربي شكرا حبيبتي شكرا
رزان : ولو اني السبب
الشاب : راسك دم خلي نرفعك للمستشفي
سوسن حطت يدها ع راسها وشافت الدم : رزان راسي دمم
رزان مصار شي هي نمشوا نخيطوه
ركبوا السياره وطول الطريق والشاب يشوف لسوسن كيف تبكي من المرايا ورزان تشوفله كيف مركز في سوسن فجاءه رن تليفون رزان
رزان : الوو
معتصم: ايوا رزان روحتي
رزان بارتباك : لا ماشيا للمستشفي
معتصم وقف من الرعشه : صارلك حاجه قولي
رزان :لا لا بس خبطنا في شجره سوسن راسها نجرح ماشيين نخيطوهلها
معتصم : اي مستشفي
رزان : ال******
معتصم : شوي ونكون عندك "سكر الخط "
الشاب : وصلنا هي انزلوا
"انزلنا"
_________________________________________
°معتصم °
بعد ما سكرت من رزان
انا : هي نوض
كرم وهوا ياكل: وين خيرها اختك
انا : نوض يا تافه اختي دارت حادث
كرم شرق وقعد يكح: احم احم اح شنو
ناضوا ركبوا السياره ومشوا
_________________________________________
°في المستشفي °
سوسن في الاسعافات ومعاها الشاب
ورزان كانت مقعمزه في الممر اتصل نقال سوسن
رزان : الوو
سامي اخ سوسن : ها سوسن امك من امبكري مشغوله عليك
رزان في سرها: شن بنقوله
سامي : الوو
ناضت رزان للبالاكونه متاع المستشفي
رزان : اسمع اني رزان صاحبت اختك درنا حادث وسوسن في الاسعاف
سامي بخوف :ششنو خيرها
رزان : انجرحت جرح بسيط يبي خياطه
سامي :في اي مستشفي انتم
رزان : مستشفى ال****
سامي : شوي ونجي" سكر الخط"
حطت رزان التلفون في الشنطه حست بحراره قريبه ع جسمه تلفتت وانصدمت لقاته نفس الشخص قريب عليها واجد لين لا صق فيها مغطي عيونه ومش باين من وجهه الا خشمه وفمه ويديه يلي كلهم وشوم
فتحت فمها بتصرخ حط يده ع فمها : اسسسسس
رزان والخوف مسيطر عليها : ممم من انته
: حتعرفيني بس مش توا
قرب منها لين لصقها في الحيط سكرت رزان عيونها
وفجاه سمعت صوت معتصم من داخل المستشفي
فتحت عيونها انصدمت
اختفي
#####
#يتبع ***
_________________________________________
حدات الجايه روعه ترقبوا 😁😁😁
واسفه كان في اخطاء املا ئيه مش مني والله من الكيبورد
انحبكم✌✌❤❤❤❤❤
#hanosha abdo
ومتنسوش
انتبهواااااااا
أنت تقرأ
بين عالمين 🔞☠
Horrorواقع مرعب وآخر ممتع رزان وسيمون في عالم😱😱 ومعتصم ورواسم في عالم اخر😳😳 🔞🔞🔞 الكاتبه:hanosha abdu هنوشه عبدو😍😍
