ناضت رزان وكان مصار شي 😳بس كانت فاقده الذاكره مؤقتا رجعوا للحوش وبوها قرر يسفرها ...
اما معتصم حط رواسم في استراحتهم في عين زاره🏰
يوم السفره ....
معتصم حاضن بوه : تمشوا وتجوا بالسلامه
بوه: انشالله
معتصم جي وحضن رزان❤: تمشي وتجي بالسلامه
رزان🥰: انشالله
ناديا كانت معاهم 😏
ركبوا الطياره وعيون معتصم مراقبات الطياره لين طارت كانت الرحله لالمانيا🛫
.
.
.
.
.
.
رجع للحوش خدي حجاته وطلع هوا وكرم
للاستراحه..
كرم: به كيف الراي توا
معتصم: راي شنوا
كرم🤨: اختك معليشي قلبي يقولي مش صرع هدا
معتصم😮: واااو تي غر لا معرفتكش يا دكتور
كرم : منتسهوكش انا😒
معتصم درس السياره 🙂: عارفك حتي ني هي انزل (معتصم نسي يلي صار لما شاف سيمون كيف الله اعلم )
نزلواللاستراحه معتصم فتح الباب الداخلي وكرم قعمز علي الكراسي برا
رواسم تقلب في الtv سمعت الباب ناضت
رواسم😐: منوا♧
معتصم خش الدار: انا
رواسم 😊: وينك
معتصم: وصلت اهلي للمطار
رواسم: قاعده رزان مريضه😥
معتصم: ايه شويه هي ديرلنا قهوه
رواسم😁: تمام وخشت..
معتصم طلع وقعمز مع كرم
كرم يسبس : امي بتخطبلي
معتصم😂: لالا انا نخطبلك امك معندهاش دوق شفناها في بوك
كرم😒: مصح وجهك اصلا حاط وحده في راسي
معتصم : منوا
كرم: سوسن صاحبت اختك🥰
معتصم قعد يكح : احو احوا ح شنوا
كرم: ايه كيف ماسمعت
معتصم: باهي ربي يسهل
كرم: باهي يلي عندك كيف بديرلها
معتصم😵: والله ماعارف يا راجل
كرم : ارفع عليه قضيه وخلي يطلقوها غيابي
معتصم: وبعدين
كرم 😏: خودها
معتصم🤨: ونبي يا عبقري
كرم 🙂: عارف روحي
رواسم طقت علي الباب
معتصم ناض خدي القهوه ورجع
قعدوا يشربوا في القهواوكملوا هدرزه
________________________
بنختصرلكم♤
فعلا معتصم رفع القضيه بموافقه من رواسم وقالوله القضيه والمحاكمه بعد شهر
كرم خطب سوسن رسمي وسوسن فرحتها مش عاطيتها لحد ❤🥳
رزان كل يوم الوري راحت تفقد في توازنها واعصابها والكل يحسابه صرع
بس هي ا شي تاني خالص وبوها بيتقطع عليها
سيمون 😱😱
مستمر في زياراته لرزان
تعالوا نتعرفوا ع ليليث♧
طبعا ليليث هادي جنيه واقعيه هيا يلي تطلع لرزان بصورت امها وهيا نفسها لطلعت لمعتصم بصورت امه يعني مش امهم يلي يشوفوا فيها شن السبب حنعرفوه في الحلقات الجايه♡
استنوني ❤😁
#hanosha abdo
أنت تقرأ
بين عالمين 🔞☠
Horrorواقع مرعب وآخر ممتع رزان وسيمون في عالم😱😱 ومعتصم ورواسم في عالم اخر😳😳 🔞🔞🔞 الكاتبه:hanosha abdu هنوشه عبدو😍😍
